Bizkaiko metalgintzako hirugarren greba egunaren jarraipena % 85ekoa izan dela diote sindikatuek
ELA eta LAB sindikatuek ostiral honetan Bizkaiko Metalaren sektorean deitutako grebaren jarraipena % 85etik gorakoa izan dela adierazi dute. Lehen ordutik egindako mobilizazioak "oso ugariak izan dira", baina Ertzaintzaren jarduera bidegabea eta neurrigabea salatu dute.
ELAk adierazi duenez, enpresa handiek, ertainek eta txikiek lanuzteekin bat egin dute, eta Bizkaiko metalgintzako langileek "sekulako indarra erakutsi dutela" uste du.
Era berean, Bilboko eguerdiko manifestazio jendetsua "aberastasuna banatuko duen Metalaren Hitzarmenaren aldeko aldarria" izan dela azpimarratu du. ELAk adierazi duenez, "negoziazioa blokeatu nahi duela erakutsi duen patronalaren aurrean, borrokarako eta grebarako tresna funtsezkoa da".
Bestalde, LAB sindikatuak esan du ekoizpena eten egin dela berriro Bizkaiko enpresa enblematikoetan, hala nola ITP, Arteche edo Estampaciones Bizkaia enpresetan.
LABek egun hauetako "poliziaren basakeria, langileen eskubideen aurkako jarrera, kolpeak, identifikazioak, miaketak eta atxiloketak" salatu ditu.
Bizkaiko metalgintzako 52.000 bat langilek greba eguna dute gaur, ostirala, azken zortzi egunetan hirugarren aldiz, hitzarmena berritzea helburu. Hain zuzen, ELA, CCOO, LAB, UGT, ESK, CGT eta CNT sindikatuek deitu dute greba; izan ere, zentralek diotenez, ez dute hainbat eskaerarako erantzunik jaso. Besteak beste, soldata-igoera KPI +1ekoa izatea nahi dute, eta patronala gehienez % 2 eskaintzen ari da.
Zure interesekoa izan daiteke
Euskadi dago lan-absentismoaren tontorrean, % 9,4ko zifrarekin
Nafarroak, berriz, % 7,4ko absentismoa du eta azken bost urteetako daturik altuenera iritsi da. Bi erkidegoek gainditzen dute Espainiar Estatuko batez bestekoa.
Maderas de Llodioko langileak lanera itzuli dira 284 eguneko grebaren ostean
Enpresa batzordea eta Garnica akordio batera iritsi ziren joan den astean, lanera itzuli nahi izan duten kaleratuek itzultzeko aukera izan zezaten.
Renferen aldiriko trenak Hendaiara iritsiko dira urrian eta Frantziako abiadura handikoak Irunera, urtarrilean
Brinkola-Irun lineako trenak Hendaiara iristea ahalbidetuko duen akordioa sinatu berri dute Espainiako Garraio Ministerioak eta SNCF Frantziako tren konpainiak, Parisen. Era berean, TGV konpainiako tren lasterrak Gipuzkoako udalerrira arte helduko dira datorren urtetik aurrera.
Talgok eta Renfek 132 milioiko akordioa sinatu dute eta Avril trenen kontratu polemikoa itxitzat eman dute
Akordioaren arabera, Talgok 200 milioi euro jasoko ditu hiru hilabeteko epean, eta Renferekin zuen zigorra 2032an hasiko da ordaintzen.
Gizarte Segurantzako afiliatuen kopuruak gora egin du Euskadin eta Nafarroan, baina langabeziak ere gora egin du
Gipuzkoak izan du langabeen kopuruan gehikuntzarik handiena, eta Bizkaia da nagusi kotizatzaile berrien esparruan. Arabak, aldiz, balantze negatiboa du bi adierazleetan.
Gaurtik aurrera eskatu ahal izango dute Euskadiko familiek seme-alabengatiko 200 euroko dirulaguntza
Seme-alabak 4 urte izan arte luzatuko da laguntza hori, eta lehen aldiz tutoretza- eta harrera-familiei zabalduko zaie. Guraso bakarreko familien kasuan, gainera, seme-alabak 4 eta 7 urte izan bitartean, hilero 100 euroko laguntza jaso ahal izango dute.
Aldundiek eskumena izango dute beste lurraldeetako ibilgailu gidaridunen zerbitzua ematen duten enpresak zigortzeko
Euskadiko Garraio Agintaritzak protokolo bat adostu du VTC zerbitzuetan ikuskapenak eta zehapenak koordinatzeko.
Uztailaren 7an sartuko da indarrean Tubacexen lan-erregulazioa, langile-batzordearekin akordiorik lortu gabe
Aldi baterako lan-erregulazioak 430 langileri eragingo die. ELA sindikatuak iragarri du helegitea prestatzen hasiko dela, eta LAB egoera aztertzen ari da bere zerbitzu juridikoekin.
Jainagak eta Tubacexek Tubos Reunidos erosteko interesa erakutsi dute
Bilboko enpresariak eta Laudioko konpainiak erosketa prozesuaren lehen izapidea bete dute; eskaintza bat aurkeztu aurretiko interesa agertu dute.
Greba mugagabea deitu dute Bergarako eta Zarauzko IAT zentroetan uztailaren 13tik aurrera
ELA eta LAB sindikatuek lanuztera deitu dute lan-hitzarmena berritzeko negoziazioaren "blokeoa" dela eta.