Siemens Gamesa eta sindikatuak batzartuta, kaleratzeak aztergai
Siemens Gamesa eta sindikatuak batzartu dira, Zamudion (Bizkaia), enplegu mahaian. Bileraren xedea da espainiar Estatuan izango diren kaleratzeak negoziatzea, iturri sindikalek adierazi dutenez.
Urriaren 4an, enpresak eta CCOO, UGT eta ELA sindikatuek bilera telematikoa egin zuten. Bertan, konpainiak planaren xehetasun batzuk eman zituen; guztira, 475 lanposturi eragingo die espainiar Estatuan. Mundu mailan, aldiz, 2.900 langileri eragingo die planak, 'Mistral' izeneko programa estrategikoaren barnean.
Bilera horretan, Siemens Gamesak sindikatuei esan zien 475 kaleratze horietatik 80 izango direla kontratua berrituko ez dieten aldi bateko langileenak; 43 errotazio naturalekoak dira, eta "denborak aurrera jo ahala desagertzen dira"; eta 352 bulegoetan gauzatuko dituzte. Gainerako 80 eta 43 lanpostuei dagokienez, ez dute oraingoz zehaztu horiek ere bulegoetan izango diren, ala ez.
Halaber, baieztatu zuten Gamesa Electric eta Gamesa Energy Transmission negozio unitateei ez diela eragingo, ez bulegoetan, ez fabriketan. Gamesa Energy Transmission, biderkatzaileen unitatea bera, Mungian eta Asteasun dago.
"Kaleratze traumatikorik ez izatea"
Plana, iragarrita zutenez, bi urtetan garatuko dute. Enpresak enplegu mahaia deitu du akordio bat ixteko aukera aztertze aldera. Sindikatuek eskatzen dute balizko akordio hori adosteko "kaleratze traumatikorik ez egotea". Berriro ere, CCOO, ELA eta UGT sindikatuak deitu dituzte.
Enpresak, bere aldetik, adierazi du saiatuko dela kaleratze traumatikorik ez izatea, beste lanpostuak emanez, eta sustatutako bajak eta aurretiko erretiroak baliatuz. Helburua da "nahita ez diren kaleratzeak gutxienera murriztea".
Ildo horretan, Nafarroako Gobernuko presidente Maria Chivitek eta Mikel Irujo Garapen Ekonomiko eta Enpresarialeko kontseilariak bilera eskatu diote Siemens Gamesari; izan ere, Sarrigurenen dauden bulego korporatiboei ere eragingo die planak. Foru Gobernuaren helburua da enpresan enpleguari eustea.
Albiste gehiago ekonomia
Villavesetako langileek greban jarraitzearen alde egin dute, oso bozketa estu batean
Garraio publikoko langileen % 50,6k egin dute grebaren alde; sei botoko aldeagatik gailendu da aukera hori. TCC enpresak ohartarazi du ez duela negoziatuko lanuztea bertan behera utzi arte.
Mondragon Korporazioko Diknua kooperatibak 1,5 milioi ordaindu ditu Ternuagatik eta 56 lanpostu mantenduko ditu
Donostiako Merkataritza arloko 1 zenbakiko Epaitegiak konpainiaren 56 enpleguak Euskadin mantentzea ekarriko duen operazioa baimendu du, "lan-baldintzak eta antzinatasuna errespetatuz".
Honelakoa da Internet bidezko iruzurren aurkako banku-egiaztapen berria
Hemendik aurrera, hartzailearen izena eta IBAN kodea bat ez badatoz, erabiltzaileari jakinaraziko dio bankuak, transferentzia bidezko iruzurrak errotik mozteko.
Estatuan, EAEn sortu dira abuztuan enpresa berri gehien, % 24,1eko hazkundearekin
Guztira, 201 enpresa sortu dira Euskal Autonomia Erkidegoan, eta 9,7 milioi euroko kapitala izenpetu dute. Sozietate mugatu gisa sortu dira guztiak.
SAPA Transmission konpainia gipuzkoarrak AEBko Armadaren ibilgailu blindatuen transmisio sistema egingo du
2025-2030 Plan Estrategikoaren arabera, konpainiak partaidetza handia izango du kontratuetan, eta 7.000 unitate egingo ditu datozen urteetan.
Gaur amaituko da Sabadelleko akziodunek BBVAren eskaintza onartu ala ez erabakitzeko epea
Epea amaitu baino ordu batzuk lehenago, Cesar Gonzalez Bueno Banco Sabadelleko kontseilari delegatuak ziurtatu du BBVAk eman dituen datuak "boluntaristak" direla. BBVAren esanetan, Sabadelleko akzioen % 50 trukatu dituzte, baina Sabadellek esan du ez direla % 30era heldu.
"Iaz, azoka egin eta hilabetera, enpresen % 35ek esan ziguten kontratazioak edo elkarrizketak izaten ari zirela"
Donostian, Enplegu Azoka egiten ari dira, Gipuzkoako Merkataritza Ganberaren eskutik. Gipuzkoako Ganberako Ezagutzaren Kudeaketa Arloko zuzendari Ana Ugalderen hitzetan, azoka aukera "zoragarria" da langabetuentzat zein ibilbide profesionala aldatu nahi dutenentzat, eta azokan bertan lana topatzeko aukerak daudela erantsi du.
LABek eta Steilasek egun osoko lanuzteari eutsi diote urriaren 15ean, Gazako genozidioa salatzeko
Gasteizen agerraldia egin dute LAB eta Steilas sindikatuetako ordezkariek, urriaren 15ean Hezkuntzan deituta duten egun osoko lanuzteari eusten diotela azaltzeko. Hezkuntzako komunitatea osatzen duten kide guztiei dei egin diete herri eta hirietan egingo diren mobilizazioetan parte hartu eta Palestinari babesa adierazteko. EAEko hiru hiriburuetan 12:30ean egingo dira manifestazioak.
Oronak lantegi berri bat eraikitzeko 60 milioi euroko inbertsioa egingo du Hernaniko lurretan
Orona enpresak 60.000 metro koadroko lur-eremua erosi duela iragarri du, igogailuen sektorean ariko diren 150 lanpostu sortzeko helburuz.
Ryanairrek txalotu egin du eskuko ekipajearen espedientea, eta Kontsumok “airelineak defendatzea” leporatu dio EBri
Europako Batzordeak zalantzan jarri ditu Espainiako Gobernuak kostu txikiko hegaldien bost konpainiari ezarritako 179 milioiko zigorrak; kontsumitzaileek eta Bustinduy ministroak, berriz, Bruselaren “menpekotasuna” salatu dute aireko sektorearen presioen aurrean.