EB gas-stock onarekin sartuko da negura, dio Borrellek: "Biltegiratzea oso ondo doa"
Josep Borrell Europako Batzordeko presidenteorde eta Europar Batasuneko Atzerriko eta Segurtasun Politikako Goi Ordezkariak astelehen honetan ziurtatu duenez, neguari begira gasa biltegiratzeko Bruselak zehaztutako plana, "oraingoz, oso ondo doa, aurreikusitako egutegitik gora". Hortaz, haren iritziz, Europa gas-stock onarekin sartu ahalko da negura.
EBren planaren arabera, gas-erreserbak % 80koak izan beharko dira 2022ko azaroaren 1ean, eta, Borrellek 'Quo vadis Europa?' ikastaroaren testuinguruan Santanderren emandako prentsaurrekoan azaldu duenez, "orain, stock-mailak % 70etik gora daude, eta herrialde batzuetan % 80ra ere iritsi dira.
"Espainiak Europa osoak gasa biltegiratzeko duen gaitasunaren % 40 du, eta % 80an dago", azpimarratu du, "eta, beraz, prozesua ondo doa". Onartu egin du, baina, "dena txorrotaren araberakoa" dela: "Txorrota irekita dagoelako betetzen ditugu gordailuak. Ez dago guztiz irekita; izan ere, une honetan, gaitasunaren % 20 ari gara jasotzen, eta Errusiak iragarri du hiru egunez etengo duela hornidura, baina badirudi neguan stock-maila onarekin sartu ahalko garela".
Borrellek azpimarratu du EBk Errusiako gasaren garrantzia erdira murriztu duela; hain zuzen ere, kontsumoaren % 40tik, egungo % 20ra.
Aurrezte-politika
Europako Batzordeko presidenteordeak ohartarazi du, baina, horrek ez duela esan nahi aurrezte-politikari eta kontsumoa murrizteari utzi behar zaiela; izan ere, hori, bere ustez, herritarrentzako deia da, "eta Europako gobernu guztiek egin beharko lukete dei hori. Guztioi eragiten digu. Bakoitzak bere zati txikia eman behar du, zati txiki askok aldea zehaztu ahal dutelako", aldeztu du.
Hala, haren esanetan, negua "ederki" igaro ahalko da, murrizketekin ere: "Doitzeak egin litezke, behera, baita neurriak ere, ibilgailuen abiadura mugatzea esaterako, baina hori ez da munduko amaiera", adierazi du.
Zure interesekoa izan daiteke
UAGAk Barredo sailburuaren dimisioa eskatu du bazkaren aferaz egindako adierazpenengatik
Nekazarien elkarteak Jaurlaritzaren "immobilismoa" eta "sektoretik urruntzea" salatu du. Bestalde, ENHE sindikatuak lehorte egoera izendatzea eta "ez ohiko laguntzak" eskatu ditu jasandako kaltea konpentsatzeko.
Euriborrak % 3 gainditu du lehen aldiz 2024ko irailetik, eta hipotekadunen gaineko presioa handitu du
Adierazleak 2026an izan duen goranzko joera sendotu du, baina adituek gogorarazi dute eguneko datua dela, eta ez hileko batez bestekoa, hau da, hipoteka gehienak berrikusteko benetan erabiltzen den indizea.
Zubietako erraustegiko langileek salatu dutenez, enpresak "negozioa segurtasunaren aurretik jartzen du"
Abuztuaren 19an sute bat izan zen Ekobalen, eta bederatzi langile intoxikatu ziren beharrezko babes ekipamendurik gabe aritu zirelako sua itzaltzeko lanetan.
Grebarako aukera aztertzen ari dira garraiolariak, gasolioaren prezioaren ondorioz
Hileko gastua 2.000 euro inguru igo zaie otsailetik hona, eta garraiolari batzuek momentuz kamioiak aparkatzea erabaki dute. HIRU sindikatuko kamioilariek, berriz, lanuzteak egiteko aukera eztabaidatuko dute asanbladan, eta erabaki bateratua hartuko dute bertan.
Apartamentu turistikoetako gaualdiak % 23,3 igo dira uztailean EAEn, eta sarrerak % 9,7
Landa-ostatuen kasuan, sarrerak % 2,8 handitu dira eta gaualdiak % 5,6 jaitsi, 2025eko hilabete bereko datuekin alderatuta.
Amaia Barredo: "Eusko Jaurlaritza lanean ari da abeltzainekin hartutako epeak eta konpromisoak betetzeko"
Amaia Barredo Eusko Jaurlaritzako Elikadura, Landa Garapen, Nekazaritza eta Arrantza sailburuak aurreratu duenez, Jaurlaritzak "irailaren hasierarako" abeltzaintza-sektorearen esku jarriko ditu lehengai batzuk batera erosteko bideak, lehorteak eragindako belar eskasia dela eta. Radio Euskadin ostiral honetan egindako elkarrizketa batean, Barredok azaldu du Bazka Mahaia oraindik deituta ez dagoen arren, horrek ez duela esan nahi atzerapenak egongo direnik: "Administrazioa ez dago bileraren zain erosketa bateratua prestatzeko".
Abeltzainak haserre, Bazka Mahaia irailera atzeratu duelako Jaurlaritzak
Eusko Jaurlaritzak bazkaren beharrei buruz egindako inkestan 435 ustiategiren erantzunak jaso ditu eta horiekin hartuko ditu erosketa bateratuaren kopuruari eta hornitzaileei buruzko erabakiak. UAGAk eta ENHEk lan egiteko modu eraginkorragoak eskatu dituzte. Hala ere, guztiak ados daude, etorkizunera begira bazkari buruzko plangintza bat behar dela esatean.
Hoteletako sarrerak % 7,7 igo dira uztailean EAEn, eta gaualdiak % 6,7
Sarrera guztien % 58,8 eta gaualdien % 59,9 atzerritar jatorriko pertsonenak izan ziren, 2025eko uztailean baino % 11,1 eta % 11,7 gehiago, hurrenez hurren.
Txakolinaren mahats-bilketa aurreratu dute, beroagatik
Txakolinaren mahats-bilketa ohi baino lehenago hasiko da beroaldien ondorioz. Ekoizleen arabera, data hauek ez dira ohikoak mahats-bilketari ekiteko. Etengabe egiten dituzte analisiak mahastietan, mahatsak azukre eta garraztasun puntua noiz hartuko dituen zehatz-mehatz jakiteko, eta biltzeko une egokiena heldu da.
Bazka eroste bateratua eta lehorte deklarazioa berehala gauzatzeko eskatzen dute abeltzainek
Bi aste dira Bazka Mahaia elkartu eta erakundeek hainbat konpromiso hartu zituztela. Abeltzain asko euren kontura belarra eta lastoa erosten hasi dira, eta erakundeei neurriak berehala hartzeko deia egin diete.