Urte arteko inflazioa % 6,9ra jaitsi da EAEn, eta % 8,4ra, Nafarroan, urrian
Urte arteko Kontsumorako Prezioen Indizeak (KPI) beheranzko joerarekin jarraitzen du, % 6,9an kokatu baitzen urrian Euskal Autonomia Erkidegoan (EAE) eta % 8,4an Nafarroan, Estatistikako Institutu Nazionalak (INE) gaur argitaratutako behin betiko datuen arabera. Irailean % 8,5ekoa eta % 9,8koa zen urte arteko tasa EAEn eta Nafarroan, eta, hortaz, 1,6 puntu eta 1,4 puntu egin du behera.
Inflazioak uztailean jo zuen goia, urte arteko tasa % 10,5ean eta % 11,4an kokatu baitzen, hurrenez hurren, EAEn eta Nafarroan. Geroztik, hiru hilabetez jarraian behera egin du.
Urtea hasi zenetik, prezioak % 5,5 eta % 6,5 garestitu dira EAEn eta Nafarroan. Irailetik urrira KPIa bi hamarren igo da eta bost hamarren, ostera, Nafarroan.
Urte arteko Kontsumorako Prezioen Indizea (KPI) % 7,3ra jaitsi da urrian Estatu espainiarrean. Beraz, Espainiako Estatistika Institutuak aurreko hilabetearen amaieran aurreratutako datua mantendu du. Urtarriletik izandako zifrarik txikiena da, orduan KPIa % 6,1ekoa izan baitzen.
Azpiko inflazioa, —landu gabeko elikagaiak eta produktu energetikoak kontuan hartu gabe kalkulatzen dena—, urte arteko inflazioa ez bezala, bere horretan mantendu da urrian, % 6,2an hain zuzen ere.
Azken urtean elektrizitatearen prezioak % 15,4 behera egin duelako jaitsi da hein handi batean urte arteko inflazioa hainbeste. Azken hilabetean, jaitsiera 22,5 puntukoa izan da eta urtarriletik urrira, 24,3 puntukoa.
Azken hilabetean produktu energetikoen prezioa % 4,9 jaitsi bada ere, elaboraziorik gabeko elikagaiak % 4 garestitu dira, eta erregaiak % 3,3. Azken urtean gehien garestitu diren produktuak erregaiak ( % 20,5) eta elaboraziorik gabeko elikagaiak ( % 15,3) izan dira.
Albiste gehiago ekonomia
Espainiako Gobernuak baztertu du aireportuen kudeaketa osorik Euskadira transferitzea
Diario Vasco egunkariak argitaratu duenez, Eusko Jaurlaritzak erabaki estrategikoetan iritzia eman ahal izatea proposatu du Espainiako Gobernuak, baina eskualdatzea osorik egitea baztertu du, Estatuaren eskumen esklusiboa delako.
Azkoitiko Juaristi eta Aitek enpresetako langileek bizi duten "egoera jasanezina" salatu dute
Orain urtebete inguru lehertu zen lan-gatazkaren berri emateko, agerraldia egin dute bi enpresetako langileek. Uste dute zuzendaritzak "ezkutuko itxiera plan bat" duela. 130 lanpostu eta hainbat familia "arriskuan" daudela salatu dute.
Lodosako Karey Solanok konkurtsoa egingo du, eta lantegia itxi eta 36 beharginak kaleratuko ditu
Langile gehienak oso aspaldi hasi ziren lanean, eta batez beste 50 urtetik gorakoak dira. CCOOk salatu du oraindik ez dutela abuztuko nomina jaso.
Ostiralean sei hilabete beteko dira Gasteizko lorezainek grebari ekin ziotenetik, eta manifestazioa deitu dute egun horretarako
Gaur goizean Gasteizen egindako prentsaurreko batean, Enviser enpresako langileek "borrokarekin jarraitzeko" asmoa agertu dute, "soldata duinak lortu arte". Gainera, langileak akordiorako prest agertu dira, baina hori lortzeko "Gasteizko Udalaren benetako inplikazioa" beharrezkoa dela uste dute.
Zeintzuk dira BBVAren eskaintza berriaren gakoak?
Josu Ferreiro EHUko irakasleak Radio Euskadin egin duen elkarrizketa batean adierazi duenez, erakundeak Kataluniako bankuko akziodunen zati handi batek eskatzen zuenera egokitu du bere proposamena, lehen eskaintzari uko egin baitzioten, nahikoa ez zelakoan. Ferreirok zehaztu duenez, BBVAk ez du eskudirutan ordainduko, akzio propioetan baizik, eta horrek abantaila fiskala dakarkie akziodunei, zergak gutxiago ordaintzea dakarrelako. Mugimendu horrekin, Carlos Torres Vila buru duen bankuak Sabadellen akzioen merkatuko balioa berdindu du, eta horrek opak aurrera egiteko aukerak areagotu ditu, nahiz eta BBVAri berari kostu handiagoa ekarri. Hobekuntza berri bat egon litekeen galdetuta, ekonomialariak uste du zaila dela: "BBVAk argudiatu zuen Sabadellen akzioak gainbaloratuta zeudela. Orain, alde hori desagertu egin da. Beste eskaintza bat baztertu beharko litzateke, hau izango litzateke azkena", adierazi du. Elkarrizketa Boulevard saioan entzun daiteke, GUAUn, 02:50: 00etatik aurrera (jatorrizkoa, gaztelaniaz).
2026an jarriko da martxan Petronorren eta OCO Technologyren agregakin sintetikoen planta, Bilboko Portuan
Proiektua 2024an hasi zen eraikitzen, eta Europa kontinentalean agregakin sintetikoak fabrikatuko dituen lehen lantegi industriala izango da. Agregakin horiek CO2 gasa harrapatzen dute, bai ekoizpen prozesuan zehar, baita horien bizitza baliagarrian ere.
BBVAk % 10 igo du Sabadell bankua eskuratzeko eskaintza
Carlos Torres BBVAren presidenteak azpimarratu duenez, hobekuntza eginda "aparteko eskaintza" jarri dute Banco Sabadellen akziodunen esku, "balorazio eta prezio historikoarekin, eta bi bankuen batasunarekin sortutako aukera apartan parte hartzeko aukerarekin". Sabadellek, bere aldetik, erantzun du azken eskaintza "jatorrizkoa baino okerragoa" dela.
Maderas de Llodio, greba mugagabean
Langileen batzordeak salatu du enpresak produkzioaren % 40 beste lantegi batzuetara eramateko asmoa duela, eta deslokalizazioak Laudioko eta eskualdeko "lantegiaren etorkizuna arriskuan jartzen" duela.
Multiverse Computingek % 30 handituko du bere lantaldea Donostian
Software kuantikoan eta adimen artifizialean espezializatutako enpresa donostiarrak datorren urtean 60 pertsona kontratatzea aurreikusten du. 4 langile zituztela abiatu zuten konpainia 2019an, eta 260 izango dira laster.
Pentsiodunak Euskadiko hiriburuetan manifestatu dira gutxieneko pentsioak LGSarekin parekatzea eskatzeko
Ehunka pertsonak bat egin dute Gasteizen eta Donostian Euskal Herriko Pentsiodunen Mugimenduak deitutako manifestazioekin; hain zuzen ere, osteguneko Legebiltzarreko bozketan presioa egiteko, gutxieneko pentsioak Lanbide arteko Gutxieneko Soldatarekin (LGS) parekatzea eskatzeko.