Gatika eta Bordele urpetik lotzeko konexio elektrikoa 2 urte atzeratu da, 2027ra arte
Espainiaren eta Frantziaren arteko konexio elektrikoa, Gatikatik Bordelera doana, bi urte atzeratuko da hasierako epeekin alderatuta, Espainiako Sare Elektrikoaren (REE) arduradunek astelehen honetan zehaztu dutenez. Aurreikuspenek diote 2025 eta 2027 urteen artean ipiniko dela lotura, eta, zerbitzua berriz, azken urte horretan abiatuko dela.
Espainia eta Frantzia Bizkaiko Golkotik lotzen dituen lotune hau bi herrialdeen arteko lehen itsaspeko interkonexio elektrikoa da, eta Frantziarekiko interkonexio-ahalmena handituko du egungo 2800 MW-etatik 5000 MW-ra. Konexioak 400 kilometroko luzera du Gatikako azpi-estazioaren eta Cubnezaiseko azpi-estazioaren artean (Bordeletik gertu), eta, gutxi gorabehera, 1950 milioi euroko aurrekontua du.
Arduradunek proiektua zein egoeratan dagoen azaldu dute gaur Bilbon egin duten agerraldian eta, besteak beste esan dute proiektuak izapidetze administratiboaren azken faseari ekin diola, eta, hortaz, jendaurreko informazioaren bigarren aldi bat hasi dela Bizkaian, 2021ean egindako lehenengoaren ondotik. Gaur-gaurkoz Trantsizio Ekologikorako Ministerioaren ingurumen-ebaluazioaren zain daude.
Juan Prieto proiektuaren zuzendariak zehaztu duenez, 2023an amaituko dira beharrezko izapideak, eta orduan kontratu nagusiak kudeatuko dira; aurreikuspenen arabera, 2024an hasiko dira lurreko zatiaren lanak eta kableen fabrikazio-prozesua, eta, instalatzen, berriz, 2025ean hasiko dira.
Proiektua atzeratzeko arrazoiez ere mintzatu dira arduradunak. Hala, azaldu dute Capbreton inguruan, itsas hondoan ezegonkortasun batekin egin dutela topo eta, ondorioz, proiektuaren jatorrizko diseinua aldatu behar izan dutela.
Prietok, Espainiako Sare Elektrikoaren Proiektuen zuzendari Ramon Granadino eta sozietatearen Euskadiko ordezkari Antonio Gonzalezekin batera, adierazi du interkonexioak energia berriztagarriaren integrazioa erraztuko duela, bi sistema elektrikoen eraginkortasuna eta lehiakortasuna areagotuko duela eta horniduraren segurtasuna indartuko duela.
Albiste gehiago ekonomia
Medikuak estatutu propioa eskatzeko greba egiten ari dira Estatu osoan
Osasun publikoko medikuek greba eguna dute gaur Estatu osoan. Euskadin, gainera, Euskadiko Medikuen Sindikatuak (SME) elkarretaratzeak deitu ditu hiru hiriburuetako ospitale eta anbulatorioetan.
Gasteizko lorezainak eta Enviser enpresa, akordioa lortzeko bidean
Bilera luzea izan dute ostegun honetan Precon, eta itxaropentsu irten dira. Langileak batzartuko dira eta enpresak dagozkion kontsultak egingo ditu, hurrengo bileran akordioa ixteko helburuarekin.
Lan-eskaintza publikoetan euskara blindatzeko EAJ eta EH Bilduren proposamena izapidetzea ahalbidetu dute
Eusko Legebiltzarrak bi lege proposamen izapidetuko ditu lan-eskaintza publikoetan euskara blindatzeko. EAJk bat aurkeztu du, eta PSE-EE gobernukideak ez, baina EH Bilduk babestu egin du. Koalizio soberanistak beste bat aurkeztu du, eta jeltzaleen abstentzioari esker aurrera atera da.
Irailean, langabezia-tasa % 2,02 jaitsi da EAEn, eta % 0,4, Nafarroan
2024ko iraileko datuen aldean, 1.027 langabe gutxiago (% 0,95) daude EAEn, eta 1.232 gutxiago (% 4,16), Nafarroan. Halaber, abuztutik irailera, Euskadiko Gizarte Segurantzan 11.475 lagun afiliatu dira; Nafarroan, aldiz, 719 pertsona gutxiago daude Gizarte Segurantzan izena emanda.
Alokairuen indizeak 500 euro baino gehiago jaitsi ditu Donostian eskainitako prezioak
Gipuzkoako herri tentsionatuetan, azken bost urteetan alokatuta egon ez diren edo lehen aldiz merkaturatu diren edukitzaile handien eta pisuen kontratu berriei bakarrik aplikatu beharko zaie prezio-tarte berria.
Eusko Jaurlaritzak Indartuz inbertsio funtsa sortuko du, eta 400 milioirekin hornituko du
Gainera, Finkatuz inbertsio funts publikoak estatutuak eguneratuko ditu enpresetan parte hartzeko irizpideak malgutzeko. Esaterako, ez da horretarako baldintza izango enpresak egoitza Euskadin izatea, eta nahikoa izango da lurraldean "eragina" izatea.
Mitxel Lakuntzaren arabera, CAFek Jerusalemen duen proiektua "ez da erabakigarria" enpresaren etorkizuna bermatzeko
ELAren idazkari nagusiak dioenez, "CAFek badaki tren hori hasieratik dela ilegala", eta proiektua babesteko eta "ilegalitatearekin jarritzeko argudio gisa darabilen txostena" egin duten adituak zeintzuk diren argitzeko eskatu dio enpresari. Euskadi Irratiko Faktorian hitz egin du asteazken goizean horren eta beste hainbat gairen inguruan.
Sindikatuek hiru orduko lanuztea eta hainbat manifestazio deitu dituzte euskal hiriburuetan, Gazako genozidioa salatzeko
Urriaren 15ean egingo duten lanuztearen berri eman dute LAB, CCOO, UGT, ESK, STEILAS, CGT/LKN, ETXALDE eta HIRU sindikatuek. Lanuzteak eta manifestazioak Espainiako Estatuko lantoki guztietan deitu dira.
CAFeko langileek ordu bateko lanuztea egin dute Jerusalemgo tranbiaren inguruan zuzendaritzak duen jarrera salatzeko
Ordubeteko lanuztearekin bat egin duten langileek elkarretaratzea egin dute CAFen bulego nagusien atarian. Enpresa Batzordeak enpresaren "zinismoa" salatu du Jerusalem tranbiaren proiektuaren inguruan duen jarreragatik, eta zuzendaritzari "NBEren argudioei aurre eginez bere irudia zuritzea" eta Israelen "tesiak onartzea" leporatu dio.
ELAk lanuztea deitu du urriaren 15erako enpresei, Eusko Jaurlaritzari eta Nafarroako zein Espainiako gobernuei Israelekin harremanak etetea eskatzeko
LAB, CCOO, Steilas, Solidari, Etxalde eta Hiru sindikatuek ere lanuzte orokorrak deitu dituzte Hego Euskal Herrian egun horretarako.