OPEP taldeak eta Errusiak nabarmen murriztu dute petrolio ekoizpena, prezioei eusteko
OPEP+ taldeak eta Errusiak egunean 2 milioi petrolio upel gutxiago ekoiztea erabaki dute asteazken honetan, 2020ko maiatzetik egindako murrizketa handiena gauzatuta.
OPEP taldeak eta horren aliatu diren hamar herrialdeek (tartean Errusia) bilera egin dute gaur Vienan, eta ofizial egin dute ekoizpena murrizteko erabakia. Horrela, prezioei eutsi nahi diete.
Gainera, parte hartu duten ministroek adostu dute kooperazioa beste urtebetez luzatuko dutela; hortaz, 2016an ezarritako aliantzak gutxienez 2023ko amaierara arte jarraituko du. "Petroprezioak" jaitsita egin zuten aliantza; Ameriketako Estatu Batuetan eskistoak izandako goieneko mailak eragin zuen.
Azken adierazpenean, ministroek azaldu dute adostu dutela "ekoizpen globala murriztea eguneko bi milioi upel gutxiago ekoitzita, 2022ko azarotik aurrera". Adostutako murriztapena 2020ko maiatzetik izandako handiena da; orduan, egunero 10 milioi upel gutxiago ekoiztea erabaki zuten, kontuan izanik energia eskariak beherakada nabarmena izan zuela, koronabirusaren krisiagatik.
Asteartera arte, nazioarteko merkatuen aurreikuspena zen murrizketa erdia izatea; izan ere, zenbait ordezkarik prentsari ezkutuan eman zioten negoziatzen ari zirela eguneko milioi bat upel gutxiago ekoiztea. Horrek ere petrolioaren prezioan gorakada handia eragin du. Nolanahi ere, espero modukoa da benetako murrizketa ez izatea ofiziala bezain handia; izan ere, taldeko ekoizle gehienek hilabeteak daramatzate ezarritako kuota nazionaletik oso behera. Hori, gaitasun teknikoaren maximoan ponpatzen ari badira ere.
Duela hilabete, aliantzak ezarri zuen muga gisa guztien arteko gehieneko ekoizpena eguneko 43,85 upelekoa izan zitekeela (Venezuela, Iran eta Libia, OPEP taldeko kideak izanda ere, ez daude neurri horren barnean), baina kalkulua da une honetan 3,5-5 milioi upel gutxiago ari direla ekoizten, egunero.
Ezezko argia, mendebaldeko herrialdeentzat
Benetako murrizketa iragarritakoa baino txikiagoa izanik ere, neurria ezezko argia da mendebaldeko herrialdeentzat; denbora luzea daramate OPEP taldeari eskatzen txorrotak zabaltzeko, erregaiak eta energia merkatzea helburu eta inflazioari aurre egiteko.
Ildo horretan, AEBko presidente Joe Bidenek etsipena adierazi du OPEP+ taldeak hartutako erabakiagatik; hain zuzen, uste du "epe laburreko neurria" dela: "Energiako horniketa globalari eustea guztiz garrantzitsua da, eta erabaki honek eragin negatiboa izango du dirusarrera txikietako eta ertainetako herrialdeetan, energiaren prezio altuak sufritzen ari direlako", esan du, ohar bidez (Jake Sullivan Segurtasun Nazionaleko aholkulariak eta Brian Deese aholkulari ekonomikoak argitaratu dute oharra).
Zure interesekoa izan daiteke
Saltokietan eskuko telefonoarekin ordaintzeko aukera emango du Bizumek maiatzaren 18tik aurrera
CaixaBank, Sabadell eta Bankinter izango dira Bizum bidezko ordainketak baimentzen lehenak. Laboral Kutxak ere hilaren 18tik aurrera eskainiko du aukera, baina denda kopuru mugatu batean.
Lanera itzuli nahi duten Amurrioko Tubos Reunidoseko beharginek lantegira sartzeko autobusa izango dute asteartetik aurrera
Ostegunean, 232 langilek, CCOOk eta UGTk babestuta, greba amaitzearen eta berriro lan egitearen alde bozkatu zuten, ELA, LAB eta ESKk ordezkatutako gehiengoaren iritziaren aurka. Neurri horren helburua, enpresaren arabera, lanera itzuli nahi duten horiek lantokira segurtasun baldintza egokietan sartu eta irtetea da.
ELAk ezkutuko 28 kaleratze salatu ditu Sidenorren Azkoitiko lantegian Reinosara lekualdatzeko prozesuan
Ohar batean, enpresak esan du ez dela "kaleratze bakar bat ere" izan Azkoitian, eta 32 pertsona joango direla Reinosara, horietako bi euren borondatez.
Pasaiako portuak urtean 10 milioi inbertitzea aurreikusten du, "Ardatz Atlantikoko nodo lehiakor" gisa kokatzeko
EAJren eta PSE-EEren arteko ika-mika iturri den portuaren eskumenaren transferentziaz galdetuta, Izaskun Goñi Pasaiako Portu Agintaritzako presidenteak adierazi du hori arlo politikoan argitu behar dela.
Tubos Reunidoseko asanbladak greba amaitzearen alde bozkatu du, baina batzordeak jarraitzearen alde egin du
Batzarrean 234 langilek bozkatu dute, eta ia guztiek greba amaitzearen alde egin dute; hala ere, Amurrion 870 langile daude guztira. ELAk adierazi du asanbleak ez duela baliorik eta "ezin duela greba-deialdia aldatu"; aldi berean, ESK-k zalantzan jarri du bere zilegitasuna.
Tentsioa, Tubos Reunidosen: langileen zati batek grebarekin jarraitu ala ez bozkatzeko eskatu du
Gehiengo sindikalaren estrategiarekin kritikoak diren langileek erreferendumean bozkatu nahi dute grebarekin jarraitu ala ez; sindikatu nagusiek, ordea, uko egiten diote horri. Mikel Torres Eusko Jaurlaritzako bigarren lehendakariordeak ohartarazi duenez, Tubos Reunidosen etorkizunaren zati bat jokoan dago gaurko bileran, eta guztiak batera arraun egiteko deia egin du.
Osakidetzak garapen profesionalerako eredu berria adostu du SME, Satse eta CCOOrekin
Euskal Osasun Zerbitzuak osasun-prestakuntza espezializatuko aldia aitortuko du emandako zerbitzu gisa eta puntuazio gehigarri bat betetzea zaila den lanpostuetan.
Urte gazi-gozoa makina erremintaren sektorean: esportazioek gora egin arren, gutxiago fakturatu dute
Txinaren "mehatxuaren" aurrean, autogintzak larri itxi zuen 2025 urtea, eskariak ia % 12 murriztuta. Aldiz, errekorreko urtea izan zen defentsa eta aeronautika alorretan.
Tubos Reunidosek ohartarazi du egoera "oso zaila" dela, eta ez du baztertzen jarduera etetea inbertitzailerik aurkitzen ez badute
Amurrioko lantegiko beharginen batzordearekin egindako bileran, zuzendaritzak jakinarazi du bideragarritasun plana eta kaleratze kolektiboa bertan behera direla. Aurrerantzean, konkurtso-administratzaile batek hartuko ditu enpresaren gaineko erabaki guztiak.
Tubos Reunidosko langileen batzordeak grebari eutsi dio, eta asteazken honetan zuzendaritzarekin biltzeko zain dago
Tubos Reunidos enpresako langileek elkarretaratzea egin dute astearte honetan enpresaren Bilboko bulegoen aurrean, enpresak hartzekodunen borondatezko konkurtsoa aurkeztu eta biharamunean. Tubos Reunidosek 1.300 langile inguru ditu, eta 260 milioi eurotik gorako zorra pilatuta.