Urrian 64 langabe gehiago zenbatu dituzte EAEn, eta 87 gehiago, Nafarroan
Irailean baino 64 langabe gehiago (% 0,06) zenbatu dituzte Euskal Autonomia Erkidegoan urrian, eta guztira 111.744 langabe daude Lanbide Euskal Enplegu Zerbitzu Publikoan izena emanda.
Iazko urriko datuarekin alderatuta, 6.685 langabe gutxiago daude EAEn, Eusko Jaurlaritzako Lan eta Enplegu Sailak gaur zabaldutako datuen arabera.
Espainiako Lan eta Gizarte Segurantza Ministerioak gaur jakinarazi duenez, Nafarroan aurreko hilabetean baino 87 langabe gehiago daude (% 0,28), eta guztira 31.275 pertsona daude lanik gabe, iazko hilabete berean baino 853 (% 2,66) gutxiago.
Espainiako Estatuan, guztira, 27.027 langabe gutxiago daude, abuztuan baino % 0,9 gutxiago. Hilabete honetan inoiz izandako beherakadarik handiena da, batez ere, zerbitzu eta nekazaritza sektoreek bultzatuta.
Kontratazioa
Kontratazioari dagokionez, azken hilabeteetako joerari eutsi zaio EAEn, eta kontratazio mugagabea nabarmendu da, sinatutako kontratu guztien % 30,4 izan baitira. Orotara, 73.419 kontratu berri sinatu dira, horietatik 22.322, mugagabeak. 2021. urtearen amaieran, oraindik lan erreforma indarrean ez zegoenean, kontratuen % 9,3 ziren mugagabeak.
Nafarroan, 28.573 kontratu berri sinatu dira, horietatik 7.495, mugagabeak.
Gizarte Segurantzako afiliazioak marka berria ezarri du
Gizarte Segurantzan afiliatutako pertsonen kopurua % 1,41 (13.801 afiliatu) hazi da urrian Euskal Autonomia Erkidegoan, Espainiako Lan eta Gizarte Segurantza Ministerioak argitaratutako datuen arabera. Guztira, 989.690 pertsonak kotizatzen dute Gizarte Segurantzan, inoizko daturik onena. Iazko urriarekin alderatuta, 15.967 gehiago (% 1,64) dira.
Nafarroan ere, inoiz baino pertsona gehiago daude Gizarte Segurantzan izena emanda: 302.192. Azken hilabetean, 1.993 afiliatu irabazi ditu Gizarte Segurantzak (% 0,66).
Eusko Jaurlaritzaren eta Nafarroako Gobernuaren balorazioa
Alfonso Gurpegui Eusko Jaurlaritzako Enplegu eta Gizarteratzeko sailburuordeak nabarmendu duenez, ekonomiari eragiten dioten mehatxuek ez dute oraingoz islarik izan enpleguaren bilakaeran. Horren esanetan, Euskadiko ehun produktibo "sendoak" ez du enplegua suntsitzen, eta gainera, sortu egiten du, "Gizarte Segurantzaren afiliazioan inoiz ikusi ez diren zifrekin".
Gurpeguik azpimarratu duenez, kontratu berrien % 30,4 mugagabeak izan dira, "datu garrantzitsua, egonkortasunari eta, beraz, enpleguaren kalitateari zuzenean eragiten diona".
Gizarte Segurantzako afiliazio datuak urrian gora egin ohi du, eta aurten ere, horrela gertatu da. "Garrantzitsuena da Euskadin afiliazio gehien duen urria ez ezik, maximo historikoa ere ezarri dela berriro, eta historian inoiz ez dela hainbeste euskaldun egon lanean, kotizatzen eta eskubideekin", gehitu du.
Carmen Maeztu Nafarroako Gobernuko Eskubide Sozialetako kontseilariaren iritziz, urriko datuak "positiboak" dira; izan ere, langabeziak apur bat gora egin duen arren, afiliazioa maximo historikora iritsi da. "Ziurgabetasun eta ezegonkortasun handiko une batean gaude oraindik, baina, oraingoz, enpleguak modu egonkorrean hazten jarraitzen du", amaitu du.
Albiste gehiago ekonomia
Euskadik 3.074 langabe gutxiago zenbatu ditu iazko uztailarekin alderatuta, eta 78.743 kontratu berri sinatu dira
Ekainean baino 1.600 langabe gehiago daude, 104.991 guztira. Nafarroan duela urtebete baino 801 langabe gutxiago zenbatu dira, eta Espainiako Estatuan, oro har, 1.357 langabe gutxiago daude eta 21.865.503 kotizatzailera iritsi dira, maximo historiko berri bat.
Kutxabank, Espainiako bankurik kaudimendunena Europako Banku Zentralaren arabera
Erakundeak aise gainditzen du Europako batezbestekoa erresistentzia-testetan, eta Espainiako finantza-sektoreko kapital- eta palanka-adierazle nagusien buru da.
Ardo-ekoizleek AEBko muga-zergen eragin handiaz ohartarazi dute: "Ardoa % 50 garestituko da"
Mariasun Saenz de Samaniegok (Ostatu) Europako ardoaren garestitzeaz ohartarazi du, eta merkatu berriak bilatzeko deia egin du, Estatu Batuetan salmentak galduko direlako.
BBVAk 5.447 milioi euro irabazi ditu ekainera arte, % 9,1 gehiago, Espainian eta Mexikon izandako negozioari esker
Entitateak merkatuaren aurreikuspenak gainditzeaz gain, datozen urteetarako aurreikuspenak hobetu ditu, Sabadell erosteko eskaintza publikoaren harpidetza irekitzeko atzerako kontaketa bete-betean murgilduta dagoela. Hala ere, erakundeak ez du baieztatzen abiaraziko dutenik eta atzera egiteko aukera zabalik uzten du.
Bruselak baieztatu du ardoak AEBn % 15eko muga-zerga izango duela ostiraletik aurrera
Arabako Errioxarentzat, Ameriketako Estatu Batuak oso garrantzitsuak dira, bigarren merkatua baita bolumenari dagokionez eta lehena balioari dagokionez. Horregatik, Amaia Barredo Nekazaritza sailburuak "bide diplomatikoa eta negoziazioa azken minutura arte agortzea" eskatu du, ardoa salbuespena izan dadin.
ArcelorMittalen mozkinak % 80 handitu dira mundu mailan, 2.268 milioi euroraino
Sestaon, Basaurin, Legution, Agurainen, Olaberrian, Bergaran, Berriobeitin, Legasan eta Lesakan fabrikak dituen taldeak 2025eko bigarren hiruhilekoari dagokion txostena argitaratu du.
Gorenak arrazoia eman dio Bizkaiko Ogasunari BEZaren auzian, eta Euskadik 700 milioi euro berreskuratuko ditu
Gorenak eman berri du Coca-Cola enpresaren BEZa dela eta Foru Ogasunak eta Estatukoak zuten desadostasunari buruzko epaia. Horrelako kasuetan BEZa nork bildu behar duen zegoen auzibidean, eta ebatzi du Bizkaiak egin behar duela.
Elkarretaratzea egingo dute ostegunean Gasteizko Mercedesen, bederatzi orduko lanaldien aurka
Enpresak bederatzi orduko bi lanaldi ezarri zituen martxoan. CCOOk salatu duenez, eredu horrek "kontziliazioa eta atsedena erabat bazter uzten ditu".
Gehiengo sindikalak 100.000 sinaduratik gora bildu ditu gutxiengo soldata propioaren alde, eta abuztuan eramango ditu Legebiltzarrera
ELA, LAB, ESK, Steilas, Hiru eta Etxalde sindikatuek "arrakasta ikaragarritzat" jo dute kanpaina, eta ezarritako epea agortu baino itxi dute lehen sinadura-bilketa, "Eusko Legebiltzarrak gutxiengo soldataren eskumena lehenbailehen eska dezan".
Zuiako bizilagunek mila alegazio aurkeztu dituzte Solariaren proiektuen aurka
Aurkeztutako argudioen arabera, eraiki nahi diren parke fotovoltaikoak "mehatxu larria dira natura-ingurunearentzat, gizarte-ehunarentzat eta tokiko ekonomiarentzat".