Elkarretaratze batek Metro Bilbaon murrizketak gelditzea eskatu du Bizkaiko Aldundiaren egoitza aurrean
ELA, CIM eta UGT sindikatuetako ordezkariek elkarretaratzea egin dute Bizkaiko Foru Aldundiaren egoitza aurrean, Bilbon, Metro Bilbao "murrizketak" gelditzea eskatzeko, hamarkada batean zehar langileek "erosteko ahalmena galdu" dutelako. Era berean, ordutegi eta txanden anabasa salatu dute, "familia eta lan-bizitza bateratzea eragozten duelako".
Sindikatuek lanuzteak deitu dituzte metroan, 07:00etatik 09:00etara eta 19:00etatik 21:00etara, eta ekainaren 29an eta uztailaren 1, 13 eta 15ean errepikatuko dira. Uztailaren 7, 8 eta 9rako ere, Bilbao BBK Live jaialdiarekin batera, 19:00etatik 21:00etara lanuzteak deitu dituzte.
Bizkaiko hiriburuan egindako elkarretaratzean, "negoziazioaren blokeoa" kritikatu dute sindikatuek; jarrera horrekin enpresak "kolektiboak zatitzea" soilik bilatzen duelako.
Horregatik, Metro Bilbao, Garraio Partzuergo eta Bizkaiko Aldundiari "murrizketa politikak uzteko eta hobekuntzak", eskatu dizkiete.
Gainera, Euskotrenen eta Bizkaibusen emakidadunetan orain dela gutxi lortutako akordioak gogora ekarri dituzte, "tentsio foku guztiak baretu dituztelako, baina Metro Bilbaoko zuzendaritzak ez die heldu nahi".
Bestalde, trenbideko makinisten sindikatuak (SEMAF) lanuztera deitu ditu asteazken honetan Bilboko Metroko 200 makinistak, segurtasuna eta zerbitzuaren profesionalizatzea aldarrikatzeko. Geldialdiak puntuko orduetan egingo dituzte: 07:00etatik 09:00etara eta 19:00etatik 21:00etara.
Halaber, uztailaren 1ean, 8an, 9an, 13an eta 15ean, lanuzte gehiago egingo dituzte aipatutako orduetan.
Agiri batean, sindikatuak salatu du enpresak "beste kategoria batzuetako beharginak" jarri nahi dituela "trenak gidatzen", eta horrek "segurtasuna arriskuan" jarriko duela ohartarazi du. "Bilboko metroari eskatzen diogu albo batean utz dezala 'low cost' eredua, profesionalizazioa bultzatzeko, eta bere gain har ditzala ardurak eskumenak, eskubideak eta betebeharra definitzeko", adierazi dute.
"Bilboko metroa modernoa, profesionala eta segurua izan dadin, enpresak hitzarmenean hainbat neurri jaso behar ditu kolektiboa profesionalizatzeko, ardurak aitortzeko eta langileen eskubideak eta betebeharrak definitzeko", berretsi dute.
Metro Bilbaok "atsekabez" hartu ditu lanuzteak
Metro Bilbaok "atsekabez hartzen ditu" gaurko deituta dauden lanuzte partzialak. Enpresaren arabera, "lanuzte partzialak sindikatuek enpresaren zuzendaritzaren
proposamena osorik entzun gabe deitu dira, hitzarmen kolektiboaren negoziazio bete-betean".
"Enpresaren proposamenean, besteak beste, enplegua sortzen da (egun hiriarteko tren konpainiaren inoizko lantalderik handiena dagoenean), eta soldata-igoera % 2tik
gorakoa izango litzateke (estatuko aurrekontu orokorren arabera, indarrean dagoen legedia betez gainera). Era berean, txanden antolaketan eta lan-baldintzetan ere
hobekuntzak eskaini dira", adierazi zuen Metro Bilbaok aurreko iganean zabaldu zuen ohar baten bidez.
Albiste gehiago ekonomia
Medikuak estatutu propioa eskatzeko greba egiten ari dira Estatu osoan
Osasun publikoko medikuek greba eguna dute gaur Estatu osoan. Euskadin, gainera, Euskadiko Medikuen Sindikatuak (SME) elkarretaratzeak deitu ditu hiru hiriburuetako ospitale eta anbulatorioetan.
Gasteizko lorezainak eta Enviser enpresa, akordioa lortzeko bidean
Bilera luzea izan dute ostegun honetan Precon, eta itxaropentsu irten dira. Langileak batzartuko dira eta enpresak dagozkion kontsultak egingo ditu, hurrengo bileran akordioa ixteko helburuarekin.
Lan-eskaintza publikoetan euskara blindatzeko EAJ eta EH Bilduren proposamena izapidetzea ahalbidetu dute
Eusko Legebiltzarrak bi lege proposamen izapidetuko ditu lan-eskaintza publikoetan euskara blindatzeko. EAJk bat aurkeztu du, eta PSE-EE gobernukideak ez, baina EH Bilduk babestu egin du. Koalizio soberanistak beste bat aurkeztu du, eta jeltzaleen abstentzioari esker aurrera atera da.
Irailean, langabezia-tasa % 2,02 jaitsi da EAEn, eta % 0,4, Nafarroan
2024ko iraileko datuen aldean, 1.027 langabe gutxiago (% 0,95) daude EAEn, eta 1.232 gutxiago (% 4,16), Nafarroan. Halaber, abuztutik irailera, Euskadiko Gizarte Segurantzan 11.475 lagun afiliatu dira; Nafarroan, aldiz, 719 pertsona gutxiago daude Gizarte Segurantzan izena emanda.
Alokairuen indizeak 500 euro baino gehiago jaitsi ditu Donostian eskainitako prezioak
Gipuzkoako herri tentsionatuetan, azken bost urteetan alokatuta egon ez diren edo lehen aldiz merkaturatu diren edukitzaile handien eta pisuen kontratu berriei bakarrik aplikatu beharko zaie prezio-tarte berria.
Eusko Jaurlaritzak Indartuz inbertsio funtsa sortuko du, eta 400 milioirekin hornituko du
Gainera, Finkatuz inbertsio funts publikoak estatutuak eguneratuko ditu enpresetan parte hartzeko irizpideak malgutzeko. Esaterako, ez da horretarako baldintza izango enpresak egoitza Euskadin izatea, eta nahikoa izango da lurraldean "eragina" izatea.
Mitxel Lakuntzaren arabera, CAFek Jerusalemen duen proiektua "ez da erabakigarria" enpresaren etorkizuna bermatzeko
ELAren idazkari nagusiak dioenez, "CAFek badaki tren hori hasieratik dela ilegala", eta proiektua babesteko eta "ilegalitatearekin jarritzeko argudio gisa darabilen txostena" egin duten adituak zeintzuk diren argitzeko eskatu dio enpresari. Euskadi Irratiko Faktorian hitz egin du asteazken goizean horren eta beste hainbat gairen inguruan.
Sindikatuek hiru orduko lanuztea eta hainbat manifestazio deitu dituzte euskal hiriburuetan, Gazako genozidioa salatzeko
Urriaren 15ean egingo duten lanuztearen berri eman dute LAB, CCOO, UGT, ESK, STEILAS, CGT/LKN, ETXALDE eta HIRU sindikatuek. Lanuzteak eta manifestazioak Espainiako Estatuko lantoki guztietan deitu dira.
CAFeko langileek ordu bateko lanuztea egin dute Jerusalemgo tranbiaren inguruan zuzendaritzak duen jarrera salatzeko
Ordubeteko lanuztearekin bat egin duten langileek elkarretaratzea egin dute CAFen bulego nagusien atarian. Enpresa Batzordeak enpresaren "zinismoa" salatu du Jerusalem tranbiaren proiektuaren inguruan duen jarreragatik, eta zuzendaritzari "NBEren argudioei aurre eginez bere irudia zuritzea" eta Israelen "tesiak onartzea" leporatu dio.
ELAk lanuztea deitu du urriaren 15erako enpresei, Eusko Jaurlaritzari eta Nafarroako zein Espainiako gobernuei Israelekin harremanak etetea eskatzeko
LAB, CCOO, Steilas, Solidari, Etxalde eta Hiru sindikatuek ere lanuzte orokorrak deitu dituzte Hego Euskal Herrian egun horretarako.