SENER konpainiak Alemaniako lehen birgasifikazio instalazioaren eraikuntzan parte hartuko du
COBRA enpresak (Frantziako Vinci taldekoa) eta SENER euskal enpresak % 62ko eta % 38ko parte hartzearekin, hurrenez hurren, osatzen duten partzuergoak Alemaniako German LNG birgasifikazio terminala eraikiko dute, bertako lehena.
Gas natural likidotua birgasifikatzeko terminala (GNL) Brunsbüttel herrian egongo da, eta egungo gerra egoeran proiektu estrategikoa da bezeroarentzat eta Alemaniarentzat, trantsizio energetikoko prozesuaren parte gisa.
Herrialdearen iparraldean, Elba ibaiak Ipar Itsasoan duen bokalean, birgasifikazio-plantak 165.000 metro kubikoko bi biltegiratze-tanga izango ditu, eta gas naturalaren 8 BCMA (mila milioi metro kubiko urtean) ekoiztu ahal izango ditu, 10 BCMAra arte handitu ahal izango direnak.
Bi kairekin, deskarga-besoekin eta hodiekin, biltegiratze-andelekin, gasa birgasifikatzeko eta isurtzeko sistemekin, GAO (Boil-off Gas) berreskuratzeko sistema batekin, zuzi batekin, sistema osagarriekin eta ekoizpenerako bereziki diseinatutako hainbat eraikinekin hornituta egongo da.
Instalazioak hainbat zerbitzu eskainiko ditu: itsasontzien zamalanak, gas natural likidotuaren biltegiratzea, birgasifikazioa, Alemaniako sarean gas naturalaz hornitzea eta gas natural likidotuaren banaketa zisterna-kamioien eta trenbide-bagoien bidez.
Lantegi berriak lurretik datorren gasari alternatiba bat eskainiko dio. Ildo horretatik, German LNG Terminal GmbH enpresak adierazi du instalazio horrek ekarpen esanguratsua egingo duela Alemaniaren eta Europaren energia-hornidura ziurtatzeko.
COBRA eta SENER partzuergo gisa egiten ari diren ingeniaritza-lanen jarraipena da; besteak beste, gas natural likidotuko terminalak diseinatu eta eraikitzea, hala nola Sagunto (Valentzia), Bahia Bizkaia Gas (Euskadi), Gate terminal (Herbehereak), Dunkerque (Frantzia) eta Zeebruggekoak (Belgika).
Inbertsio handia da, eta hasierako lanek 9 eta 15 hilabete arteko tartea hartuko dute, aldi berean 42 hilabetez egingo diren eraikuntza-lan batzuekin. Aurreikuspenen arabera, 2026an amaituta egongo da, baina proiektua are gehiago bizkortzeko lanean ari dira.
Zure interesekoa izan daiteke
Iberdrolak 125. urteurrena ospatu du Bilbon, begirada "argindarraren aroan" jarrita
Iberdrolak bere 125. urteurrena ospatu du astearte honetan, Bilboko egoitzan. Erakundeetako eta enpresa munduko ordezkariak bildu ditu ekitaldiak, eta konpainiaren historia gogora ekarri dute. "Argindarraren aroa" deiturikoan jarri dute etorkizunerako begirada. Bere hitzartzean, Ignacio Sanchez Galan Iberdrolaren presidenteak esan du "euskal sustraiak" inoiz galdu ez dituen "proiektu integratzaile baten emaitza" dela gaur egungo konpainia.
Tubos Reunidosen interesa duten "inbertsore berriak" daudela dio Jauregi sailburuak, baina oraindik ez dago "proposamen zehatzik"
Mikel Jauregi Eusko Jaurlaritzako Industria, Trantsizio Energetiko eta Jasangarritasun sailburuaren hitzetan, Tubos Reunidosen zorra berregituratu eta langileak lanera itzuli izana funtsezko bi baldintza izan dira "inbertitzaile berriak erakartzeko".
Papresak erosteko eskaintza bakarra jaso du: CL Grupo Industrialek aurkeztu du proposamen loteslea
Papresa hartzekodunen konkurtsoan sartu eta lehen asteetan balizko iteresdun gehiago zeudela aditzera eman bazen ere, euskal talde bat barne, ez dira eskaintza gehiago aurkeztu ezarritako epearen barruan; CL Group enpresak (Cristian Layri lotutakoa) bakarrik egin du hura erosteko eskaintza loteslea.
Eusko Jaurlaritzak onetsi egin du Aiaran baterien biltegi bat eraikitzeko proiektua
Arena Green Assest 4, SLUren "PB Navegantes 31" proiektuak 23 milioi euroko aurrekontua du eta 30MW-ko potentzia instalatua, 20 oineko neurriko edukiontzietan dauden 18 biltegiratze unitaterekin, kontrol eta monitorizazio sistemak integratzeko.
Astigarraga, etxebizitza garestien dagoen Gipuzkoako hirugarren herria
Prezioa % 55 igo da 4 urtetan eta metro koadroa 5.228 eurotan saltzen da. Donostiaren eta Zarautzen atzetik, udalerririk garestiena da.
Monica Garciak uste du sindikatu mediku batzuek grebari eusteko aparteko interesa dutela
Espainiako Osasun ministroaren ustez, "mediku sindikatu batzuek pizgarriren bat dute gatazkari eusteko, eta Estatutu Markoak dakartzan hobekuntzak sektoreko profesionalengana iristea saihesteko edo atzeratzeko". Era berean, Aragoi, Nafarroa, Kantabria, Asturias eta Galiziako erkidegoek grebari amaiera ematea lortu dutela nabarmendu du, eta gainerako erkidegoei "euren lana egiteko" eskatu die, "profesionalen lan-baldintzak eskumen autonomikoen menpe daudelako".
Kalera atera dira berriro medikuak, protesta egitera, urteko laugarren greba astearen hasieran
Donostia Ospitaleko anestesista Elena del Valek kazetarien aurrean hitz egin du protestetako batean, eta ziurtatu du "itxaropentsuago" daudela, Euskadiko Medikuen Sindikatuaren bitartez, Osakidetzarekin bilerak hasi dituztelako, eta "badirudielako", aldarrikapenetako batzuk negoziatzen hasiko direla.
Gasteizko Udalak taxilarien guardiak arautu ditu, dekretu bidez
Dokumentuak larunbat eta jai bezperetarako guardien egutegia ezartzen du, 00:00etatik 08:00etara, eta tarte horretan gutxienez 50 taxi arituko dira zerbitzua ematen.
Etxebizitzen salerosketa % 11,6 jaitsi da EAEn, eta % 8,2 igo da Nafarroan
Donostian 418 etxebizitza salerosi dira 2026ko urtarrila eta apirila bitartean, aurreko hiruhilekoan baino % 26,8 gutxiago, eta iazko tarte berean baino % 30,8 gutxiago.
Banku-txartelari agur? Bizum bidezko ordainketa saltokietara iritsi da
NFC teknologiaren bidez egingo dira ordainketak, contactless metodoaz, erabiltzaileak Bizum aktibatuta duen banku-aplikazioaren edo Bizum Pay-ren diru-zorro digital berriaren bitartez. Ordainketa berehala egingo da, eta ez da bitartekaririk (Visa, Mastercard…) beharko. Massimo Cermelli ekonomialariaren ustez, Bizum "erakargarria izan daiteke; saltoki txiketarako, batik bat", komisioetan aurreztu dezaketelako.