Ospitalean zendu da Iturenen larri zauritutako langilea
Ostiralean lau metroko altuera batetik amilduta Iturenen (Nafarroan) larri zauritu zen 44 urteko langilea hil egin da, sindikatuetako iturriek jakinarazi dutenez. Urtea hasi zenetik, 56 langile zendu dira Euskal Herrian, ELA sindikatuak egindako kontaketaren arabera. Foru Erkidegoan bakarrik, 11 dira lan ezbeharrean hildakoak, Nafarroako UGTren hitzetan (13 direla dio ELAk).
Ezbeharra ostiral goizean jazo zen. Sortzez Donamariakoa zen gizonezkoa balkoi baten toldoa jartzen ari zen, eta argitu gabeko arrazoiak tarteko, erori egin zen. Nafarroako Unibertsitate Ospitalera eraman zuten, larri baina bere kordean zela. Zainketa Berezien Unitatean ingresatu zuten, eta atzo hil zen.
Ohar batean, Nafarroako UGTren Industria, Eraikuntza eta Nekazaritzako Federazioak heriotza hori deitoratu du, baita Olaztin joan den astean gertatutakoa ere, eta doluminak helarazi dizkie senitarteko eta lagunei. Sindikatuaren arabera, bi heriotzek agerian utzi dute "premiazkoa dela segurtasun eta lan osasun eremuko baldintzak hobetzea, prebentzioaren inguruko informazioa hobetzea eta Lan Ikuskaritzako bitartekoak indartzea". "Lan heriotzek botere publikoen lehen mailako gai sozial eta politikoa izan behar dute".
Beste ohar batean, ELA sindikatuak patronalari eta Lan Ikuskaritzari egin die dei "ezbehar tasa geldiaraztea erantzukizun kontua izateaz gain, borondate kontua ere" badelako. Horren ustez, "zoritxarrez, patronalak eta Gobernuak ez dute benetako borondaterik erakusten neurriak hartzeko eta egoera aldatzeko". Enpresen kontura, ELAk dio enpresek lehentasuna ematen diotela "produkzioari arriskuak murrizteari baino, eta merkeagoa ateratzen zaie Legea ez betetzea, prestakuntzan, segurtasun prozeduretan
eta babes ekipamenduetan inbertitzea baino". Ikuskaritzari buruz honakoa salatu du sindikatu abertzaleak: "Osasun Publikoaren eta Lan Osasunaren Institutua ia kolapsatuta dago, eta Lan Ikuskaritza, berriz, 15 pertsonako plantillarekin eta Estatuaren mende, zer esanik ez".
LABek, bere aldetik, jakinarazi du Iturengo kasuan langilea autonomoa zela, eta salatu du "lan osasuneko araudiak ez duela babesten". Sindikatu horren arabera, baimendutako altuera bikoiztuz eskuko eskilara bat erabiliaz ari zelarik erorita gertatu zen ezbeharra. Ildo horretan, Nafarroako Gobernuari autonomoak ere babesteko beharrezkoak diren neurriak hartzeko eskatu dio, "autonomoak ezin direlako babesik gabe utzi".
Zure interesekoa izan daiteke
CAFek lortu egin du "mendeko kontratua": 1.700 milioi euro Belgikan trenak egiteko
Beasainen egoitza duen konpainiak kontratu horren inguruko ziurgabetasunarekin amaitu du; izan ere, polemika handia piztu zen han, Alstom enpresa frantziarrak dagoeneko hainbat lantegi baititu Belgikan, eta enpresa horrek kontratua ez lortzea kritikatu zuten.
Balenciaga ontziolako langileek atzera bota dute Abu Dhabi Ports talde arabiarraren azken eskaintza
Pasa den azaroaren 30ean, Balenciaga ontziolak salerosketa akordioa sinatu zuen aipaturiko inbertsio talde arabiarrarekin, 11,2 milioi euroren truke. Salerosketa ixteko, ordea, ezinbesteko baldintza da langileekin akordioa lortzea. Antza denez, langileen erosahalmena bermatuko luketen soldatak dira akordiorako korapilo nagusia.
Talgoren erosketaren ondoren, partzuergoko kideek Rivabellosako fabrika bisitatuko dute
Imanol Pradales lehendakaria eta Jose Antonio Jainaga enpresaria buru zirela, akziodun berriek Talgo enpresak Rivabellosan dituen instalazioak bisitatu dituzte. Denek uste dute operazioa funtsezkoa izan dela enpresaren jarduera eta enplegua sendotzeko, eta etorkizun oparoa iragartzen diote tren-enpresari.
Petronorreko greba bertan behera, enpresak bide judizialari uko egin ostean
Sindikatuek bertan behera utzi dute greba mugagabea, zuzendaritzarekin adostuta, 83 eguneko lanuztearen ondoren.
Europa osoko nekazariek Brusela hartu dute politika bateratuaren eta Mercosurrekiko akordioaren aurka protesta egiteko
Lehen ordutik, milaka traktorek eta nekazarik hiriko auzo europarra blokeatu dute, Europar Batasuneko erakundeen politiken aurka protesta egiteko. Poliziarekin ere istiluak izan dira. Europako nekazaritza-sektorea kontuan hartzeko eta kalterik ez egiteko eskatu dute.
EAEko ekonomiaren hazkundea % 2,1ekoa izango da datorren urtean, Confebasken arabera
Confebaskek aurreikusten du BPGa % 2,1 haziko dela 2026an Euskal Autonomia Erkidegoan, nahiz eta egun dauden "arriskuek" % 1,7 eta % 2,6 arteko tartean egotea eragin dezaketen. Inbertsioan eta enpleguan dinamismo txikiagoa izatea espero du Confebaskek.
Bizumen gaineko kontrol gehiago izango dira 2026an, baina profesionalei eta enpresaburuei eragingo die soilik
Zerga Agentziak ordainketa digitalei buruz jasotzen duen informazioa indartuko du 2026tik aurrera, Bizumekin egindako eragiketak barne, baina neurria jarduera ekonomikora mugatuko da eta ez du eraginik izango partikularren arteko trukeetan.
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarriz gero, haragiaren prezioan eragina izango duelakoan. Alabaina, kasu bakar bat agertuko balitz, etxaldeko abelburu guztiak sakrifikatzea eragingo luke.
Medikuen sindikatuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio gehiago egingo dituztela iragarri dute.
?fmt=webp-alpha&qlt=80)
Nekazarien protestek jarraitzen dute Ipar Euskal Herrian eta Frantzia osoan, dermatosi nodularraren auzia nola kudeatu den eta Mercosurren ituna salatzeko
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.