Grebak Gasteizko Mercedes lantegiaren ekoizpena gelditu du hirugarrenez azken astean
Hirugarren aldiz azken astean, Gasteizko Mercedes-Benz lantegiaren ekoizpena gelditu du grebak. Langileen ordezkariek mobilizazioak areagotu dituzte, hitzarmen kolektiboaren negoziazioan aurrerapausoak eskatzeko eta beharginen lan-baldintzak okertzearen aurka protesta egiteko.
Ostegun honetako lanuzteak, asteazkenean eta ekainaren 22an egindakoek bezala, % 95ko jarraipena izan du, sindikatuen arabera.
Grebaz gain, metalgintzako sindikatuek deitutako manifestazioarekin bat egin dute Mercedes-Benz lantegiko beharginek ostegun honetan. Era berean, sektoreko hitzarmenaren negoziazioan, blokeoarekin bukatzea eskatu dute.
Azken egunetan Mercedes-Benz lantegiko beharginen mobilizazioak areagotu dira, enpresak Gasteizko fabrika modernizatzeko eta handitzeko 1.200 milioiko inbertsioa iragarri ondoren; izan ere, multinazionaleko zuzendariek langileen malgutasuna areagotzea baldintza bezala jarri dute.
Sindikatuek salatu dutenez, enpresak soldatak ere murriztu nahi ditu. Horregatik, datorren asteazkenean berriro greba deitu dute. Enpresa-batzorde guztiak deitu du lanuztea.
Gainera, datorren astelehenean ELA, LAB eta ESKren proposamen bat eztabaidatuko dute, ostegunean eta ostiralean ere greba egiteko, CCOOko iturriek jakitera eman dutenez.
Esan bezala, ostegun honetako lanuzteak Arabako metalgintza sektorearen grebarekin bat egin du. Zentzu horretan, LABek azpimarratu duenez, "lurraldeko enpresa garrantzitsu batzuen ekoizpena gelditu dute", besteak beste, SDAFactory, Alestis, Inauxa, Jez, Tubacex edo Condesa.
Blokeoa, hitzarmenaren negoziazioan
Hitzarmenaren gaineko negoziazioan dagoen blokeoagatik deitu dute greba sindikatuek. Zuzendaritzak lerro-buruei berriki bidalitako gutunaz, sindikatu-iturriek Europa Pressi esan diote deitoratzen dutela Zuzendaritza ez dagoela prest "langileen ordezkariekin negoziatzeko grebak dauden bitartean; baina, hala ere, prest dago bitarteko agintariekin negoziatzeko". Gutunean, Zuzendaritzak langileen papera nabarmentzen du Mercedes-Benzek Gasteizko fabrikan 1.200 milioi euroko inbertsioa egiteari begira.
Sindikatuek salatu dutenez, malgutasuna handitzeaz gain (Mercedes-Benzek baldintza hori jarri du, inbertsio hori egiteko), Zuzendaritzaren asmoa da soldata-murrizketak ezartzea hitzarmen berrian.
Oraingoz, datorren hilabetean deituta dauden hiru greba egunetako lehenengorako, alegia, uztailaren 6rako, aurreikusita dago manifestazio bat 10:30ean fabrikan, eta arratsaldeko 18:00etan, protesta bat Gasteizko Bilbo plazan.
Biltzarrak onartutako egutegi berriari dagokionez, ELAko iturriek adierazi dute Batzordera eramateko asmoa dutela. Batzordea astelehenean bilduko da, eta Biltzarrak nahi du proposamena "bai ala bai" onartzea, hau da, greba hiru egunekoa izatea: "Batzorde osoko babesa eskuratzen saiatuko gara, baina ez dakigu zer gertatuko den", azpimarratu dute.
Albiste gehiago ekonomia
Espainiako Gobernuak baztertu du aireportuen kudeaketa osorik Euskadira transferitzea
Diario Vasco egunkariak argitaratu duenez, Eusko Jaurlaritzak erabaki estrategikoetan iritzia eman ahal izatea proposatu du Espainiako Gobernuak, baina eskualdatzea osorik egitea baztertu du, Estatuaren eskumen esklusiboa delako.
Azkoitiko Juaristi eta Aitek enpresetako langileek bizi duten "egoera jasanezina" salatu dute
Orain urtebete inguru lehertu zen lan-gatazkaren berri emateko, agerraldia egin dute bi enpresetako langileek. Uste dute zuzendaritzak "ezkutuko itxiera plan bat" duela. 130 lanpostu eta hainbat familia "arriskuan" daudela salatu dute.
Lodosako Karey Solanok konkurtsoa egingo du, eta lantegia itxi eta 36 beharginak kaleratuko ditu
Langile gehienak oso aspaldi hasi ziren lanean, eta batez beste 50 urtetik gorakoak dira. CCOOk salatu du oraindik ez dutela abuztuko nomina jaso.
Ostiralean sei hilabete beteko dira Gasteizko lorezainek grebari ekin ziotenetik, eta manifestazioa deitu dute egun horretarako
Gaur goizean Gasteizen egindako prentsaurreko batean, Enviser enpresako langileek "borrokarekin jarraitzeko" asmoa agertu dute, "soldata duinak lortu arte". Gainera, langileak akordiorako prest agertu dira, baina hori lortzeko "Gasteizko Udalaren benetako inplikazioa" beharrezkoa dela uste dute.
Zeintzuk dira BBVAren eskaintza berriaren gakoak?
Josu Ferreiro EHUko irakasleak Radio Euskadin egin duen elkarrizketa batean adierazi duenez, erakundeak Kataluniako bankuko akziodunen zati handi batek eskatzen zuenera egokitu du bere proposamena, lehen eskaintzari uko egin baitzioten, nahikoa ez zelakoan. Ferreirok zehaztu duenez, BBVAk ez du eskudirutan ordainduko, akzio propioetan baizik, eta horrek abantaila fiskala dakarkie akziodunei, zergak gutxiago ordaintzea dakarrelako. Mugimendu horrekin, Carlos Torres Vila buru duen bankuak Sabadellen akzioen merkatuko balioa berdindu du, eta horrek opak aurrera egiteko aukerak areagotu ditu, nahiz eta BBVAri berari kostu handiagoa ekarri. Hobekuntza berri bat egon litekeen galdetuta, ekonomialariak uste du zaila dela: "BBVAk argudiatu zuen Sabadellen akzioak gainbaloratuta zeudela. Orain, alde hori desagertu egin da. Beste eskaintza bat baztertu beharko litzateke, hau izango litzateke azkena", adierazi du. Elkarrizketa Boulevard saioan entzun daiteke, GUAUn, 02:50: 00etatik aurrera (jatorrizkoa, gaztelaniaz).
2026an jarriko da martxan Petronorren eta OCO Technologyren agregakin sintetikoen planta, Bilboko Portuan
Proiektua 2024an hasi zen eraikitzen, eta Europa kontinentalean agregakin sintetikoak fabrikatuko dituen lehen lantegi industriala izango da. Agregakin horiek CO2 gasa harrapatzen dute, bai ekoizpen prozesuan zehar, baita horien bizitza baliagarrian ere.
BBVAk % 10 igo du Sabadell bankua eskuratzeko eskaintza
Carlos Torres BBVAren presidenteak azpimarratu duenez, hobekuntza eginda "aparteko eskaintza" jarri dute Banco Sabadellen akziodunen esku, "balorazio eta prezio historikoarekin, eta bi bankuen batasunarekin sortutako aukera apartan parte hartzeko aukerarekin". Sabadellek, bere aldetik, erantzun du azken eskaintza "jatorrizkoa baino okerragoa" dela.
Maderas de Llodio, greba mugagabean
Langileen batzordeak salatu du enpresak produkzioaren % 40 beste lantegi batzuetara eramateko asmoa duela, eta deslokalizazioak Laudioko eta eskualdeko "lantegiaren etorkizuna arriskuan jartzen" duela.
Multiverse Computingek % 30 handituko du bere lantaldea Donostian
Software kuantikoan eta adimen artifizialean espezializatutako enpresa donostiarrak datorren urtean 60 pertsona kontratatzea aurreikusten du. 4 langile zituztela abiatu zuten konpainia 2019an, eta 260 izango dira laster.
Pentsiodunak Euskadiko hiriburuetan manifestatu dira gutxieneko pentsioak LGSarekin parekatzea eskatzeko
Ehunka pertsonak bat egin dute Gasteizen eta Donostian Euskal Herriko Pentsiodunen Mugimenduak deitutako manifestazioekin; hain zuzen ere, osteguneko Legebiltzarreko bozketan presioa egiteko, gutxieneko pentsioak Lanbide arteko Gutxieneko Soldatarekin (LGS) parekatzea eskatzeko.