Irailetik aurrera Bizkaiko metalgintzan "greba gehiago" egongo direla ohartarazi dute sindikatuek
ELA, CCOO, LAB, UGT, ESK, CGT eta CNT sindikatuek ohartarazpena egin diote gaur FVEM (Metalgintzako enpresen Bizkaiko Federazioa) patronalari: Bizkaiko metalgintzaren lan hitzarmena berritzeko negoziazioan "jarrera aldatzen ez badu", irailetik aurrera "greba gehiago" deituko dituzte. Izan ere, salatu dutenez, negoziazio mahaiaren azken bileran patronalak ez zuen "eduki berririk" eraman, eta hurrengo bilerarako —irailaren 13rako dago iragarrita— burua lehengo lepotik badu, langileak aktibatu eta "ekoizpena geldituko" dutela iragarri dute.
Sektorearen plataforma bateratua osatzen duten zazpi sindikatuek prentsaurrekoa egin dute FVEM patronalak Bilbon duen egoitzaren aurrean. Komunikatu bateratu bat irakurri dute bertan. Azaldu dutenez, asteazkenean egin zuten batzarra enpresaburuen ordezkariekin. Sindikatuen hitzetan, patronalak "harropuzkeriaz" jokatu zuen eta "plataforma bateratuaren 17 puntuak erabat baztertu zituen. Soldata igoera proposamenak oso txikiak dira, eta oraindik ere elementu erregresiboak sartu nahi ditu baja osagarrien eta malgutasunaren arloan", kritikatu dute.
Iraileko bilerari begira baikorrak ez diren arren, aldaketa espero dute patronalaren aldetik. Halakorik ezean, prest agertu dira "mobilizatzeko eta sektorea berriro aktibatzeko irailetik aurrera".
"Patronalak ulertzen ez badu sortzen ari den aberastasuna Bizkaiko metaleko langileen artean banatu behar dela, eta KPI hain altu horien kostua guk ordaindu behar dugula pentsatzen jarraitzen badu, erantzuna oso argia izango da: ekoizpena geldituko dugu eta kaleak beteko ditugu. Bizkaiko metalean greba gehiago izango dira", ohartarazi dute.
Confebask EAEko patronalak —Cebek bizkaitarra horren parte da— sindikatuekin "errenta akordio orekatuak" adosteko deiaren aurrean, KPI altu honekin patronalak etekinak banatzen ez baditu, gatazka egongo dela iragarri dute. "Gatazka dagoenean bakarrik daude akordioak lortzeko prest", esan dute.
Gogorarazi dutenez, Bizkaiko metalgintzak hiru greba egun izan zituen ekainean eta uztailean, eta "ekoizpena geldiaraztea" lortu zuten langileek, "indar erakustaldi" betean.
Euren hitzetan, langileek ez dituzte "patronalak eskaintzen dituen apurrak onartzen". Era berean, greba egunetako "errepresioa eta Ertzaintzaren jarrera" salatu dituzte, eta eskatu dute "langileen kontrako errepresaliarik ez egotea".
Zure interesekoa izan daiteke
CAFek lortu egin du "mendeko kontratua": 1.700 milioi euro Belgikan trenak egiteko
Beasainen egoitza duen konpainiak kontratu horren inguruko ziurgabetasunarekin amaitu du; izan ere, polemika handia piztu zen han, Alstom enpresa frantziarrak dagoeneko hainbat lantegi baititu Belgikan, eta enpresa horrek kontratua ez lortzea kritikatu zuten.
Balenciaga ontziolako langileek atzera bota dute Abu Dhabi Ports talde arabiarraren azken eskaintza
Pasa den azaroaren 30ean, Balenciaga ontziolak salerosketa akordioa sinatu zuen aipaturiko inbertsio talde arabiarrarekin, 11,2 milioi euroren truke. Salerosketa ixteko, ordea, ezinbesteko baldintza da langileekin akordioa lortzea. Antza denez, langileen erosahalmena bermatuko luketen soldatak dira akordiorako korapilo nagusia.
Talgoren erosketaren ondoren, partzuergoko kideek Rivabellosako fabrika bisitatuko dute
Imanol Pradales lehendakaria eta Jose Antonio Jainaga enpresaria buru zirela, akziodun berriek Talgo enpresak Rivabellosan dituen instalazioak bisitatu dituzte. Denek uste dute operazioa funtsezkoa izan dela enpresaren jarduera eta enplegua sendotzeko, eta etorkizun oparoa iragartzen diote tren-enpresari.
Petronorreko greba bertan behera, enpresak bide judizialari uko egin ostean
Sindikatuek bertan behera utzi dute greba mugagabea, zuzendaritzarekin adostuta, 83 eguneko lanuztearen ondoren.
Europa osoko nekazariek Brusela hartu dute politika bateratuaren eta Mercosurrekiko akordioaren aurka protesta egiteko
Lehen ordutik, milaka traktorek eta nekazarik hiriko auzo europarra blokeatu dute, Europar Batasuneko erakundeen politiken aurka protesta egiteko. Poliziarekin ere istiluak izan dira. Europako nekazaritza-sektorea kontuan hartzeko eta kalterik ez egiteko eskatu dute.
EAEko ekonomiaren hazkundea % 2,1ekoa izango da datorren urtean, Confebasken arabera
Confebaskek aurreikusten du BPGa % 2,1 haziko dela 2026an Euskal Autonomia Erkidegoan, nahiz eta egun dauden "arriskuek" % 1,7 eta % 2,6 arteko tartean egotea eragin dezaketen. Inbertsioan eta enpleguan dinamismo txikiagoa izatea espero du Confebaskek.
Bizumen gaineko kontrol gehiago izango dira 2026an, baina profesionalei eta enpresaburuei eragingo die soilik
Zerga Agentziak ordainketa digitalei buruz jasotzen duen informazioa indartuko du 2026tik aurrera, Bizumekin egindako eragiketak barne, baina neurria jarduera ekonomikora mugatuko da eta ez du eraginik izango partikularren arteko trukeetan.
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarriz gero, haragiaren prezioan eragina izango duelakoan. Alabaina, kasu bakar bat agertuko balitz, etxaldeko abelburu guztiak sakrifikatzea eragingo luke.
Medikuen sindikatuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio gehiago egingo dituztela iragarri dute.
?fmt=webp-alpha&qlt=80)
Nekazarien protestek jarraitzen dute Ipar Euskal Herrian eta Frantzia osoan, dermatosi nodularraren auzia nola kudeatu den eta Mercosurren ituna salatzeko
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.