EAEko langabezia-tasa % 7,9ra jaitsi da hirugarren hiruhilekoan
Langabezia-tasa % 7,9ra jaitsi da Euskal Autonomia Erkidegoan (EAE) hirugarren hiruhilekoan, 2022ko bigarren hiruhilekoan baino ehuneko 6 hamarren gutxiago. Azken urtean, langabezia-tasa 2021eko hirugarren hiruhilekoko % 8,8tik 2022ko hirugarren hiruhilekoko % 7,9ra jaitsi da, ehuneko 0,9 puntu gutxiago.
Langabeen kopurua 82.400 dela zenbatetsi da hiruhileko honetan, eta okupatuen kopurua 967.200 da, 2022ko bigarren hiruhilekoan baino % 0,4 gehiago. Azken urtean, 19.600 landun gehiago izan dira, eta 9.500 langabe gutxiago.
EAEko lan-merkatuaren 2022ko hirugarren hiruhilekoko datuen arabera, aurreko hiruhilekoan baino 4.100 landun gehiago eta 6.800 langabe gutxiago daude, Eustaten datuen arabera.
Biztanleria landunaren eta langabearen bilakaeraren ondorioz, jarduera-tasa % 56,2koa da hirugarren hiruhilekoan, aurrekoan baino bi hamarren gutxiago.
Lurraldez lurralde aztertuta, aurreko hiruhilekoaren aldean, Bizkaian, okupazioa 4.800 pertsonatan igo da; Gipuzkoan, 200 pertsonatan eta Araban, 800 pertsonatan. Hiriburuei dagokienez, Bilbon, okupazioa 5.000 pertsonatan igo da; Donostian, aldiz, 300 pertsonatan jaitsi da eta Gasteizen 1.200 pertsonatan.
Okupazioaren hazkunderik handiena gizonen artean gertatu da (+2.100), eta emakumeen artean, igoera 2.000koa izan da. Nazionalitateari dagokionez, atzerriko nazionalitatea duten okupatuak 4.700 gehiago izan dira (% +5,8); Espainiako nazionalitatea dutenak, berriz, 500 gutxiago izan dira (% -0,1).
Okupazioak gora egin du sektore guztietan
Euskadiko biztanleria landuna 1.800 pertsonatan handitu da lehen sektorean (% +24,3); 900 pertsonatan, industrian (% +0,5); 800 pertsonatan, zerbitzuetan (% +0,1) eta 700 pertsonatan, eraikuntzan (% +1,2).
Okupazio-tasa, 16 eta 64 urte bitarteko landunen ehunekoa adin horien guztizkoaren gainean kalkulatuta, % 0,2 puntu igo da aurreko hiruhilekoaren aldean, eta % 69,9koa izan da. Tasa hori % 73,3koa da gizonen artean, eta % 66,6koa, emakumeen artean.
Albiste gehiago ekonomia
Euskadiko etxebizitza berrien prezioa, maximo historikoetan: 3.450 euro metro koadroko
Nafarroa aurretik (% 6,4) dago etxebizitza berrien prezioaren urtebeteko igoerari erreparatuta. Hiriburuei banan-banan begiratuta, batez besteko preziorik altuena Donostian dago, gero, Bilbon, eta azkenik, Gasteizen.
Iazko datuekin alderatuta, 3.074 langabe gutxiago zenbatu dira Euskadin uztailean, eta 78.743 kontratu sinatu dira
Ekainean baino 1.600 langabe gehiago daude, 104.991 guztira. Nafarroan duela urtebete baino 801 langabe gutxiago zenbatu dira, eta Espainiako Estatuan, oro har, 1.357 langabe gutxiago daude, eta 21.865.503 kotizatzailera iritsi dira. Kotizatzaile-kopuruaren gaineko datua maximo historikoa da.
Kutxabank, Espainiako bankurik kaudimendunena Europako Banku Zentralaren arabera
Erakundeak aise gainditzen du Europako batezbestekoa erresistentzia-testetan, eta Espainiako finantza-sektoreko kapital- eta palanka-adierazle nagusien buru da.
Ardo-ekoizleek AEBko muga-zergen eragin handiaz ohartarazi dute: "Ardoa % 50 garestituko da"
Mariasun Saenz de Samaniegok (Ostatu) Europako ardoaren garestitzeaz ohartarazi du, eta merkatu berriak bilatzeko deia egin du, Estatu Batuetan salmentak galduko direlako.
BBVAk 5.447 milioi euro irabazi ditu ekainera arte, % 9,1 gehiago, Espainian eta Mexikon izandako negozioari esker
Entitateak merkatuaren aurreikuspenak gainditzeaz gain, datozen urteetarako aurreikuspenak hobetu ditu, Sabadell erosteko eskaintza publikoaren harpidetza irekitzeko atzerako kontaketa bete-betean murgilduta dagoela. Hala ere, erakundeak ez du baieztatzen abiaraziko dutenik eta atzera egiteko aukera zabalik uzten du.
Bruselak baieztatu du ardoak AEBn % 15eko muga-zerga izango duela ostiraletik aurrera
Arabako Errioxarentzat, Ameriketako Estatu Batuak oso garrantzitsuak dira, bigarren merkatua baita bolumenari dagokionez eta lehena balioari dagokionez. Horregatik, Amaia Barredo Nekazaritza sailburuak "bide diplomatikoa eta negoziazioa azken minutura arte agortzea" eskatu du, ardoa salbuespena izan dadin.
ArcelorMittalen mozkinak % 80 handitu dira mundu mailan, 2.268 milioi euroraino
Sestaon, Basaurin, Legution, Agurainen, Olaberrian, Bergaran, Berriobeitin, Legasan eta Lesakan fabrikak dituen taldeak 2025eko bigarren hiruhilekoari dagokion txostena argitaratu du.
Gorenak arrazoia eman dio Bizkaiko Ogasunari BEZaren auzian, eta Euskadik 700 milioi euro berreskuratuko ditu
Gorenak eman berri du Coca-Cola enpresaren BEZa dela eta Foru Ogasunak eta Estatukoak zuten desadostasunari buruzko epaia. Horrelako kasuetan BEZa nork bildu behar duen zegoen auzibidean, eta ebatzi du Bizkaiak egin behar duela.
Elkarretaratzea egingo dute ostegunean Gasteizko Mercedesen, bederatzi orduko lanaldien aurka
Enpresak bederatzi orduko bi lanaldi ezarri zituen martxoan. CCOOk salatu duenez, eredu horrek "kontziliazioa eta atsedena erabat bazter uzten ditu".
Gehiengo sindikalak 100.000 sinaduratik gora bildu ditu gutxiengo soldata propioaren alde, eta abuztuan eramango ditu Legebiltzarrera
ELA, LAB, ESK, Steilas, Hiru eta Etxalde sindikatuek "arrakasta ikaragarritzat" jo dute kanpaina, eta ezarritako epea agortu baino itxi dute lehen sinadura-bilketa, "Eusko Legebiltzarrak gutxiengo soldataren eskumena lehenbailehen eska dezan".