Gamesa enpresa independente gisa "desagertzeko bidean" ikusten du EH Bilduk
Erreakzio-soka luza ekarri du Siemens Gamesa Renewable Energyren akzio guztiak bereganatzeko Siemens Energyk, joan den larunbatean, iragarritako eskaintza publikoak. Langileak izan ziren iritzia ematen aurrenak, eta gaur erakundeak eta alderdi politikoak ere batu dira sokara. Besteak beste, EH Bilduko Iker Casanova legebiltzarkideak adierazi du enpresa independente gisa "desagertzeko bidean" ikusten duela Gamesa, "Euskaltelek eta beste enpresa askok" egindako urrats berdinak jarraitzen ari dela iritzita.
Twitter sare-sozialean zabaldutako mezu batean Casanovak ziurtatu duenez, ezker abertzaleko koalizioak "urteak daramatza enpresa estrategikoen galera" salatzen, Jaurlaritza beste alde batera begiratzen ari den bitartean: "Ekoizpen-sarea defendatu beharrean, kritikak isilarazten pasatzen dute denbora", esan du.
Bere aldetik, Radio Euskadi Irratian egindako elkarrizketa batean, Arantxa Tapia Eusko Jaurlaritzako Ekonomiaren Garapen, Jasangarritasun eta Ingurumeneko sailburuak deitoratu du oraindik "informazio zehatza falta" dela Siemens Energyk dituen asmoen inguruan, horrek Siemens Gamesa erosteko eskaintza egin ostean. Hala, uste du "gehiegi aurreratzea" dela balizko kaleratzeei edo egoitza Alemaniara eramateko planei buruz hitz egitea. Nolanahi ere, egoera "konplikatua" eta "ziurgabetasuna" eragiten duela aitortu du.
Iragarri duenez, larunbat gauean bertan jaso zuen enpresaren asmoen berri, eta atzo Siemens Gamesako ordezkariekin hitz egiteko aukera izan zuen. Horren hitzetan, "zer gertatzen ari den jakin behar duten lehenengoak langileak dira". Horren ondotik, erakundeek, "dituzten ahalmen urriekin", lanpostuak "bermatzearen eta EAEko hornitzaileekin lanean jarraitzearen alde" egingo dute.
Akzioen % 32,9 bereganatzea falta zitzaion Siemens Energy konpainia alemaniarrari Gamesaren jabetza osoa izateko — egun, % 67 du jabetzan —; beraz, operazio honekin, osorik berea litzateke. Gaur goizean eman ditu operazioaren xehetasunak Christian Bruch konpainia alemaniarraren kontseilari ordezkariak, telematikoki eskaini duen prentsaurrekoan. Ziurtatu duenez, Siemens Gamesak Euskal Herrian martxan dituen operazio guztiei eustea da euren asmoa, eta Espainiak "Siemens Energyren baitan ezinbesteko eginkizuna" izaten jarraituko duela zehaztu du.
Hala, bat-egiteak alde guztiei egingo diela mesede adierazi du zuzendaritzak: "hornitzaileak, bezeroak, akziodunak, langileak eta gizarte osoa", denak aterako direla irabazten esan du. Erosketa osatzeko epeen berri ere eman du agerraldian, eta 2022 amaierako prozesua amaituta egongo delakoan dago.
Zure interesekoa izan daiteke
CAFek lortu egin du "mendeko kontratua": 1.700 milioi euro Belgikan trenak egiteko
Beasainen egoitza duen konpainiak kontratu horren inguruko ziurgabetasunarekin amaitu du; izan ere, polemika handia piztu zen han, Alstom enpresa frantziarrak dagoeneko hainbat lantegi baititu Belgikan, eta enpresa horrek kontratua ez lortzea kritikatu zuten.
Balenciaga ontziolako langileek atzera bota dute Abu Dhabi Ports talde arabiarraren azken eskaintza
Pasa den azaroaren 30ean, Balenciaga ontziolak salerosketa akordioa sinatu zuen aipaturiko inbertsio talde arabiarrarekin, 11,2 milioi euroren truke. Salerosketa ixteko, ordea, ezinbesteko baldintza da langileekin akordioa lortzea. Antza denez, langileen erosahalmena bermatuko luketen soldatak dira akordiorako korapilo nagusia.
Talgoren erosketaren ondoren, partzuergoko kideek Rivabellosako fabrika bisitatuko dute
Imanol Pradales lehendakaria eta Jose Antonio Jainaga enpresaria buru zirela, akziodun berriek Talgo enpresak Rivabellosan dituen instalazioak bisitatu dituzte. Denek uste dute operazioa funtsezkoa izan dela enpresaren jarduera eta enplegua sendotzeko, eta etorkizun oparoa iragartzen diote tren-enpresari.
Petronorreko greba bertan behera, enpresak bide judizialari uko egin ostean
Sindikatuek bertan behera utzi dute greba mugagabea, zuzendaritzarekin adostuta, 83 eguneko lanuztearen ondoren.
Europa osoko nekazariek Brusela hartu dute politika bateratuaren eta Mercosurrekiko akordioaren aurka protesta egiteko
Lehen ordutik, milaka traktorek eta nekazarik hiriko auzo europarra blokeatu dute, Europar Batasuneko erakundeen politiken aurka protesta egiteko. Poliziarekin ere istiluak izan dira. Europako nekazaritza-sektorea kontuan hartzeko eta kalterik ez egiteko eskatu dute.
EAEko ekonomiaren hazkundea % 2,1ekoa izango da datorren urtean, Confebasken arabera
Confebaskek aurreikusten du BPGa % 2,1 haziko dela 2026an Euskal Autonomia Erkidegoan, nahiz eta egun dauden "arriskuek" % 1,7 eta % 2,6 arteko tartean egotea eragin dezaketen. Inbertsioan eta enpleguan dinamismo txikiagoa izatea espero du Confebaskek.
Bizumen gaineko kontrol gehiago izango dira 2026an, baina profesionalei eta enpresaburuei eragingo die soilik
Zerga Agentziak ordainketa digitalei buruz jasotzen duen informazioa indartuko du 2026tik aurrera, Bizumekin egindako eragiketak barne, baina neurria jarduera ekonomikora mugatuko da eta ez du eraginik izango partikularren arteko trukeetan.
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarriz gero, haragiaren prezioan eragina izango duelakoan. Alabaina, kasu bakar bat agertuko balitz, etxaldeko abelburu guztiak sakrifikatzea eragingo luke.
Medikuen sindikatuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio gehiago egingo dituztela iragarri dute.
?fmt=webp-alpha&qlt=80)
Nekazarien protestek jarraitzen dute Ipar Euskal Herrian eta Frantzia osoan, dermatosi nodularraren auzia nola kudeatu den eta Mercosurren ituna salatzeko
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.