Gasteizko Mercedesko zuzendaria: "Aurreakordioari 'ez' esaten badiote, akaberaren atarian egongo gara"
Emilio Titos Gasteizko Mercedeseko zuzendari nagusiak espero du langileek hitzarmena berritzeko enpresak eta gehiengo sindikalak atzo erdietsitako aurreakordioa babestea, eta, horrela egin ezean, ohartarazpena ere egin du: "Akaberaren atarian egongo gara".
Radio Euskadiri egindako adierazpenetan, Titosek esan du zuzendaritzak "ahalegina" egin duela bere proposamenean, eta, lortutako aurreakordioari esker, "langileen soldata nabarmen" igoko dela. Hala, aitortu du enpresak ezin duela "irudikatu ere egin" langileek aurreakordioa baztertzea.
Halaber, Mercedesko zuzendariak irmo adierazi du enpresak ahaleginak egiten dituela "plantillak bere bizi-maila mantentzeko", eta aurreakordioak lantegiaren "etorkizuna eraikitzea" ahalbidetuko duela.
Gasteizko lantegian gehiengoa duten sindikatuek (UGT, CCOO, Ekintza eta PIM) adostasuna lortu zuten atzo zuzendaritzarekin bederatzi orduko batzarraren ostean. ELA, LAB eta ESK sindikatuek, ordea, ez babestea erabaki zuten, soldatak KPIaren azpitik igoaraziko zituztela argudiatuta. Gainera, asteon deituta zituzten greba egunei eustea erabaki dute gaur.
Langile guztiak astelehenerako daude deituta aurreakordioa berresten duten ala ez erabakitzeko.
Zuzendaritzak enpresa-batzordeko gehiengoarekin adostutako aurreakordioa "zoriontzeko modukoa" dela esan du Iñigo Urkullu lehendakariak, Elgoibarren (Gipuzkoa).
Urkulluk Berkoa Machine Toolseko instalazioetan egin ditu adierazpenak. Kooperatibaren SoldAvanza makina berriaren aurkezpenean izan da agintaria.
"Ziurgabetasun eta zalantzazko garaietan gaude", azpimarratu du lehendakariak. Horren aurrean, "Euskadiko ekonomiaren gaitasun teknologikoaren" garrantzia defendatu du buruzagiak, baita "lankidetza, sinergia eta aliantzen, akordioen" garrantzia ere.
Horrela, "akordioak eta aurreakordioak" baloratu ditu, "atzo bertan Mercedesen lortutakoa bezala, hain garrantzitsua" makina erremintaren sektorearentzat.
"Mercedes zoriontzeko moduko" aurreakordioa dela adierazi du lehendakariak, lantegiarentzako soilik ez, "beste hainbat enpresentzako ere, 400 baino gehiagok Gasteizko Mercedes Benz Vansekin lotura dutelako".
Zure interesekoa izan daiteke
CAFek lortu egin du "mendeko kontratua": 1.700 milioi euro Belgikan trenak egiteko
Beasainen egoitza duen konpainiak kontratu horren inguruko ziurgabetasunarekin amaitu du; izan ere, polemika handia piztu zen han, Alstom enpresa frantziarrak dagoeneko hainbat lantegi baititu Belgikan, eta enpresa horrek kontratua ez lortzea kritikatu zuten.
Balenciaga ontziolako langileek atzera bota dute Abu Dhabi Ports talde arabiarraren azken eskaintza
Pasa den azaroaren 30ean, Balenciaga ontziolak salerosketa akordioa sinatu zuen aipaturiko inbertsio talde arabiarrarekin, 11,2 milioi euroren truke. Salerosketa ixteko, ordea, ezinbesteko baldintza da langileekin akordioa lortzea. Antza denez, langileen erosahalmena bermatuko luketen soldatak dira akordiorako korapilo nagusia.
Talgoren erosketaren ondoren, partzuergoko kideek Rivabellosako fabrika bisitatuko dute
Imanol Pradales lehendakaria eta Jose Antonio Jainaga enpresaria buru zirela, akziodun berriek Talgo enpresak Rivabellosan dituen instalazioak bisitatu dituzte. Denek uste dute operazioa funtsezkoa izan dela enpresaren jarduera eta enplegua sendotzeko, eta etorkizun oparoa iragartzen diote tren-enpresari.
Petronorreko greba bertan behera, enpresak bide judizialari uko egin ostean
Sindikatuek bertan behera utzi dute greba mugagabea, zuzendaritzarekin adostuta, 83 eguneko lanuztearen ondoren.
Europa osoko nekazariek Brusela hartu dute politika bateratuaren eta Mercosurrekiko akordioaren aurka protesta egiteko
Lehen ordutik, milaka traktorek eta nekazarik hiriko auzo europarra blokeatu dute, Europar Batasuneko erakundeen politiken aurka protesta egiteko. Poliziarekin ere istiluak izan dira. Europako nekazaritza-sektorea kontuan hartzeko eta kalterik ez egiteko eskatu dute.
EAEko ekonomiaren hazkundea % 2,1ekoa izango da datorren urtean, Confebasken arabera
Confebaskek aurreikusten du BPGa % 2,1 haziko dela 2026an Euskal Autonomia Erkidegoan, nahiz eta egun dauden "arriskuek" % 1,7 eta % 2,6 arteko tartean egotea eragin dezaketen. Inbertsioan eta enpleguan dinamismo txikiagoa izatea espero du Confebaskek.
Bizumen gaineko kontrol gehiago izango dira 2026an, baina profesionalei eta enpresaburuei eragingo die soilik
Zerga Agentziak ordainketa digitalei buruz jasotzen duen informazioa indartuko du 2026tik aurrera, Bizumekin egindako eragiketak barne, baina neurria jarduera ekonomikora mugatuko da eta ez du eraginik izango partikularren arteko trukeetan.
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarriz gero, haragiaren prezioan eragina izango duelakoan. Alabaina, kasu bakar bat agertuko balitz, etxaldeko abelburu guztiak sakrifikatzea eragingo luke.
Medikuen sindikatuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio gehiago egingo dituztela iragarri dute.
?fmt=webp-alpha&qlt=80)
Nekazarien protestek jarraitzen dute Ipar Euskal Herrian eta Frantzia osoan, dermatosi nodularraren auzia nola kudeatu den eta Mercosurren ituna salatzeko
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.