Kongresuak tramitera onartu du bankuei eta energia konpainiei zerga berriak ezartzea
PSOEk eta Unidas Podemosek energia konpainiei eta bankuei zerga berriak ezartzea planteatu dute, eta Diputatuen Kongresuko gehiengoak ekimena tramitera onartzea babestu du, nahiz eta PP, Vox eta Ciudadanos aurka agertu.
Espainiako Gobernua osatzen duten indar politikoez gain, ERCk, EAJk eta EH Bilduk tramitazioaren aldeko botoa eman dute, baita Coalicion Canariak, BNGk eta CUPek ere.
"Ezohiko garaiek ezohiko esfortzuak behar dituzte", justifikatu du Patricia Blanquer PSOEko bozeramaileak. "Inflazioak ere irabazleak eta galtzaileak sortzen ditu", eta "orain esfortzu bat eskatzea bidezkoa da", erantsi duenez.
Pablo Echenique Unidas Podemoseko bozeramaileak ziurtatu duenez, zerga berriek ez dute bi sektoreetako jasangarritasuna arriskuan jarriko. "Laguntza" eskatu die bi sektoreei.
EAJk eta EH Bilduk tramitazioa babestu dute, baina Euskadin eta Nafarroan aplikatzeko akordio bat eskatu dute. Are gehiago, bestela, jeltzaleek bide legaletik zerga atzera botatzeko aukeraz ohartarazi dute. "Foru erregimenekin adostasuna dago, edo eskura ditugun baliabide guztiak erabiliko ditugu", esan du Idoia Sagastizabalek.
Mertxe Aizpurua EH Bilduko bozeramailearen ahotan, zergak "ez dira nahikoak", sektore horietan diru "oso gutxi" biltzea bilatzen dutelako.
Azaldu duenez, energia konpainien kasuan, bi urtetan 2.000 milioi biltzea espero dute, sei hilabeteetan 11.000 milioiko mozkina izan dutenean; eta 1.500 milioi bankuen kasuan, 2021ean 20.000 milioi etekina gainditu zutenean. "Eta 60.000 milioiko erreskatea ez da ahaztu behar", gaineratu du.
Mario Garces PPko diputatua zerga berrien kontra azaldu da. Garcesen esanetan, proposamena "munstro juridiko" bat da. PSOEk eta Unidas Podemosek ondare prestazio gisa aurkeztu nahi izatea "iruzurtzat" jo du Alderdi Popularreko ordezkariak: "hori zerga bat da". Azkenik, sektoreen aurkako "jazarpen subjektiboa" eta "kolektibizazioa", salatu ditu.
Albiste gehiago ekonomia
EAEko familiek inoiz baino gehiago gastatu dute ostalaritzan, 4.207 euro
Euskadiko etxeetako batez besteko gastua egonkor mantendu zen 2024an, baina aisiak eta jatetxeek pisua hartzen jarraitzen dute elikaduraren, garraioaren eta irakaskuntzaren aldean.
Auzitegiak artxibatu egin ditu 17 medikuren aurkako salaketak, Osakidetzako Lan Eskaintza Publikoko filtrazioengatik
Arabako Auzitegiak artxibatu egin ditu Osasun Zerbitzuaren 2016-2017ko Lan Eskaintza Publikoan ustez egindako filtrazioengatik ikertutako 17 medikuren aurkako salaketak, eta ikertutako 19 lagunetatik 2ren aurka irekita uztea erabaki du.
Jaurlaritza langabezia subsidioen transferentzia bereganatzen saiatuko da asteazken honetan Espainiako Gobernuarekin
Kontribuzio-prestazioen eta langabezia-subsidioaren arloko eskumenak eskualdatzeko akordioa posible izan dadin "nahikoa denbora" eduki izana espero du Autogobernuko sailburuak.
Eusko Jaurlaritzak 2026ko urtarriletik aurrera berrekingo dio telelanari
Langile publikoek astean bi egunetan jardun ahal izango dute lan-modalitate horretan. Gainera, telelanaren bitartez lan egin dezaketen langile guztiei ere aukera hori ematen die dekretuak, betiere zerbitzu publikoa behar bezala ematen dela bermatzen bada.
Euskadik % 40 handitu du bere egungo potentzia elektrikoa, eta 16.000 megawatteko edukiera gaindituko du
Hala, "70.000 langilerentzako lana bermatzen da", eta bultzada esanguratsua dakar enpleguarentzat eta egonkortasun ekonomikoarentzat. Eusko Jaurlaritzak 6.000 megawatteko edukiera gehigarria nahi zuen, 18.000 MWetara iristeko.
Zenbateko potentzia elektrikoa behar du Euskadik?
Industria, Trantsizio Energetiko eta Jasangarritasun Sailak 6.000 MW gehiago eskatu ditu bere sarean, helburu industrialak eta deskarbonizazioa betetzeko.
Eusko Jaurlaritzak eta banku-erakundeek gazteentzako lehen etxebizitza eskuratzeko abalen programa jarri dute abian
Kutxabankekin, Laboral Kutxarekin eta Abancarekin ekin zaio programari, oraingoz lankidetza-hitzarmena sinatu dutenekin; baina, zabalik da erakunde gehiagok bat egin ahal izango dutela aurreikusten da. Finantzatu beharreko etxebizitzen erosketa-prezioa ezin izango da 340.000 eurotik gorakoa izan.
Albiste izango dira: Ustelkeriaren aurkako txostena Nafarroan, sare elektrikoari buruzko bilera Madrilen eta Venezuelako ontzi bati erasoa
Gaurkoan Orain-en albiste izango direnen laburpena, bi hitzetan.
Euskal gehiengo sindikalak pentsiodunen mobilizazioarekin bat egin du Herri Ekimen Legegilea izapidetzea eskatzeko
ELA, LAB, ESK, Steilas, Hiru eta Etxalde ere mobilizatuko dira irailaren 20an EAJri eta PSE-EEri beren jarrera "zuzentzeko" eta gutxieneko pentsioa gutxieneko soldatarekin parekatzeko ekimena izapidetzea eskatzeko.
Euskadiko inbertsio elektrikoa aztertzeko bilera izan du Jauregik Espainiako Energia idazkariarekin
Joan Groizard Energiaren Estatu idazkariarekin batzartu da Jauregi, 2025-2030 aldirako elektrizitatea garraiatzeko sarea planifikatzeko proposamenaren barruan sare elektrikoetan egingo den inbertsioari buruz eta horrek Euskadin izango duen eraginaz mintzatzeko.