Bere kontura ari diren langileek irabazi errealen arabera kotizatuko dute 2023tik aurrera Estatu espainiarrean
Bere kontura ari diren langileek irabazi errealen arabera kotizatuko dute 2023tik aurrera Estatu espainiarrean. Hori da Espainiako Gobernuko Gizarte Segurantza Ministerioak langile autonomoen elkarte nagusienekin eta gizarte eragileekin adostu duen kotizazio sistema berriaren oinarria.
Atzo iluntzean itxi zuen Jose Luis Escriva ministroak zuzentzen duen sailak ituna UPTA eta UATAE autonomoen elkarteekin, eta, gaur goizean, Espainiako Enpresa Erakundeen Konfederazioko (CEOE) kide den ATA autonomoen elkarteak berretsi du akordioa, bere oniritziarekin.
Langile Autonomoen Erregimen Bereziaren erreforma da adostu dena, eta, bertan, besteak beste, kuota sistema berria ezarri da. Hilean irabazten dutenaren arabera kotizatu beharko dute autonomoek, besteen kontura ari diren langileek bezala. 2023an hasiko dira kotizazio sistema berria ezartzen.
"Kostata, baina iritsi da. Bart aurreakordioa erdietsi dugu autonomoen kotizazio sistema berriaren eta horien prestazioen inguruan", esan du Lorenzo Amor ATAko presidenteak, gaur goizean, Twitter bidez zabaldu duen mezu batean.
Adostutako kotizazio-taularen arabera, 2023an 670 euro baino gutxiago irabazten dituen langile autonomoen gutxieneko kotizazio-kuota 230 eurokoa izango da; 2024an, 225 eurokoa eta 2025ean, 200 eurokoa.
Bestalde, hilean 670 eta 900 euro arteko etekin garbiak dituztenei ezarriko zaien gutxieneko kotizazio-kuota 260 eurokoa izango da 2023an; 250 eurokoa, 2024an eta 220koa, 2025ean.
Taularen hirugarren tartean 900 eta 1.116,70 euroko irabazi garbiak dituztenen kotizazioak daude jasota. Horiek, datorren urtean Gizarte Segurantzari ordaindu beharko dioten kuota 275 eurokoa izango da; 2024an, 267 eurokoa eta 2025ean, 260 eurokoa.
Azkeneko tartea, berriz, 6.000 eurotik gorako etekinak dituztenena da: 2023an, 500 euro; 2024an, 530 euro eta 2025ean, 590 euro ordaindu beharko dituzte, gutxienez.
Akordioaren iraupena hiru urtekoa izango da (2023, 2024 eta 2025), eta urte horietan bere irabazien arabera dagokion kotizazio-kuota edota sistemak ezartzen duen gehienezkoaren arteko kopurua ordaintzea aukeratu dezake beharginak. Hau da, taulen arabera dagokion kuoten gainetik kotizatu dezakete langileek, eta, tarte batetik bestera, bi hilabetean behin aldatzeko aukera izango dute.
Zure interesekoa izan daiteke
Jaurlaritzak babes ofizialeko etxebizitzen salerosketan "bitartekari lanak" egingo ditu, ezkutuko gainprezioak saihesteko
Esleipena ez da egongo partikularren arteko "akordio pribatuen mende", eta Etxebideren bidez bideratutako prozedura baten bidez egingo da. "Guk esango diogu nork erosiko dion", azaldu du Itxasok.
Jose Antonio Santano: "AHTren Nafarroarekiko loturari buruzko erabakia aurten hartu beharko da"
Garraio estatu idazkariak berretsi du kontuan hartuko direla Aralar mendilerroan egiten ari diren zulaketen emaitzak, baita ibilbideen denboren azterketa funtzionalak emandako ondorioak, kostu ekonomikoak eta obren epeak ere.
Donostiako Atotxako geltokiko lanak azken fasean, AHTaren iritsieraren zain
Urumea eta Egia lotzen dituen pasabidea erabat zabaldu dute eta trenbideen gainean 5.700 m2-ko plaza zabal bat eraiki dute. 2027an jakingo da noiz iritsiko den AHT-a Donostiara, Espainiako Gobernuaren hitzetan.
Petronorrek 27,8 milioi irabazi zituen 2025ean, aurreko urtean baino % 61 gutxiago, itzalaldiaren eta hiru hilabeteko grebaren eraginez
Konpainiak apirileko itzalaldiaren eraginari eta urteko azken hiruhilekoko lan-gatazkari egotzi die irabazien beherakada. Hala ere, inbertsioak % 48 igo zituen, 217,8 milioi euroraino.
Petrolioaren prezioa % 5 jaitsi da, 98 dolar ingururaino, AEBren eta Iranen arteko elkarrizketen traza ona dela eta
Brenta 98,1 dolarretan kotizatzen da gaur goizean, joan den ostiralean Europan burtsak ixtean kotizatzen zen 103 dolarretatik behera, % 5,2 gutxiago, zehazki. Ekialde hurbileko gerra laster bukatuko den itxaropenak bultzatuta, Asiako Burtsak igoerekin ekin diote egunari eta Burtsa europarren gerorako inbertsioek ere % 1 egin dute gora.
Lekeitioko arrantzale bat hil da Senegalgo uretan
Bermeoko ATUNSA enpresako langilea zen. LAB sindikatuaren esanetan, "heriotza ez traumatiko" gisa sailkatu dute, eta enpresa horretan aurten izan den bigarren heriotza ez traumatikoa izan dela salatu du.
Pakistandarrak lanean esplotatzeagatik ikertutako hiru pertsonak aske utzi dituzte, Espainiatik irtetea galarazita
Ikertuek epailearen aurrean ez deklaratzeko eskubideari heldu diote, eta epaileak pasaportea kentzea eta hileko lehenengo egunean eta hamabosgarrenean epaitegian agertzea agindu du.
A-15 autobidea osorik zabalduko dute igandean, tunelak egokitzeko lanak guztiz amaitu ostean
Asteburuan behin-behineko seinaleak eta obrako gainerako elementuak kenduko dira eta, lanak bukatzeko, Andoain eta Berastegi artean itxita egongo da errepidea, ostiral gauetik igandera bitarte.
Iberdrolak 125. urteurrena ospatu du Bilbon, begirada "argindarraren aroan" jarrita
Iberdrolak bere 125. urteurrena ospatu du astearte honetan, Bilboko egoitzan. Erakundeetako eta enpresa munduko ordezkariak bildu ditu ekitaldiak, eta konpainiaren historia gogora ekarri dute. "Argindarraren aroa" deiturikoan jarri dute etorkizunerako begirada. Bere hitzartzean, Ignacio Sanchez Galan Iberdrolaren presidenteak esan du "euskal sustraiak" inoiz galdu ez dituen "proiektu integratzaile baten emaitza" dela gaur egungo konpainia.
Tubos Reunidosen interesa duten "inbertsore berriak" daudela dio Jauregi sailburuak, baina oraindik ez dago "proposamen zehatzik"
Mikel Jauregi Eusko Jaurlaritzako Industria, Trantsizio Energetiko eta Jasangarritasun sailburuaren hitzetan, Tubos Reunidosen zorra berregituratu eta langileak lanera itzuli izana funtsezko bi baldintza izan dira "inbertitzaile berriak erakartzeko".