Bilbok 663,5 milioi euroko aurrekontua izango du 2023rako, marka guztiak onduta
Juan Mari Aburto Bilboko alkateak datorren urterako udal aurrekontuen proiektua aurkeztu du gaur. Beste urte batez, inoizko handienak izango dira kontuak, zehazki, 663,5 milioi euro izango ditu Udalak, 2022an baino % 4,8 gehiago (30,3 milioi gehiago).
Aurkezpenean alkateak nabarmendu duenez, prestatutakoa "aurrekontu ona da, arduratsua eta errealista, izaera sozialekoa eta zerbitzu publikokoa, Bilbo erakargarri, inklusibo eta jasangarri bat eraikitzeko".
Bilboko Udalak 386 milioi euro jasoko ditu udalak finantzatzeko Bizkaiko Foru Aldundiaren Udalkutxa foru funtsetik, diru sarrera guztien hamar eurotik sei, hain zuzen ere. Foru Aldundiaren zerga bilketa inoizko handiena izan da, eta horrek eragin zuzena izan du udalen kutxetan ere. Gainerako zenbatekoa udal zerga eta tasetatik (% 31,2), eta beste sarrera batzuetatik (% 10) lortuko du.
Aburtok ez du zorpetu nahi, eta horregatik, 26,9 milioi euroko kreditu bat aurreikusi du, udal gerakinekin soilik ordainduko dena.
Gastuen atalean, oinarrizko zerbitzu publikoen diru partidak gora egin du (saneamendua, argia, zaborrak, etab.) 299 milioitik 314 milioiraino. Udalaren inbertsio publikoa 117 milioi eurokoa izango da (114,9 milioi, iaz) eta auzoetako inbertsioa, ostera, 53 milioi eurokoa (50 milioi euro, iaz). 184 milioi euro langileen soldatak ordaintzeko izango dira.
Bilboko Udalak datorren urterako proiekturik nabarmenenak aletu ditu, besteak beste, auzoetako obrak (tartean, 13 milioi pasatxoko aurrekontua izango duen Auzokide Plana), goiko auzoetako igogailu edo eskailera mekanikoak (ia 7 milioiko partida), Deustuko Ibarrean uholde arriskua saihesteko edo Zorrotzaurre uhartearen proiektua garatzeko lanak.
Aurreikuspenen arabera, abenduaren 28ko osoko bilkuran onartuko dituzte kontuak (horretarako gehiengoa dute EAJk eta PSE-EEk).
Albiste gehiago ekonomia
Kutxabank, Espainiako bankurik kaudimendunena Europako Banku Zentralaren arabera
Erakundeak aise gainditzen du Europako batezbestekoa erresistentzia-testetan, eta Espainiako finantza-sektoreko kapital- eta palanka-adierazle nagusien buru da.
Ardo-ekoizleek AEBko muga-zergen eragin handiaz ohartarazi dute: "Ardoa % 50 garestituko da"
Mariasun Saenz de Samaniegok (Ostatu) Europako ardoaren garestitzeaz ohartarazi du, eta merkatu berriak bilatzeko deia egin du, Estatu Batuetan salmentak galduko direlako.
BBVAk 5.447 milioi euro irabazi ditu ekainera arte, % 9,1 gehiago, Espainian eta Mexikon izandako negozioari esker
Entitateak merkatuaren aurreikuspenak gainditzeaz gain, datozen urteetarako aurreikuspenak hobetu ditu, Sabadell erosteko eskaintza publikoaren harpidetza irekitzeko atzerako kontaketa bete-betean murgilduta dagoela. Hala ere, erakundeak ez du baieztatzen abiaraziko dutenik eta atzera egiteko aukera zabalik uzten du.
Bruselak baieztatu du ardoak AEBn % 15eko muga-zerga izango duela ostiraletik aurrera
Arabako Errioxarentzat, Ameriketako Estatu Batuak oso garrantzitsuak dira, bigarren merkatua baita bolumenari dagokionez eta lehena balioari dagokionez. Horregatik, Amaia Barredo Nekazaritza sailburuak "bide diplomatikoa eta negoziazioa azken minutura arte agortzea" eskatu du, ardoa salbuespena izan dadin.
ArcelorMittalen mozkinak % 80 handitu dira mundu mailan, 2.268 milioi euroraino
Sestaon, Basaurin, Legution, Agurainen, Olaberrian, Bergaran, Berriobeitin, Legasan eta Lesakan fabrikak dituen taldeak 2025eko bigarren hiruhilekoari dagokion txostena argitaratu du.
Gorenak arrazoia eman dio Bizkaiko Ogasunari BEZaren auzian, eta Euskadik 700 milioi euro berreskuratuko ditu
Gorenak eman berri du Coca-Cola enpresaren BEZa dela eta Foru Ogasunak eta Estatukoak zuten desadostasunari buruzko epaia. Horrelako kasuetan BEZa nork bildu behar duen zegoen auzibidean, eta ebatzi du Bizkaiak egin behar duela.
Elkarretaratzea egingo dute ostegunean Gasteizko Mercedesen, bederatzi orduko lanaldien aurka
Enpresak bederatzi orduko bi lanaldi ezarri zituen martxoan. CCOOk salatu duenez, eredu horrek "kontziliazioa eta atsedena erabat bazter uzten ditu".
Gehiengo sindikalak 100.000 sinaduratik gora bildu ditu gutxiengo soldata propioaren alde, eta abuztuan eramango ditu Legebiltzarrera
ELA, LAB, ESK, Steilas, Hiru eta Etxalde sindikatuek "arrakasta ikaragarritzat" jo dute kanpaina, eta ezarritako epea agortu baino itxi dute lehen sinadura-bilketa, "Eusko Legebiltzarrak gutxiengo soldataren eskumena lehenbailehen eska dezan".
Zuiako bizilagunek mila alegazio aurkeztu dituzte Solariaren proiektuen aurka
Aurkeztutako argudioen arabera, eraiki nahi diren parke fotovoltaikoak "mehatxu larria dira natura-ingurunearentzat, gizarte-ehunarentzat eta tokiko ekonomiarentzat".
Gasteizko lorezainek grebari eutsiko diote, azken bilera akordiorik gabe amaitu baita
ELA, LAB eta ESK sindikatuek "ulertezintzat" jo dute Udalak Enviserren "kontratua ez etetea" eta lan-baldintzen hobekuntzei "mugak jartzea".