Gasaren prezioari muga ez da ekaina baino lehen aplikatuko, eta 12 hilabeteko iraupena izango du
Argindarra sortzeko erabiltzen den gas naturalaren prezioa mugatzeko, Espainiako Gobernuak ostiral honetan onartu duen mekanismoa ekainean sartuko da indarrean, eta 12 hilabeteko iraupena izango du. Handizkako merkatuan argindarraren salneurria % 40 murriztea espero dute.
Trantsizio Ekologikorako Ministerioaren iturriek zehaztu dutenez, litekeena da errege dekretua larunbat honetan argitaratzea Estatuko Aldizkari Ofizialean, baina ez da aplikatuko Europako Batzordeak behin-betiko onartu arte.
Espainiako Exekutiboak sektoreari mekanismo berrira egokitzeko eman dion epea kontuan hartuta, gas prezioaren muga ekainaren 1ean sartuko litzateke indarrean, Europako Batzordearen baimena lehenago iristen baldin bada.
Neurri horri esker, argindarraren faktura ia % 40 jaitsiko da handizkako merkatuan indexatutako tarifak dituzten kontsumitzaileentzat.
"Lehen aldiz ez dute betikoek ordainduko. Lehen aldiz, hartzen diren neurrien helburu nagusia enpresa elektrikoen aparteko mozkinak murriztea da", eta "kontsumitzaile guztientzat onurak egotea", defendatu du Teresa Ribera Espainiako Gobernuko hirugarren presidenteorde eta Trantsizio Ekologikorako ministroak.
Zentzu horretan, argindarraren prezioaren igoeraren aurrean azken hilabeteetan erantzunik eman ez izana aurpegiratu die Riberak argindar sektoreko enpresa handiei: "Asko gustatuko litzaiguke etxeen ordaintzeko ahalmenarekin edo industriaren beharrekin bat datorren portaera izatea".
"Berehalako efektua da gasaren kostuan ordainduko den elektrizitate bakarra gas naturala erabiliz sortutakoa dela. Gainerako energiak kutsatzeko efektua ezabatzen dugu, eta horrek aparteko mozkinak nabarmen murriztea ekarriko du ", azaldu du Riberak.
Ministroak nabarmendu du neurri horrek "aurrekari gutxi" dituela, "baten bat baldin badu"; izan ere, Europak ulertu ditu "Espainiak eta Portugalek salbuespen hori izateko arrazoiak". Esan duenez, "aterki bat" izango da etxeko kontsumitzaileak eta industria handia babesteko.
Isabel Rodriguez Exekutiboko bozeramaileak esan du erabaki horrek Europako energia-politikan "egiturazko aldaketa" baten lidergoan jartzen duela Espainia.
48,8 €/MWh-ko batez besteko salneurria
Bruselarekin negoziatu duten mekanismoaren arabera, hamabi hilabetez gasak batez beste 48,8 euro balioko du megawatt orduko (gaur egungo prezioaren ia erdia), eta mesede egingo die handizkako merkatuan elektrizitatearen gorakadak eragindako kontsumitzaileei, etxebizitzetan zein industrian.
Prezioa 40 eurokoa izango da sei hilabetez, eta, ondoren, 48,8 euroraino igoko da. Merkatuko erreferentziazko prezioa, berriz, 100 euro/MWh-tik gorakoa da gaur egun —Europan erreferentzia den Herbehereetako TTFren kasuan bezala—.
Merkatu elektrikoaren egungo konfigurazioan, gasak elektrizitatearen prezio globala zehazten du, ekoizle guztiek prezio bera jasotzen baitute produktu beragatik, elektrizitatea sarean sartzen denean.
Espainiako eta Portugalgo gobernuek aldi berean onartu dute neurria, Europako Kontseiluak bi herrialdeek energiaren prezio garestiei aurre egiteko duten zailtasuna onartu eta bi hilabetera.
Araua Estatuko Aldizkari Ofizialean (BOE) argitaratu eta hurrengo egunean sartuko da indarrean. Litekeena da bihar edo astelehenean argitaratzea. Hala ere, EBren behin betiko onarpenaren mende dago, eta litekeena da, Riberak zehaztu duenez, astebete edo hamar egun atzeratzea erabat indarrean sartzeko. Beraz, ordura arte ez da doikuntzarik egingo.
Zure interesekoa izan daiteke
Jose Antonio Jainagak sektore bereko enpresen arteko fusioak defendatu ditu
Trenen sektorean Talgo eta CAFek bat egitearen aldeko ideia iradoki du eta formula horrek siderurgiarako berdin balio dezakeela uste du. Kostuak gutxitzea da fusio horiek egiteko arrazoi nagusia bere ustez.
LAB, ELA, CCOO eta UGT sindikatuek greba deitu dute asteartetik ostegunera, eskola-jantokietako lan-baldintza duinen alde
Sindikatuek salatu dute hitzarmen kolektiboa blokeatuta dagoela eta Eusko Jaurlaritzak ez duela araudia aldatzeko borondaterik.
Tubos Reunidosek bere eskaintza hobetu du: 1.500 euro lan egindako urte bakoitzeko, borondatezko kaleratzeentzat
Amurrioko eta Trapagarango lantegietako enpresa batzordeek euren jarrerari eutsi diote eta enplegu erregulazio espedientea erretiratzeko eskatu dute. Kaleratzeen baldintzak ez dituztela negoziatuko esan dute.
Jainaga (Sidenor): "Duela sei hilabetera arte Justizian sinesten nuen"
Sidenorren presidente Jose Antonio Jainagak esan du oraindik ez duela ulertzen zergatik ireki duten haren aurkako eta enpresako beste bi zuzendariren kontrako auzia, Israeli altzairua saltzeagatik, eta nabarmendu du duela sei hilabetera arte Justizian sinesten zuela. Lehen Justiziak "azkeneraino jazartzen" zituen gaizkileak, baina "jende zintzoa eta errugabea lasai joan zitekeen lotara".
Talgok inbertsio "handiak" egingo ditu 2027ra bitarte, eta 200 lanpostu sortuko ditu Arabako lantegian
Hala iragarri du Jose Antonio Jainaga konpainiaren presidenteak astelehen honetan. Asmoa da Ribabellosako lantegia indartzea, eta horretarako kontratazioak egingo dituela iragarri du. Erronka berrien artean, berriz, abiadura handiko trenean jarri du azpimarra.
Petronorren instalazioak jarduerari ekin dio berriro, elektrizitate-horniduraren etenaldiaren ostean
"Tximiniek ke beltza bota dezakete batzuetan, baina ez dago kezkatzeko arrazoirik, zuzen funtzionatzen ari direla eta beraien funtzioa betetzen dutela frogatzen du horrek, hain zuzen ere", nabarmendu du konpainiak.
Petronorren Muskizko findegiko unitate guztiak geratu dituzte hornidura elektrikorik ez dagoelako
17:15ean segurtasun-neurri guztiak aktibatu dira automatikoki, eta ke beltza atera da hiru tximinietatik.
Beste greba egun bat Tubos Reunidosen, espedientea negoziatzeko batzarrarekin bat eginez
Langileek 24 orduko geldialdia egingo dute astelehenean zuzendaritzari presioa egin eta enplegu-erregulazioko espedientearen baldintzak hobetze aldera.
Pentsiodunek ez dute trukerako txanpona izan nahi: "Ez dezatela pentsioekin jolastu"
Euskal Herriko Pentsiodunen Mugimenduak deituta, milaka pertsona bildu dira Bilbon eta Donostian egin diren manifestazioetan. Kolektiboak berriro eskatu du gutxieneko pentsioak lanbide arteko gutxieneko soldatarekin parekatzea, bereziki emakume pentsiodunak "duintasunez bizi daitezen eta hilaren amaierara irits daitezen".
Mercosurren eta EBren arteko akordioaren kontra egin dute ehunka lagunek Gasteizen
Lehen sektoreko kideek, traktore eta guzti, manifestazioa egin dute larunbat honetan Gasteizen, Europar Batasunaren eta Mercosurren arteko akordioaren aurka eta Euskal Herriaren elikadura-subiranotasunaren alde. Araba Bizirik, Ataca, Bionekazaritza eta UAGA elkarteek deitutako protestan, itun horrek elikagaien osasuna eta segurtasuna arriskuan jarriko dituela salatu dute, "Europan debekatuta dauden pestizida, transgeniko eta osasunerako kaltegarriak diren hormonak erabiltzen dituzten multinazionalei ateak are gehiago irekitzen dizkielako".