Asteazken honetan, Lan Harremanen Kontseiluan, biltzea eskatu diote Bizkaiko metalgintzaren sindikatuek FVEMi
ELA, CCOO, LAB, UGT, ESK, CGT, CNT eta USO sindikatuek Metalgintzako Enpresen Bizkaiko Federazioari (FVEM) asteazken honetan Lan Harremanen Kontseiluko egoitzan biltzea eskatu diote, hitzarmena negoziatzen jarraitzeko. Sindikatuen esanetan, patronalaren jarrera "arduragabeak 50.000 langile baino gehiago gatazkara bultzatuko ditu".
Sindikatuek prentsaurrekoa eman dute Barakaldoko BECen kanpoaldean. Makina Erremintaren Biurtekoa astelehen honetan hasi da.
Beharginak eta sindikatuetako ordezkariak 09:00ak aldera Barakaldotik abiatu eta BECera hurbildu dira, erakustazokaren atea aurrean elkarretaratzea egiteko asmoz.
Hala ere, salatu dutenez, nahiz eta protestaren berri eman, Ertzaintzak atera hurbiltzea eragotzi die, "Mozal Legea aplikatzeko mehatxupean".
Eusko Jaurlaritzaren jarrera salatu ondoren, protesta lekuz aldatu eta agerraldia egin dute sindikatuek, sektorearen egoera azaltzeko. Horrela, ekainaren 23 eta 30erako eta uztailaren 1erako greba deialdiak gogorarazi dituzte.
Prentsaurrekoan, maiatzaren 26an patronalarekin azken bilera egin zutela azaldu dute. "Sindikatuek planteatutako 17 puntuei ezezkoa eman zieten, negoziatzeko eta akordioetara heltzeko borondate eza agerian utziz, Bizkaiko Metalgintzako milaka langileak mespretxatuz", kritikatu dute.
Azken bilera hartan, sindikatuek nabarmendu dutenez, "negoziazioari aukera bat" emateko proposamen bat aurkeztea eskatu zioten patronalari berriro; baina "langileen ordezkariekin biltzeari uko egiten jarraitzen dio", deitoratu dutenez, "ez dago hitzordurik".
"Nahi ez duenarekin negoziatzea ezinezkoa da", adierazi dute. Sindikatuen hitzetan, "erantzukizun ariketa batean", negoziazio mahaian ordezkaritza duten eragileek FVEM bilera batera deitu dute asteazken honetan, Lan Harremanen Kontseiluko egoitzan. "Sindikatuak egoitzan zain egongo gara. Bertaratzea eta erantzun positibo bat ematea espero dugu", erantsi dute.
Prentsaurrekoa amaitu ondoren, kanpoko protestan parte hartu duten dozena bat pertsona inguru BECen sartu dira, "borroka da, bide bakarra" oihuka, eta panfletoak bota dituzte erakustazokan.
Albiste gehiago ekonomia
Medikuak estatutu propioa eskatzeko greba egiten ari dira Estatu osoan
Osasun publikoko medikuek greba eguna dute gaur Estatu osoan. Euskadin, gainera, Euskadiko Medikuen Sindikatuak (SME) elkarretaratzeak deitu ditu hiru hiriburuetako ospitale eta anbulatorioetan.
Gasteizko lorezainak eta Enviser enpresa, akordioa lortzeko bidean
Bilera luzea izan dute ostegun honetan Precon, eta itxaropentsu irten dira. Langileak batzartuko dira eta enpresak dagozkion kontsultak egingo ditu, hurrengo bileran akordioa ixteko helburuarekin.
Lan-eskaintza publikoetan euskara blindatzeko EAJ eta EH Bilduren proposamena izapidetzea ahalbidetu dute
Eusko Legebiltzarrak bi lege proposamen izapidetuko ditu lan-eskaintza publikoetan euskara blindatzeko. EAJk bat aurkeztu du, eta PSE-EE gobernukideak ez, baina EH Bilduk babestu egin du. Koalizio soberanistak beste bat aurkeztu du, eta jeltzaleen abstentzioari esker aurrera atera da.
Irailean, langabezia-tasa % 2,02 jaitsi da EAEn, eta % 0,4, Nafarroan
2024ko iraileko datuen aldean, 1.027 langabe gutxiago (% 0,95) daude EAEn, eta 1.232 gutxiago (% 4,16), Nafarroan. Halaber, abuztutik irailera, Euskadiko Gizarte Segurantzan 11.475 lagun afiliatu dira; Nafarroan, aldiz, 719 pertsona gutxiago daude Gizarte Segurantzan izena emanda.
Alokairuen indizeak 500 euro baino gehiago jaitsi ditu Donostian eskainitako prezioak
Gipuzkoako herri tentsionatuetan, azken bost urteetan alokatuta egon ez diren edo lehen aldiz merkaturatu diren edukitzaile handien eta pisuen kontratu berriei bakarrik aplikatu beharko zaie prezio-tarte berria.
Eusko Jaurlaritzak Indartuz inbertsio funtsa sortuko du, eta 400 milioirekin hornituko du
Gainera, Finkatuz inbertsio funts publikoak estatutuak eguneratuko ditu enpresetan parte hartzeko irizpideak malgutzeko. Esaterako, ez da horretarako baldintza izango enpresak egoitza Euskadin izatea, eta nahikoa izango da lurraldean "eragina" izatea.
Mitxel Lakuntzaren arabera, CAFek Jerusalemen duen proiektua "ez da erabakigarria" enpresaren etorkizuna bermatzeko
ELAren idazkari nagusiak dioenez, "CAFek badaki tren hori hasieratik dela ilegala", eta proiektua babesteko eta "ilegalitatearekin jarritzeko argudio gisa darabilen txostena" egin duten adituak zeintzuk diren argitzeko eskatu dio enpresari. Euskadi Irratiko Faktorian hitz egin du asteazken goizean horren eta beste hainbat gairen inguruan.
Sindikatuek hiru orduko lanuztea eta hainbat manifestazio deitu dituzte euskal hiriburuetan, Gazako genozidioa salatzeko
Urriaren 15ean egingo duten lanuztearen berri eman dute LAB, CCOO, UGT, ESK, STEILAS, CGT/LKN, ETXALDE eta HIRU sindikatuek. Lanuzteak eta manifestazioak Espainiako Estatuko lantoki guztietan deitu dira.
CAFeko langileek ordu bateko lanuztea egin dute Jerusalemgo tranbiaren inguruan zuzendaritzak duen jarrera salatzeko
Ordubeteko lanuztearekin bat egin duten langileek elkarretaratzea egin dute CAFen bulego nagusien atarian. Enpresa Batzordeak enpresaren "zinismoa" salatu du Jerusalem tranbiaren proiektuaren inguruan duen jarreragatik, eta zuzendaritzari "NBEren argudioei aurre eginez bere irudia zuritzea" eta Israelen "tesiak onartzea" leporatu dio.
ELAk lanuztea deitu du urriaren 15erako enpresei, Eusko Jaurlaritzari eta Nafarroako zein Espainiako gobernuei Israelekin harremanak etetea eskatzeko
LAB, CCOO, Steilas, Solidari, Etxalde eta Hiru sindikatuek ere lanuzte orokorrak deitu dituzte Hego Euskal Herrian egun horretarako.