Next Generation funtsetatik jasotako 972 milioi euro kudeatzean ari da Eusko Jaurlaritza
Euskal Autonomia Erkidegoak (EAE), oraingoz, 1.154 milioi eskuratu ditu Europatik etorritako Next Generation funtsetatik, eta horietatik gehiena (ia % 85), 972 milioi, Jaurlaritza ari da kudeatzen —gainerako % 15,8 Estatuaren esku dago, eta hark kudeatzen du—.
Horrela iragarri du Pedro Azpiazu Eusko Jaurlaritzako Ekonomia eta Ogasun sailburuak Legebiltzarreko Ekonomia, Ogasun eta Aurrekontu Batzordean. Funtsen inguruko azken argibideak ekainean eman zituen Azpiazuk, eta ordutik, hazi egin da jasotako diru kopurua.
Nolanahi ere, sailburuak esan du Jaurlaritzak kudeatu beharreko ekimenen % 20 garatzeko "zailtasunak" izaten ari direla Espainiako Gobernuak egin dituen "diseinu akatsengatik". Besteak beste, oraindik onartzeke dauden Ekonomia Berreskuratzeko eta Eraldatzeko Proiektu Estrategikoei (PERTE, gazteleraz) bide emateko galdegin dio Sanchezen gobernuari, batez ere auto elektrikoari dagozkionak. Gainera, dagoeneko onartuta dauden proiektuen dirua "lehenbailehen mobilizatzeko" eskatu du.
"Next Generation funtsak aukeratzat hartu ditugu beti, eta are gehiago, gerra batek bidegurutze berri batean jarri gaituen garai honetan", azpimarratu du sailburuak.
Argitu duenez, funts horiek sailen artean banatzeko orduan, Iñaki Arriolak zuzendutakoak (Lurralde Antolaketa, Etxebizitza eta Garraioa) eta Arantxa Tapiak buru duenak (Ekonomiaren Garapena, Jasangarritasuna eta Ingurumena) % 25,24 eta % 24,22 eskuratu dituzte —bigarren horrek % 49,46 du metatua—.
Halaber, datuak emateaz gain, Azpiazuk iragarri du adimen artifizialari eta zibersegurtasunari lotutako bi proiektu aurkeztuko dituela RETECH ekimenean. Guztira, 32,6 milioiko balioa izango dute. RETECH ekimenaren helburua da eraldaketa eta espezializazio digitalera bideratutako eskualde-proiektuak egituratzea.
Oposizioa, kritiko, datuak aztertzeko duen denbora urriarekin
Gainerako taldeen txandan, Elkarrekin Podemos eta EH Bildu kritiko azaldu dira Ekonomia eta Ogasun Sailak datuak azken unean jakinarazi dituelako eta, ondorioz, taldeek ez dutelako denborarik izan ondo aztertu eta ekarpena egiteko. "Begirune falta da", esan du EH Bilduko legebiltzarkideak. Bestalde, Eusko Jaurlaritza babesten duten taldeek Azpiazuren sailak egindako "lan ona" goraipatu dute.
Albiste gehiago ekonomia
Espainiako Gobernuak baztertu du aireportuen kudeaketa osorik Euskadira transferitzea
Diario Vasco egunkariak argitaratu duenez, Eusko Jaurlaritzak erabaki estrategikoetan iritzia eman ahal izatea proposatu du Espainiako Gobernuak, baina eskualdatzea osorik egitea baztertu du, Estatuaren eskumen esklusiboa delako.
Azkoitiko Juaristi eta Aitek enpresetako langileek bizi duten "egoera jasanezina" salatu dute
Orain urtebete inguru lehertu zen lan-gatazkaren berri emateko, agerraldia egin dute bi enpresetako langileek. Uste dute zuzendaritzak "ezkutuko itxiera plan bat" duela. 130 lanpostu eta hainbat familia "arriskuan" daudela salatu dute.
Lodosako Karey Solanok konkurtsoa egingo du, eta lantegia itxi eta 36 beharginak kaleratuko ditu
Langile gehienak oso aspaldi hasi ziren lanean, eta batez beste 50 urtetik gorakoak dira. CCOOk salatu du oraindik ez dutela abuztuko nomina jaso.
Ostiralean sei hilabete beteko dira Gasteizko lorezainek grebari ekin ziotenetik, eta manifestazioa deitu dute egun horretarako
Gaur goizean Gasteizen egindako prentsaurreko batean, Enviser enpresako langileek "borrokarekin jarraitzeko" asmoa agertu dute, "soldata duinak lortu arte". Gainera, langileak akordiorako prest agertu dira, baina hori lortzeko "Gasteizko Udalaren benetako inplikazioa" beharrezkoa dela uste dute.
Zeintzuk dira BBVAren eskaintza berriaren gakoak?
Josu Ferreiro EHUko irakasleak Radio Euskadin egin duen elkarrizketa batean adierazi duenez, erakundeak Kataluniako bankuko akziodunen zati handi batek eskatzen zuenera egokitu du bere proposamena, lehen eskaintzari uko egin baitzioten, nahikoa ez zelakoan. Ferreirok zehaztu duenez, BBVAk ez du eskudirutan ordainduko, akzio propioetan baizik, eta horrek abantaila fiskala dakarkie akziodunei, zergak gutxiago ordaintzea dakarrelako. Mugimendu horrekin, Carlos Torres Vila buru duen bankuak Sabadellen akzioen merkatuko balioa berdindu du, eta horrek opak aurrera egiteko aukerak areagotu ditu, nahiz eta BBVAri berari kostu handiagoa ekarri. Hobekuntza berri bat egon litekeen galdetuta, ekonomialariak uste du zaila dela: "BBVAk argudiatu zuen Sabadellen akzioak gainbaloratuta zeudela. Orain, alde hori desagertu egin da. Beste eskaintza bat baztertu beharko litzateke, hau izango litzateke azkena", adierazi du. Elkarrizketa Boulevard saioan entzun daiteke, GUAUn, 02:50: 00etatik aurrera (jatorrizkoa, gaztelaniaz).
2026an jarriko da martxan Petronorren eta OCO Technologyren agregakin sintetikoen planta, Bilboko Portuan
Proiektua 2024an hasi zen eraikitzen, eta Europa kontinentalean agregakin sintetikoak fabrikatuko dituen lehen lantegi industriala izango da. Agregakin horiek CO2 gasa harrapatzen dute, bai ekoizpen prozesuan zehar, baita horien bizitza baliagarrian ere.
BBVAk % 10 igo du Sabadell bankua eskuratzeko eskaintza
Carlos Torres BBVAren presidenteak azpimarratu duenez, hobekuntza eginda "aparteko eskaintza" jarri dute Banco Sabadellen akziodunen esku, "balorazio eta prezio historikoarekin, eta bi bankuen batasunarekin sortutako aukera apartan parte hartzeko aukerarekin". Sabadellek, bere aldetik, erantzun du azken eskaintza "jatorrizkoa baino okerragoa" dela.
Maderas de Llodio, greba mugagabean
Langileen batzordeak salatu du enpresak produkzioaren % 40 beste lantegi batzuetara eramateko asmoa duela, eta deslokalizazioak Laudioko eta eskualdeko "lantegiaren etorkizuna arriskuan jartzen" duela.
Multiverse Computingek % 30 handituko du bere lantaldea Donostian
Software kuantikoan eta adimen artifizialean espezializatutako enpresa donostiarrak datorren urtean 60 pertsona kontratatzea aurreikusten du. 4 langile zituztela abiatu zuten konpainia 2019an, eta 260 izango dira laster.
Pentsiodunak Euskadiko hiriburuetan manifestatu dira gutxieneko pentsioak LGSarekin parekatzea eskatzeko
Ehunka pertsonak bat egin dute Gasteizen eta Donostian Euskal Herriko Pentsiodunen Mugimenduak deitutako manifestazioekin; hain zuzen ere, osteguneko Legebiltzarreko bozketan presioa egiteko, gutxieneko pentsioak Lanbide arteko Gutxieneko Soldatarekin (LGS) parekatzea eskatzeko.