Gaztela eta Leongo Gobernuak Garoñaren gaineko ikerketa eskatuko du, 2030erako lanean egon litekeelakoan
Garoñako zentral nuklearra berriro irekitzeko aukera aztertzea helburu, Gaztela eta Leongo Gobernuak bideragarritasun-ikerketa lizitatuko du, Juan Garcia-Gallardo autonomia-erkidegoko presidenteordeak asteazkenean iragarri duenez. Hipotesia da Garoña azken belaunaldiko zentral nuklear gisa zabaltzea, bi erreaktore berri jarrita, eta, Garcia-Gallardoren iritziz, zentrala 2030ean egon liteke berriro lanean, "borondate politiko nahikorik egotekotan".
Zentrala eraispen-fasean dago, eta 2012ko abenduan utzi zion elektrizitatea ekoizteari. Garcia-Gallardok bisitatu du, eta, azaldu duenez, teknikariek uste dute berriro irekitzeko aukera bideragarria dela; ziurtatu ere ziurtatu du "erabaki estrategikoa" dela. Gaztela eta Leongo presidenteordeak adierazi duenez, azpiegitura horrek, "hainbat eta hainbat urtez, energia garbia, ugaria eta merkea eman zion Espainia osoari, eta guztiz garrantzitsua izan zen lan zuzena eta zeharkako lana sortu zuen Tobalina bailaran" (azken hori Burgosen dago).
Dena dela, ohartarazi du hurrengo hilabeteak "erabat zailak" izango direla, kontuan izanik argindarraren prezioa oso altu dagoela, eta iragarri du familia eta enpresa askok arazoak izango dituztela bizitzari eta enpresa-jarduerari eusteko. Hori dela eta, argudiatu du zergatik hartu duten "horrelako erabaki estrategikoa", alegia, bideragarritasun -ikerketa eskatzea.
"Egia da ez dela erraza, segituan ezingo dela eraiki eta ikerketa guztiak egin beharko dituztela: ingurumen-ikerketak, ikerketa teknikoak, eragin sozialaren gaineko ikerketak. Baina egia da pentsatu behar dugula ez bakarrik ondorengo hilabeteetan edo asteetan, baizik eta ondorengo belaunaldietan", adierazi du Garcia-Gallardok.
Zure interesekoa izan daiteke
Euspelek irabazi ditu Ertzaintzaren hauteskunde sindikalak, eta 20 delegatu izango ditu
Esanek ere 20 delegatu izango ditu, bigarren indar gisa kokatuta. ErNE, azken bi hamarkadetan Euskal Autonomia Erkidegoko polizia autonomikoan gehiengoa izan duen sindikatua, hirugarren postuan geratu da.
Greba Batzordeak eta Osasun Ministerioak elkarrizketei ekin diete berriro, bi asteko grebaren ostean
Alderdi guztien elkarrizketarako borondatea eskatu dute, Estatutu Markoa lortzeko.
Bilboko Aireportuko ‘handling’ zerbitzuek greba egingo dute, Aste Santuaren ateetan
Maletak eramateaz eta aireportuetako beste zerbitzuez arduratzen den Groundfroce enpresako langileek lanuzteak egingo dituzte astelehen, asteazken eta ostiralean, hitzarmen kolektibo berriaren negoziazioaren barruko desadostasunak direla eta.
52 urteko gizon bat hil da Valtierran, lan-istripuz
Ezbeharra hondakinak kudeatzeko enpresa batean gertatu da, Nafarroako udalerriko abeltzaintza-industrialdean. Lehen ikerketen arabera, kargatzeko pala batek jo du langilea.
Tubos Reunidosek hitzarturiko kaleratzeekin bat egin dezaten eskaini die finko bihurtutako 42 langileei, aldi baterako langileen baldintzekin
Lan Ikuskaritzak, asteazkenean batzordearekin eta enpresarekin egindako bilera batean, Tubos Reunidosek lege iruzurrez egindako 42-47 behin-behineko kontratu atzeman zituen. Hori dela eta, enpresak finko egin behar izan ditu langileak. Sindikatuek azaldu zutenez, enpresak martxoaren 31ra arte luzatu zituen kontratazio horiek.
Ertzaintzan hauteskunde sindikalak egingo dituzte gaur, lantaldea handitzeko eskaera mahai gainean dutela
Botoa emateko eskubidea duten 7.078 ertzainek 60 ordezkari aukeratu beharko dituzte: 17 Araban, 23 Bizkaian eta 20 Gipuzkoan.
Brent upela % 2 igo da, 104 dolarreraino, Irango gatazkaren eboluzioaren zain
Asteazkenean, % 2,17 jaitsi zen, gerrari amaiera emateko negoziazioek aurrera egiteko aukerak bultzatuta, eta AEBk Irani ebazpen-plan bat proposatu baitzion. Iranek plana onartu ez, eta berea aurkeztu du.
Euskadiko Lan Ikuskaritzak lege iruzurrez egindako 42-47 behin-behineko kontratu atzeman ditu Tubos Reunidosen
Langileen batzordeak bilera izan du goizean Eusko Jaurlaritzako Lan Ikuskaritzako ordezkariekin, Gasteizen, eta batzarrak iraun duen bitartean, dozenaka langilek protesta egin dute atarian.
Erregaien krisiak arrantza-sektorea astindu du: lehen ontziak geldirik, Ondarroan
Gasolioaren garestitzeak alturako flotaren zati bat portuan egotera behartu du. Bitartean, sektoreak bideragarritasuna bermatzeko laguntza gehiago eskatzen ditu.
Behargin bat hil da Goiaingo industrialdean, lan-istripuz
Ezbeharra 20:00ak aldera gertatu da, eta bertaratu diren larrialdi-zerbitzuek ezin izan dute langilea suspertu.