Gaztela eta Leongo Gobernuak Garoñako jabeen esku utzi du zentrala berriro zabaltzeko bidea
Gaztela eta Leongo Gobernuak jabeen esku utzi du Santa Maria de Garoñako (Burgos) zentral nuklearra berriro zabaltzeko bidea. Zentrala 2013ko uztailean behin-betiko itxi zuten.
Carlos Fernandez Carriedo Gaztela eta Leongo Exekutiboaren bozeramaileak prentsaurrekoa eman du, Gobernu kontseilua bildu ondoren.
Asteartean, Vox ultraeskuineko talde parlamentarioak legez besteko proposamena aurkeztu zuen, Espainiako Gobernuari Garoñako zentral nuklearra berriz zabaltzeko bideragarritasun txosten bat eskatzeko. Bitartean, Nuclenor (Iberdrola eta Endesa) zentraleko jabea Garoña desegiteko lanean ari da. Ultraeskuineko alderdiak, ordea, alternatiba "bideragarritzat" jo du berriro martxan jartzea, "aldi baterako irtenbide" bezala, baina toki berdinean erreaktore nuklear berri bat jartzea nahiago luke.
"Jabeek erabaki behar dute", errepikatu du Gaztela eta Leongo Gobernuaren bozeramaileak. Zentzu horretan, "martxan diren zentralak zabalik mantentzeko" proposamena egin dio erkidegoko Exekutiboak Espainiako Gobernuari, erantsi duenez. Horrek teorian Garoña kanpo utziko luke, datorren urtean zentrala desegiteko prozesua hasiko baita.
Horregatik, arlo horretan erabakitzeko eskumenik ez duela gogorarazi du Gaztela eta Leongo Gobernuak: "jabeek hartu behar dituzte erabakiak", kasu honetan, Endesak eta Iberdrolak. Carriedok onartu duenez, konpainiak ez dira erkidegoko Exekutiboarekin harremanetan jarri.
Ramiro Gonzalez Arabako ahaldun nagusia Garoña berriro zabaltzearen aurka azaldu da. Nabarmendu duenez, "berriz irekitzeko aukerarik ez dago", instalazioa "dagoeneko historia delako".
Garoña lehen belaunaldiko zentral "erabat zaharkitua" zen, gogorarazi du Arabako agintariak, "arrisku onartezina" suposatzen duen teknologia batekin eta kokaleku "desegokiarekin", Bilbotik eta Gasteiztik gertu dagoelako.
Gonzalezen esanetan, Voxen proposamenak agerian utzi du "ultraeskuinak gobernatzea kaltegarria dela".
Albiste gehiago ekonomia
Euskadiko etxebizitza berrien prezioa, maximo historikoetan: 3.450 euro metroko
Nafarroaren aurretik (% 6,4) dago etxebizitza berrien prezioaren urte arteko igoeran. Hiriburuen arabera, batez besteko preziorik altuena Donostian dago, gero Bilbon eta azkenik Gasteizen.
Euskadik 3.074 langabe gutxiago zenbatu ditu iazko uztailarekin alderatuta, eta 78.743 kontratu berri sinatu dira
Ekainean baino 1.600 langabe gehiago daude, 104.991 guztira. Nafarroan duela urtebete baino 801 langabe gutxiago zenbatu dira, eta Espainiako Estatuan, oro har, 1.357 langabe gutxiago daude eta 21.865.503 kotizatzailera iritsi dira, maximo historiko berri bat.
Kutxabank, Espainiako bankurik kaudimendunena Europako Banku Zentralaren arabera
Erakundeak aise gainditzen du Europako batezbestekoa erresistentzia-testetan, eta Espainiako finantza-sektoreko kapital- eta palanka-adierazle nagusien buru da.
Ardo-ekoizleek AEBko muga-zergen eragin handiaz ohartarazi dute: "Ardoa % 50 garestituko da"
Mariasun Saenz de Samaniegok (Ostatu) Europako ardoaren garestitzeaz ohartarazi du, eta merkatu berriak bilatzeko deia egin du, Estatu Batuetan salmentak galduko direlako.
BBVAk 5.447 milioi euro irabazi ditu ekainera arte, % 9,1 gehiago, Espainian eta Mexikon izandako negozioari esker
Entitateak merkatuaren aurreikuspenak gainditzeaz gain, datozen urteetarako aurreikuspenak hobetu ditu, Sabadell erosteko eskaintza publikoaren harpidetza irekitzeko atzerako kontaketa bete-betean murgilduta dagoela. Hala ere, erakundeak ez du baieztatzen abiaraziko dutenik eta atzera egiteko aukera zabalik uzten du.
Bruselak baieztatu du ardoak AEBn % 15eko muga-zerga izango duela ostiraletik aurrera
Arabako Errioxarentzat, Ameriketako Estatu Batuak oso garrantzitsuak dira, bigarren merkatua baita bolumenari dagokionez eta lehena balioari dagokionez. Horregatik, Amaia Barredo Nekazaritza sailburuak "bide diplomatikoa eta negoziazioa azken minutura arte agortzea" eskatu du, ardoa salbuespena izan dadin.
ArcelorMittalen mozkinak % 80 handitu dira mundu mailan, 2.268 milioi euroraino
Sestaon, Basaurin, Legution, Agurainen, Olaberrian, Bergaran, Berriobeitin, Legasan eta Lesakan fabrikak dituen taldeak 2025eko bigarren hiruhilekoari dagokion txostena argitaratu du.
Gorenak arrazoia eman dio Bizkaiko Ogasunari BEZaren auzian, eta Euskadik 700 milioi euro berreskuratuko ditu
Gorenak eman berri du Coca-Cola enpresaren BEZa dela eta Foru Ogasunak eta Estatukoak zuten desadostasunari buruzko epaia. Horrelako kasuetan BEZa nork bildu behar duen zegoen auzibidean, eta ebatzi du Bizkaiak egin behar duela.
Elkarretaratzea egingo dute ostegunean Gasteizko Mercedesen, bederatzi orduko lanaldien aurka
Enpresak bederatzi orduko bi lanaldi ezarri zituen martxoan. CCOOk salatu duenez, eredu horrek "kontziliazioa eta atsedena erabat bazter uzten ditu".
Gehiengo sindikalak 100.000 sinaduratik gora bildu ditu gutxiengo soldata propioaren alde, eta abuztuan eramango ditu Legebiltzarrera
ELA, LAB, ESK, Steilas, Hiru eta Etxalde sindikatuek "arrakasta ikaragarritzat" jo dute kanpaina, eta ezarritako epea agortu baino itxi dute lehen sinadura-bilketa, "Eusko Legebiltzarrak gutxiengo soldataren eskumena lehenbailehen eska dezan".