Tecnaliak 120 milioi euro fakturatu ditu 2021ean eta 1.200 bezero lortu ditu; horietako % 72, ETEak
Tecnalia ikerketa eta garapen teknologikoko zentroak "120 milioi euroko fakturazioa" izan du 2021ean; hau da, aurreko ekitaldian baino ia % 5,63 gehiago fakturatu du, eta pandemia ondoko jarduera egonkortu egin da. Hala, Tecnaliak % 15 handitu du enpresekin duen jarduera azken ekitaldian.
Alex Belaustegi Tecnaliako presidenteak eta Jesus Valero zuzendari nagusiak prentsaurrekoa egin dute Donostian aurreko jarduneko emaitzen balantzea aurkezteko. "Onak" direla esan dute, "izugarri aldakorra" den mundu batean "ziurgabetasun" testuinguruan egon arren.
Belausteguik nabarmendu duenez, Tecnaliak kide dituen "enpresen erresilientziari" lagundu dio; 9.000, zentroaren 10 urteko jardunean zehar.
Valerok, bestalde, adierazi du urte "zoragarria" izan dela "testuinguru zail" batean, eta Tecnaliak emaitza "positiboak" lortu dituela hala ere.
Testuinguru horretan, Deloittek Tecnaliaren jarduerak duen eraginari buruz egindako azterketaren arabera, "enpresa batek 2021ean I+Gan inbertitu duen euro bakoitzeko 12 euroko diru-sarrera" egin da haren emaitza-kontuan, eta "euskal Administrazio batek Tecnalian inbertitzen duen bakoitzeko, zentroak 24 euroko ekarpena egiten dio euskal BPGari".
Gaineratu duenez, "zentro teknologikoko lanpostu bakoitzeko, kanpoko 6,5 lanpostu mantentzen laguntzen dugu" eta "Tecnaliako Administrazioak inbertitutako euro bakoitzeko, 2,9 milioi euroko itzulkina sortzen da". "Zifra horiek nabarmen hobetu dira 2021ean, eta erakutsi dute Tecnaliaren eredua erabat beharrezkoa dela euskal ehun industrialari nazioartean lehiakor izaten laguntzeko", erantsi du.
Bestalde, nabarmendu du Tecnaliak 10,6 euro inbertitu zituela iaz hornikuntza zientifiko eta teknologikoan eta azpiegituretan, 2020koaren bikoitza, eta aurreikusi du aurten "zifra hori gaindituko" dutela, 11,6 milioi euroko inbertsioarekin.
Albiste gehiago ekonomia
LABek eta Steilasek egun osoko lanuzteari eutsi diote urriaren 15ean, Gazako genozidioa salatzeko
Gasteizen agerraldia egin dute LAB eta Steilas sindikatuetako ordezkariek, urriaren 15ean Hezkuntzan deituta duten egun osoko lanuzteari eusten diotela azaltzeko. Hezkuntzako komunitatea osatzen duten kide guztiei dei egin diete herri eta hirietan egingo diren mobilizazioetan parte hartu eta Palestinari babesa adierazteko. EAEko hiru hiriburuetan 12:30ean egingo dira manifestazioak.
Oronak lantegi berri bat eraikitzeko 60 milioi euroko inbertsioa egingo du Hernaniko lurretan
Orona enpresak 60.000 metro koadroko lur-eremua erosi duela iragarri du, igogailuen sektorean ariko diren 150 lanpostu sortzeko helburuz.
Ryanairrek txalotu egin du eskuko ekipajearen espedientea, eta Kontsumok “airelineak defendatzea” leporatu dio EBri
Europako Batzordeak zalantzan jarri ditu Espainiako Gobernuak kostu txikiko hegaldien bost konpainiari ezarritako 179 milioiko zigorrak; kontsumitzaileek eta Bustinduy ministroak, berriz, Bruselaren “menpekotasuna” salatu dute aireko sektorearen presioen aurrean.
Gasteizko lorezainak gaur itzuli dira lanera, sei hilabete baino gehiago greban egon ondoren
Akordioa sinatu berri eta hura eskuetan zutela, pozik atera ziren atzo Lan Harremanen egoitzatik. Enviser enpresarekin itxitako akordioak langileen gehiengoaren babesa lortu du, eta % 25eko soldata-igoera eta lanaldia murriztea jasotzen ditu, besteak beste.
Red Electricak "premiazko neurriak" eskatu ditu, beste itzalaldi bat eragin dezaketen tentsio aldaketak atzemanda
Azken bi asteotan, sare-elektrikoan hainbat gorabehera atzeman dituzte, tartean, "tentsioaren bat bateko aldaketak". Horrek, "argindar eskariaren edota eskaintzaren deskonexioa" eragin dezake, eta sare-elektriko osoa desegonkortu.
Garraio Ministerioak Bilboko aireportua handitzea onartu du
Planak aireontziak aparkatzeko plataforma eta aparkaleku publikoen eremua handitzea jasotzen du, baita karga-eremua berrantolatzea ere.
Ternua taldeak Gipuzkoako Borobitex enpresari saldu dio Loreak Mendian marka
Joan den ekainetik, borondatezko hartzekodunen konkurtsoan sartua da Arrasateko ehungintza enpresa ospetsua. Hainbat inbertitzailerekin negoziatzen ibili da hilabeteotan enpresa zatika saldu eta zorra kitatzeko.
Bruselak altzairuaren gaineko muga-zergak bikoiztea proposatu du, Txinaren esportazioetatik babesteko
Proposamena Europako Parlamentuak eta estatu-kideek onartu beharko dute, aurrera egiteko.
Eusko Jaurlaritzak bi milioi euro gehiago jarriko ditu emisio gutxiagoko ibilgailuak erosteko dirulaguntza-programan
Emisio gutxiagoko autoak erosteko dirulaguntza-programaren hasierako aurrekontua —5 milioi euro— agortu da, eta dagoen eskariari erantzuteko erabaki du zenbatekoa handitzea.
Soldata-arrakala % 9koa da EAEn
Gogorarazi beharra dago, halaber, Estatistikako Espainiako Institutuaren arabera, 2023an, gizonen eta emakumeen arteko soldata-arrakala % 12,81ekoa zela.