Arroyok ELAri egotzi dio "bere zilborrari begira" egotea eta "egoerak eskatzen duen ardura" ez izatea
LABen eta ELAren arteko batasun sindikala gaur gaurkoz ia ezinezko ikusten du Igor Arroyo LABeko koordinatzaile nagusiak, eta horren arrazoia ELAren estrategian kokatzen du. Haren hitzetan, "bere zilborrari begira" eta "bere interes korporatiboen defentsan" ari da Mitxel Lakuntzak zuzentzen duen sindikatua, eta ondorioz, ez da erakusten ari "egoerak eskatzen duen ardura". Aldiz, ziurtatu du LABek langilegoaren eskubideen defentsa bere lan lerroen erdigunean jarri duela.
Halere, azaldu du, maila nazionalean elkarlan zabalik ez badago ere, tokian tokiko enpresa txikietan bi sindikatu abertzaleok "itun asko" ixten ari direla, eta horien balioa nabarmendu du.
Radio Euskadiko "Boulevard" saioan egindako elkarrizketan, bestalde, gaur kaleratu diren urriko langabezia datuak izan ditu hizpide Arroyok, eta uste du datuok ez dutela langileen "egoera prekarioa" islatzen. Gogorarazi duenez, Euskal Herriko langileen ia erdiaren lan baldintzak ez dira duinak.
Agertoki horren aurrean, LABeko arduradunak esan du mobilizazioen bideari eutsi behar zaiola, eta euskal langileria "oso motibatuta" somatzen du borrokarako. Aspaldiko urteotako "mobilizazio ziklo" indartsuena bizi dugula adierazi du.
Bizkaiko metalgintzan atzo izandako grebari buruz galdetuta, lanuzteak izan zuen jarraipen zabalean jarri du azpimarra, "patronalak aitortzen ez duen arren". Orain, Arroyoren arabera, "FVEM patronalari dagokio gogoeta egin" eta "bere jarrera aldatzea". Hala egin ezean, LABek ez du mobilizazio gehiago deitzea baztertzen.
Azkenik, EAEko datorren urteko aurrekontu proiektua "kontinuista" dela iritzi dio, "epe motzeko irabaziak lortzera" bideratutakoa eta "bizi dugun krisi ekosozialari erantzunik ematen ez diona".
Zure interesekoa izan daiteke
Abian da errenta kanpaina Araban eta Gipuzkoan, eta gaurdanik autolikidazio proposamena onartu daiteke
Astearte honetatik, apirilak 7, Arabako eta Gipuzkoako Ogasunek egindako autolikidazio proposamenak onartu edo aldatu dezakete zergadunek. Ostegunean, apirilak 9, hasiko da errenta aitorpenaren kanpaina Nafarroan, eta apirilaren 15ean, berriz, Bizkaian.
Gaur hasiko da errentaren kanpaina Araban eta autolikidazio proposamenak onartu ahal izango dira
Arabako Foru Aldundiaren aurreikuspenen arabera, aurten 202.576 pertsona inguruk egingo dute errenta aitorpena Araban, eta horietatik % 70 inguru herritarrei dirua itzultzeko izango dira. Kanpaina ekainaren 25ean amaituko da eta gehien erabiliko den modalitatea 'Rentafacil' izango da.
Tubos Reunidoseko enpresa batzordeak "inplikazioa" eskatuko dio Jaurlaritzari, asteazkenean egingo duten bileran
Gorka Abascal ESK sindikatuko ordezkari eta enpresa batzordeko kideak adierazi duenez, bilerara jarrera positibo eta arduratsuarekin joango dira, Eusko Jaurlaritzaren eta Espainiako Gobernuaren arteko negoziazioak nola doazen ezagutzeko asmoz. Enpresak bere zorraren erdia Espainiako Gobernuarekin dauka, zehazki, SEPI Industria Partaidetzarako Espainiako Sozietatearekin.
1.033.410 kotizatzaile zeuden martxoan Euskadin, otsailean baino 5.003 gehiago eta 2025eko martxoan baino 10.971 gehiago
Langabeziari dagokionez, martxoan 107.173 pertsona zeuden Lanbiden erregistratuta, otsailean baino 179 gehiago eta duela urtebete baino 1.141 gutxiago. Nafarroan ere igo egin da afiliazioa, eta langabezia, berriz, jaitsi, eta 2008tik izandako daturik onenak izan dira Foru Erkidegoan.
"Handling" zerbitzuko langileek beste greba egun bat dute gaur, eta 175 hegaldi daude programatuta Loiun
Lanuzteak egingo dituzte txanda guztietan. Joan den astelehenean 90 minuturainoko atzerapenak izan ziren, eta hegaldiren bat bertan behera geratu zen.
Gasteizko Aireportuko aparkalekuak doakoa izateari utziko dio 2027tik aurrera
Aenaren arabera, aireportuaren jarduera "nabarmen" hazi da, eta horren ondorioa izan da erabakia. Ramiro Gonzalez Arabako diputatu nagusiak esan du hedabideen bidez izan duela erabakiaren berri.
Tubos Reunidoseko langileek enplegu-erregulazioko espedientea bertan behera uztea eta erakundeen inplikazioa eskatu dute
Amurrioko lantegiko Tubos Reunidoseko langileek manifestazioa egin dute asteazken honetan, 242 kaleratze proposatzen dituen enplegu-erregulazioko espedientearen aurka. Bilbon egindako mobilizazio batean, sindikatuen ordezkariek gutun bat aurkeztu dute enpresaren bulegoetan, espedientea bertan behera uzteko eskatuz.
Nafarroako Gobernuak Irango gerraren ondorio ekonomikoak arintzeko laguntzak iragarri ditu
Hasiera batean, harmonizazio-dekretu bat onartu dute, estatuko neurriak foru-araudira egokitzeko, baina aurreratu du neurri fiskal propioak lantzen ari dela, hala nola, PFEZren ordainketak atzeratzea.
Etxeko hegaztien ustiategietan ezarritako konfinamendua kendu dute, partzialki
Arrisku eta zaintza bereziko eremuetan mantendu egingo da neurria: Nafarroan, 12 udalerritan jarraituko dute etxaldeetako hegaztiek konfinatuta, eta EAEn, sei herritan.
Aldundiek neurri fiskalak iragarri dituzte Irango gerraren eragina arintzeko
Hartutako neurrien artean daude zerga-zorrak salbuespenen epeak luzatzea, PFEZren ordainketa zatikatuak egitetik salbuestea eta BEZaren itzulketen izapideak azkartzea, enpresei finantzaketa handiagoa eskaintzeko.