Araba, eraikin publikoetako argiak amatatzen dituen lehen euskal lurraldea
Arabako Foru Aldundia hasi da energia aurrezteko neurriak aplikatzen, eta bart itzalita egon dira foru jauregiaren eta Gasteizko Andre Maria katedralaren argiak. Araba izan da, hain justu, neurriak ezartzen EAEko lehen lurraldea, Bizkaiak eta Gipuzkoak oraindik ez dituztelako aplikatu.
Espainiako Gobernuaren errege dekretua Estatuko Aldizkari Ofizialean argitaratu zen egunean egin zuen iragarpena Ramiro Gonzalez Arabako ahaldun nagusiak, baina neurriok joan den astean euskal erakundeek adostutakoaren ildotik zetozela erantsi.
"Aldundiaren ardura diren eraikin eta espazioetan energia aurrezteko neurriak berehala jarriko ditugu martxan", iragarri zuen. Horren ildotik, eraikin publikoetako argiak itzaliko zituztela zehaztu zuen, eta Martiodako Dorrea jarri zuen adibide.
Gaineratu zuenez, eraikin publikoetako tenperatura mugatzen hasiko dira datozen egunetan, Espainiako Gobernuaren dekretuaren eta euskal erakundeek itundutakoaren "ildotik". Gonzalezen hitzetan, bi dokumentuak "bateragarriak dira", baina Gonzalezek argitu du EAEren proposamena 25 ºC-koa dela udarako, eta 20 ºC-koa, neguan (Espainiak 27 eta 19 graduko muga ezarri du, hurrenez hurren).
Bien bitartean, ostiralean EAEko erakunde nagusiek adostutako neurriei (irailean aplikatuko dira, instrukzio bidez) egin die erreferentzia Bizkaiko Foru Aldundiak. Hiriburuan, hainbat eraikin aspaldi hasi ziren gaueko argiteria mugatzen: foru jauregiak ez ditu argi apaingarriak isiotzen, Bilboko udaletxeak % 30era ditu, eta Arriaga antzokiak funtzioa duen gauetan bakarrik pizten ditu. Euskalduna Jauregiak iragarri du led eta kaleko argiak amatatzen hasiko dela aurki.
Gipuzkoan, Eneko Goia alkateak atzo aitortu zuenez, 1,2 milioiko desbideratze bat izan dute aurten argindar gastuan, "ez da kopuru makala", erantsi zuen. "Donostiako Udalak 3,8 milioi euroko aurrekontua zuen argindarrerako, eta urte amaierarako dugun aurreikuspena bost milioi eurokoa da, 1,2 milioiko desbideratzearekin, hortaz. 2023rako, horrela jarraituz gero, sei milioi eurotik gorakoa izango da aurrekontua", azaldu zuen.
"Datuok irakurrita, halabeharrez, aurrezteko neurriak hartu beharko ditugu, baina modu arrazional eta zentzuzkoan hartu behar ditugu, ohartarazi zuen. Goiaren iritzian, "eraikinak hain argiztatuta ez egoteak ez nau kezkatzen, arduratzen nauena kaleak dira, segurtasuna bermatu behar dugulako".
Azkenik, Espainiako Gobernuak ezarri dituen neurriez galdetuta, "efektibistatzat" jo zituen Arantxa Tapia Eusko Jaurlaritzako Ekonomiaren Garapen, Jasangarritasun eta Ingurumeneko sailburuak eta, horren aldean, Euskadik "bere plana" duela azpimarratu du.
Albiste gehiago ekonomia
Euskadik 3.074 langabe gutxiago zenbatu ditu iazko uztailarekin alderatuta, eta 78.743 kontratu berri sinatu dira
Ekainean baino 1.600 langabe gehiago daude, 104.991 guztira. Nafarroan duela urtebete baino 801 langabe gutxiago zenbatu dira, eta Espainiako Estatuan, oro har, 1.357 langabe gutxiago daude eta 21.865.503 kotizatzailera iritsi dira, maximo historiko berri bat.
Kutxabank, Espainiako bankurik kaudimendunena Europako Banku Zentralaren arabera
Erakundeak aise gainditzen du Europako batezbestekoa erresistentzia-testetan, eta Espainiako finantza-sektoreko kapital- eta palanka-adierazle nagusien buru da.
Ardo-ekoizleek AEBko muga-zergen eragin handiaz ohartarazi dute: "Ardoa % 50 garestituko da"
Mariasun Saenz de Samaniegok (Ostatu) Europako ardoaren garestitzeaz ohartarazi du, eta merkatu berriak bilatzeko deia egin du, Estatu Batuetan salmentak galduko direlako.
BBVAk 5.447 milioi euro irabazi ditu ekainera arte, % 9,1 gehiago, Espainian eta Mexikon izandako negozioari esker
Entitateak merkatuaren aurreikuspenak gainditzeaz gain, datozen urteetarako aurreikuspenak hobetu ditu, Sabadell erosteko eskaintza publikoaren harpidetza irekitzeko atzerako kontaketa bete-betean murgilduta dagoela. Hala ere, erakundeak ez du baieztatzen abiaraziko dutenik eta atzera egiteko aukera zabalik uzten du.
Bruselak baieztatu du ardoak AEBn % 15eko muga-zerga izango duela ostiraletik aurrera
Arabako Errioxarentzat, Ameriketako Estatu Batuak oso garrantzitsuak dira, bigarren merkatua baita bolumenari dagokionez eta lehena balioari dagokionez. Horregatik, Amaia Barredo Nekazaritza sailburuak "bide diplomatikoa eta negoziazioa azken minutura arte agortzea" eskatu du, ardoa salbuespena izan dadin.
ArcelorMittalen mozkinak % 80 handitu dira mundu mailan, 2.268 milioi euroraino
Sestaon, Basaurin, Legution, Agurainen, Olaberrian, Bergaran, Berriobeitin, Legasan eta Lesakan fabrikak dituen taldeak 2025eko bigarren hiruhilekoari dagokion txostena argitaratu du.
Gorenak arrazoia eman dio Bizkaiko Ogasunari BEZaren auzian, eta Euskadik 700 milioi euro berreskuratuko ditu
Gorenak eman berri du Coca-Cola enpresaren BEZa dela eta Foru Ogasunak eta Estatukoak zuten desadostasunari buruzko epaia. Horrelako kasuetan BEZa nork bildu behar duen zegoen auzibidean, eta ebatzi du Bizkaiak egin behar duela.
Elkarretaratzea egingo dute ostegunean Gasteizko Mercedesen, bederatzi orduko lanaldien aurka
Enpresak bederatzi orduko bi lanaldi ezarri zituen martxoan. CCOOk salatu duenez, eredu horrek "kontziliazioa eta atsedena erabat bazter uzten ditu".
Gehiengo sindikalak 100.000 sinaduratik gora bildu ditu gutxiengo soldata propioaren alde, eta abuztuan eramango ditu Legebiltzarrera
ELA, LAB, ESK, Steilas, Hiru eta Etxalde sindikatuek "arrakasta ikaragarritzat" jo dute kanpaina, eta ezarritako epea agortu baino itxi dute lehen sinadura-bilketa, "Eusko Legebiltzarrak gutxiengo soldataren eskumena lehenbailehen eska dezan".
Zuiako bizilagunek mila alegazio aurkeztu dituzte Solariaren proiektuen aurka
Aurkeztutako argudioen arabera, eraiki nahi diren parke fotovoltaikoak "mehatxu larria dira natura-ingurunearentzat, gizarte-ehunarentzat eta tokiko ekonomiarentzat".