Bizkaiko metaleko patronala erakusten ari den jarrerak ezinezko egiten du akordioak lortzea, Aranbururen ustez
Garbiñe Aranburu LAB sindikatuko koordinatzaile nagusia elkarrizketatu dute gaur goizean Euskadi Irratiko "Faktoria" saioan, eta beste gai askoren artean zabalik dauden negoziazio eta lan gatazkak hizpide izan ditu. Bizkaiko metalgintza sektorean, greba egunak deitu dituzte hurrengo bi asteetan. Garbiñe Aranbururen iritziz, patronalaren esku dago lanuzte horiek ez egitea, baina gaur-gaurkoz patronala erakusten ari den jarrerak ezinezko egiten du akordioak lortzea. Soldata igoera omen da blokeoaren arrazoietako bat, baina ez bakarra, eta malgutasuna eta baja osagarriak ere aipatu ditu. "Akordio duin bat borrokatu egin behar da, eta horretan gaude", azaldu du.
Arabako metalgintzan lorturiko akordioak interpretazio ezberdinak izan ditu. LABen arabera, Arabako metalarena borroka historikoa izan da, emaitza historikoa utzi du, eta langileen erosahalmena bermatu da. ELAren aburuz, ordea, Arabako metalgintzako langile gehienei ez zaie soldata igoerarik ezarriko. Testuinguru horretan, gezurretan aritzea egotzi dio Garbiñe Aranburuk ELAri: "Gezurretara jo behar izan du bere jarrera justifikatzeko". Langileen artean errealitate oso ezberdinak daudela onartu arren, horientzat guztientzat sektore hitzarmen bat egotea aurrerapauso bat dela azpimarratu du "soldataz gain beste hainbat kontu ere arautzen dituelako".
Bateko eta besteko gobernuak aurrekontu proiektuak aurkezten ari diren honetan, politika publikoen norabide aldaketa bat aldarrikatu du Garbiñe Aranburuk. "Egoerak eskatzen du politika publikoen norabide aldaketa bat, aldaketa estruktural bat, eta gaur-gaurkoz, partzialki hartzen ari diren neurriekin hori faltan somatzen dugu". Halaber, zerga erreformaren eztabaida irekitzea eskatzen du, besteak beste, diru sarrerak handitu ahal izateko.
Nafarroako Gobernuak datorren urterako aurrekontu proiektua onartu eta biharamunean, Garbiñe Aranburuk uste du motz geratzen dela 32.000 eurotik beherako diru sarrerak dituztenentzat erabakitako jaitsiera. "Ez dago progresibitaterik zerga politikan, eta ordaintzen diren 100 eurotatik 75 langile errentek ordaintzen dute; hor jarri behar da arreta. Erreforma bat beharrezkoa da, eta hori egiten ez den bitartean, horrelako neurriak norabide onean joan arren, motz gelditzen diren neurriak izango dira", gaineratu du.
Zure interesekoa izan daiteke
CAFek lortu egin du "mendeko kontratua": 1.700 milioi euro Belgikan trenak egiteko
Beasainen egoitza duen konpainiak kontratu horren inguruko ziurgabetasunarekin amaitu du; izan ere, polemika handia piztu zen han, Alstom enpresa frantziarrak dagoeneko hainbat lantegi baititu Belgikan, eta enpresa horrek kontratua ez lortzea kritikatu zuten.
Balenciaga ontziolako langileek atzera bota dute Abu Dhabi Ports talde arabiarraren azken eskaintza
Pasa den azaroaren 30ean, Balenciaga ontziolak salerosketa akordioa sinatu zuen aipaturiko inbertsio talde arabiarrarekin, 11,2 milioi euroren truke. Salerosketa ixteko, ordea, ezinbesteko baldintza da langileekin akordioa lortzea. Antza denez, langileen erosahalmena bermatuko luketen soldatak dira akordiorako korapilo nagusia.
Talgoren erosketaren ondoren, partzuergoko kideek Rivabellosako fabrika bisitatuko dute
Imanol Pradales lehendakaria eta Jose Antonio Jainaga enpresaria buru zirela, akziodun berriek Talgo enpresak Rivabellosan dituen instalazioak bisitatu dituzte. Denek uste dute operazioa funtsezkoa izan dela enpresaren jarduera eta enplegua sendotzeko, eta etorkizun oparoa iragartzen diote tren-enpresari.
Petronorreko greba bertan behera, enpresak bide judizialari uko egin ostean
Sindikatuek bertan behera utzi dute greba mugagabea, zuzendaritzarekin adostuta, 83 eguneko lanuztearen ondoren.
Europa osoko nekazariek Brusela hartu dute politika bateratuaren eta Mercosurrekiko akordioaren aurka protesta egiteko
Lehen ordutik, milaka traktorek eta nekazarik hiriko auzo europarra blokeatu dute, Europar Batasuneko erakundeen politiken aurka protesta egiteko. Poliziarekin ere istiluak izan dira. Europako nekazaritza-sektorea kontuan hartzeko eta kalterik ez egiteko eskatu dute.
EAEko ekonomiaren hazkundea % 2,1ekoa izango da datorren urtean, Confebasken arabera
Confebaskek aurreikusten du BPGa % 2,1 haziko dela 2026an Euskal Autonomia Erkidegoan, nahiz eta egun dauden "arriskuek" % 1,7 eta % 2,6 arteko tartean egotea eragin dezaketen. Inbertsioan eta enpleguan dinamismo txikiagoa izatea espero du Confebaskek.
Bizumen gaineko kontrol gehiago izango dira 2026an, baina profesionalei eta enpresaburuei eragingo die soilik
Zerga Agentziak ordainketa digitalei buruz jasotzen duen informazioa indartuko du 2026tik aurrera, Bizumekin egindako eragiketak barne, baina neurria jarduera ekonomikora mugatuko da eta ez du eraginik izango partikularren arteko trukeetan.
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarriz gero, haragiaren prezioan eragina izango duelakoan. Alabaina, kasu bakar bat agertuko balitz, etxaldeko abelburu guztiak sakrifikatzea eragingo luke.
Medikuen sindikatuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio gehiago egingo dituztela iragarri dute.
?fmt=webp-alpha&qlt=80)
Nekazarien protestek jarraitzen dute Ipar Euskal Herrian eta Frantzia osoan, dermatosi nodularraren auzia nola kudeatu den eta Mercosurren ituna salatzeko
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.