Igor Arroyo: "Jaurlaritza utzikeriaz ari da, gutxieneko 1.400 euroko soldata ados lezake eta ez du egiten"
Igor Arroyo LABeko koordinatzaile orokorra oso kritiko azaldu da Eusko Jaurlaritzaren politika ekonomikoarekin, eta leporatu dio "utzikeriaz" jardutea. Izan ere, esan du Euskal Autonomia Erkidegoan (EAE) gutxieneko 1.400 euroko soldata ados daitekeela akordio interprofesionalen bidez (sektore guztietan aplikatzekoak diren lan baldintzak zehazten dituen ituna), baina "ez du egiten".
Euskadi Irratiko "Faktoria" saioan elkarrizketa egin dioten elkarrizketan, Iñigo Urkullu lehendakariak errenta itunari berriro heltzeko egindako eskaeraz ere mintzatu da Arroyo. Aitortu du "kezkaz" jarraitu dituztela adierazpenok, ez baitzuten asmo horien berri. Gainera, salatu duenez, "Jaurlaritzak ez du posizio neutral bat. Ikusi dugu Mercedesko gatazkan, baina baita Bizkaiko metalean, Gipuzkoako adinekoen egoitzetan. Langileak ahultzeko interbentzioak egin ditu. Eta bestetik, Eusko Jaurlaritzak askotan berak egin dezakeenari ere uko egiten diola, nolabaiteko utzikeriaz jokatzen duela".
Patronala bera ere "iruzur" egiten ari dela uste du LABeko koordinatzaile orokorrak, soldatak KPIaren arabera ez moldatzeko sortu den eztabaidaren kontura. "Multinazionalek egoera baliatu nahi dute euren etekinak gizentzeko. Ez gara ari enpresa txikiez, zailtasunak dituzten horiez; horiek salbuespenak dira, eta horrelakoetan gure ekonomistekin hitz egiten dugu beti eta malguak izaten saiatzen gara".
Horren ildoan, argi utzi du LABek ez duela sinatuko langileen eros-ahalmena bermatzen ez duen itunik. Azaldu duenez, "lan hitzarmenek iraunaldi jakin bat izaten dute, 2-3 urte izan daitezke. Guretzat ezinbestekoa da iraunaldiaren amaieran KPIaren igoera bermatuta egotea".
Arroyok uste du langileriaren artean badagoela "borondatea eta determinazioa" dagokiona eskatzeko, eta azpimarratu du "borroka ziklo berri bat martxan" dagoela, akaso greba orokorraren aukera piz dezakeena. Dena den, aitortu du gaur-gaurkoz ez dagoela LAB eta ELA sindikatuen arteko "aliantza orokorrik"; "arrazoi ezberdinak tarteko, momentu honetan ez da posible", argitu du. Sindikatu abertzaleen artean bi ezberdintasun nagusi ikusten ditu LABeko buruak: batetik, "ELAk sindikatu bezala ulertzen du konfrontazioa; guk klase ikuspegia lehenesten dugu", bestetik, "guk uste dugu interpelazio orokorra egin behar dela, joko-arauak aldatu behar direla eta horretarako burujabetza propioa behar dugula, eta ELAk ez du ikusten hori, ez behintzat ekintzetan".
CCOO eta UGT sindikatuen jarrera ere "kezkatzen" duela onartu du. Horren esanetan, "Euskal Herrian euren ordezkotasuna ez da determinantea baina erabaki asko Madrilen hartzen dira, eta hor CCOO eta UGT sindikatuek babestu egin dituzte langileentzat kaltegarriak diren erabakiak (...) Beldur gara ildo horretan jarraituko duten".
Zure interesekoa izan daiteke
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarri ezkero, haragiaren balio ekonomikoan eragina izango lukeelakoan. Alabaina, kasu bakar bat agertzekotan, etxaldeko abelburu guztiak sakrifikatzea eragingo luke.
Sindikatu medikuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio berriak iragarri dituzte.
?fmt=webp-alpha&qlt=80)
Nekazarien protestek Ipar Euskal Herrian eta Frantzia osoan jarraitzen dute dermatitis nodularragatik eta Mercosurren itunaren aurka
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.
ELAk, LABek eta Steilasek sektore publikoan euskaraz lan egiteko eta zerbitzua eskaintzeko eskubidea bermatzeko eskatu dute
Euskararen aurkako oldarraldi judizialaren aurrean, alderdiei zerbitzu publikoetan euskaraz lan egin eta arreta jasotzeko bermeak emango dituen lege bat exijitu diete. LABek EAJri ausardia eskatu dio EH Bilduren proposamena babesteko. ELAk ere uste du EH Bilduren proposamena jeltzaleena baino hobea dela.
Nafarroak baimena eskatu dio EBri 120.000 abelbururi dermatosi nodularraren aurkako txertoa jartzeko
Aierdik azaldu duenez, azken egunotan gaitzaren bi foku atzeman ditu Frantziako Gobernuak, horietako bat, "Nafarroatik gertu dagoen eremu batean".
Martxoan hasiko dira Ertzaintzako lan-eskaintza publikoko azterketak, 150 plaza betetzeko
Probak plantilla indartzeko eta agenteen defizita estaltzeko planaren barruan sartzen dira.
Talgoren egoitza soziala eta fiskala Gasteizera itzuli da
Euskal partzuergoak (Sidenor, Finkatuz —Eusko Jaurlaritza— eta Vital) eta SEPI Industria Partaidetzarako Espainiako Gobernuaren menpeko sozietate publikoak egin dute horren alde. Halaber, taldearen egoitza soziala eta fiskala Ribabellosara (Araba) itzuliko da.
Unai Rementeria, BBK Fundazioaren presidente berria, Xabier Sagredoren ordez
Erakundearen Patronatua asteazken honetan bildu da, Bilbon, erabakia berresteko, ohar bidez jakinarazi duenez.
Aldundiak eta Eusko Jaurlaritzak eutsi egingo diote Urdaibain 300 milioi inbertitzeko planari
Aldundia, Jaurlaritzarekin batera eta "20 udalekin batera", uztailetik ari da "enpresen lehiakortasuna" bultzatzeko plana ezartzen, lurzoru industriala sortzeko, lanbide-heziketa indartzeko, eskualdean egon ohi diren sektore ekonomikoen indarguneei balioa emateko neurriak hartzeko eta horien inguruan jarduera berriak sortzen saiatzeko.
Pentsiodunen mugimendua 24 orduko itxialdi bat egiten ari da Gasteizen, ostegun honetako manifestazioen atarian
50 pentsiodun inguru 24 orduko itxialdi bat egiten ari dira Gasteizko Koroatzearen elizan. Bihar, itxialdia bukatuta, manifestazioa egingo dute Arabako hiriburuan, Lanbidearteko Gutxieneko Soldatarekin parekatutako gutxieneko pentsioen osagarri bat aldarrikatzeko. Iruñean ere deituta dago manifestazioa.