Errekaldeko saihesbidearen proiektua aztertzen hasi dira
Errekaldeko saihesbidearen proiektu konstruktiboa "ongi prestatzeko", aldez aurretiko azterketak egiten hasi da Bizkaiko Foru Aldundia. Bilboko auzoan, A-8 autobiaren zubibidea behera bota ahal izateko beharrezko azpiegitura da. Proiektu "konplexua" da, eta amaitzeko bederatzi urte eta erdi inguru beharko dituzte.
Errekaldeko bizilagunek urteetan zehar aldarrikatutako azpiegituraren inguruko datu batzuk zehaztu ditu Imanol Pradales Ekonomia Garapenerako foru diputatuak, Bizkaiko Batzar Nagusiaren kontrol saioan, EH Bilduk eta PPk eskatuta.
Raul Mendez EH Bilduko ordezkariak eta Eduardo Andrade PPko batzarkideak proiektu honi, beste batzuei bezala, "lehentasuna" ematea eskatu dute.
Mendezen ahotan, "Bilboko hiri-antolamenduko plan orokorra onartzearekin batera, ez dago aitzakiarik" aurrera ez eramateko.
Andradek aurpegiratu duenez, "urte gehiegi pasa dira promesak bete gabe", eta zubibidea behera botatzeak "lehentasuna izan behar du".
Pradalesen hitzaldia bertatik bertara jarraitu dute Errekaldeko bizilagun batzuek, Batzar-etxean. Bilboko Udalak hiri-antolamenduko plan orokorra behin onartuta, Aldundia "informazio geotekniko, urbanistiko, ingurumen eta funtzionala aztertzen hasi da dagoeneko, eraikuntza proiektua lizitatu ahal izateko, puntu kritikoak identifikatzeko".
Sei hilabeteko lana
Nabarmendu duenez, horretarako, sei hilabete beharko dituzte, eta ondoren proiektu konstruktiboa kontratatu beharko dute.
Saihesbidearen eraikuntza eta zubibidea eraistea proiektu "konplexuak" direla errepikatu du Pradalesek. Horregatik, tramitazioak denbora luzea beharko du, egitasmo "oso handia" delako, A-8 autobian eta hirigintzan eragina izango duelako, baita ingurumenean ere; izan ere, tunel bat eraiki behar da.
Saihesbidearen proiektu konstruktiboa egiteko, aldez aurretik azterketak egin behar direla azpimarratu du agintariak; proiektu konstruktiboaren lizitazio-agiria prestatu, kontratatu eta egin behar da. Horretarako, 48 hilabeteko lana dute aurretik.
Ondoren, saihesbidea eraiki eta zubibidea eraitsi behar da. Lanen lizitazio, kontratazio eta exekuzioa aurrera eramateko beste 68 hilabete beharko dituzte. Guztira, "116 hilabeteko lan etengabe eta iraunkorra", erantsi duenez.
Zure interesekoa izan daiteke
Sindikatuek irmotasuna eskatu diote errektoreari, EHUren "azpifinantziazioaren" aurrean
Sindikatuek errektoretza-taldeari eskatu diote presioa egin diezaiola Eusko Jaurlaritzari finantzaketa handitzeko eta EHUko irakaskuntza eta lan-baldintzak ez hondatzeko.
Sestaoko Arcelor Mittaleko langile batek zauri larriak ditu beso batean, lanerako tresna bat gainera erorita
ELA sindikatuak lantegian ezbeharrak behin eta berriz gertatzen direla salatu du, eta langileen segurtasuna bermatzeko prebentzio neurri “erreal eta eraginkorrak” eskatu ditu.
De Guindosen esanetan euroguneko ekonomia uste baino hobeto doa eta interes-tasen maila egokia da
Europako Banku Zentraleko presidenteordearen hitzetan, Espainiako ekonomia, hazkundeari dagokionez, "ondo doa", % 3 inguruko mailarekin, gaur egun eurogunerako EBk proiektatzen duena (% 1,3 aurten) baino askoz ere maila altuagoan. Adierazi duenez, hazkunde horren atzean inmigrazioaren ondoriozko biztanleriaren hazkunde "oso garrantzitsua" dago, eta ohartarazi duenez, egungo eskaerari aurre egiteko horren beharrezkoa den "alokairuko etxebizitzaren eskaintza mugatzen ari da erregulazioa".
ELAk eta LABek Euskal Autonomia Erkidegoko Justizia Auzitegira eraman dute Confebask, soldata minimoaren alde
Sindikatuek dagoeneko formalizatu dute Confebasken aurkako demanda, Euskal Autonomia Erkidegoko Justizia Auzitegian aurkeztutakoa, patronalak Euskadirako gutxieneko soldata propio bat negoziatzeari uko egin diola iritzita.
Europako Inbertsio Bankuak 1700 milioirekin finantzatuko ditu Burgos-Gasteiz abiadura handiko trenbideko lanak
Adifen eta EIBren arabera, finantzaketa horrek bultzada "berri eta garrantzitsua" emango dio Iberiar Penintsula Europako gainerako lurraldeekin lotuko duen trenbide bidezko konexioari.
Langile bat larri zauritu da Azpeitian, eraikuntza lanetan ari zela altueratik erorita
Lan-istripua 11:45 aldera gertatu da, Iñaki Azpiazu kalean, eta 44 urteko langilea Donostia Ospitalera eraman dute.
Jaurlaritzak etxejabeentzako aseguru publiko ezartzea bat bultzatu du, erreferentziazko prezioen indizearen araberako alokairuak sustatzeko
Itxaso sailburuak azaldu duenez, Aloka+ programa berriaren bitartez "etxebizitza alokairu-merkatura ateratzeko zalantzak dituzten jabeei segurtasuna eman nahi zaie". Izan ere, aseguru publiko eta doakoa bermatuko zaie etxejabeei, maizterrek ordaintzen ez dutenerako eta kalte materialei aurre egin ahal izateko.
Hil egin da Igantzin traktorearekin istripua izan eta larri zauritu zen gizona
Ezbeharra atzo gertatu zen, 14:08 aldera, Bordako soroan. Gizona traktore txiki batekin ari zen lanean, istripua izan zuen eta ibilgailuak harrapatu egin zuen. Ezbeharraren ondorioz, beharginak zauri larriak zituen.
ENBAk eta EHNEk hegazti gripeari "zorroztasun zientifikoarekin" aurre egiteko eskatu dute, ez "neurri politikoekin"
Nekazarien elkarteen ustez, “hein handi batean landakoa, estensiboa eta ekologikoa” den Euskadiko ekoizpen-sisteman itxialdiak “gaixotasunak zabaltzeko arriskua” dakar.
Euskal taxilariek Bilbo erdigunea kolapsatu dute VTCen "inpunitatea" salatzeko
Kolektiboak hiru orduko lanuzteak egin ditu eta manifestazioa ere egin dute Bilboko kaleetan, Udaletxearen aurrean amaituta. VTC zerbitzuen "lehia bidegabea" salatu dute.