Bizkaiko Aldundiak errepide guztietan LED teknologia jartzeko 27 milioi inbertituko ditu 2027ra arte
Bizkaiko Foru Aldundiak 27,7 milioi euro inbertituko ditu datozen bost urteetan Bizkaiko errepideetako 1.300 kilometroek LED argiztapena izan dezaten. Imanol Pradales Azpiegituretarako eta Lurralde Garapenerako diputatuak gaur azaldu duenez, kontsumoa % 50 eta faktura % 30 murriztea da asmoa.
Era berean azaldu du, Azpiegituretarako eta Lurralde Garapenerako Saila LED teknologiara aldatzen ari dela 2015etik, eta gaur egun bide sarean dauden 40.053 luminarietatik 520,3 LED direla jadanik.
Pradalesek jakinarazi duenez, inbertsio horrek balioko du Bizkaiko errepide sareak argiztapen eraginkorra eta teknologikoki jasangarria edukitzeko.
Guztira dauden 40.053 argi puntuetatik, 16.652 kanpoan daude, eta, 23.801, tuneletan.
Sodioko luminaria zaharrekin (VSAP) alderatuta, LED teknologiak aukera ematen du luminariaren intentsitatea aldatzeko trafikoaren bilakaeraren edo errepidearen ezaugarrien arabera, baina fisikoki bertara joan beharrik gabe.
Foru Gobernuak "aurrea" hartuko dio jasangarritasuna energetikoari buruzko euskal legeari, izan ere, horren arabera 2030erako kontsumoa % 35 murriztu beharko dute administrazioek.
Bestalde, Imanol Pradalesek aurreratu du datorren astean lizitatuko dela 10 milioi euroko lehen inbertsio bat.
Albiste gehiago ekonomia
Jaurlaritzak onartu egin du Araban bi eguzki-parke eraikitzea, bata Agurainen eta bestea Arespalditzan
Euskal Herriko Agintaritzaren Aldizkariak ostegun honetan argitaratu du bi proiektuek ingurumen baimena lortu dutela. Instalazioek 32 hektareako azalera eta 20 megawatteko potentzia izango dute.
EHNE sindikatuak salatu du Nafarroako Gobernuak urratu egin duela suteei aurre egiteko hitzartutako protokoloa
Nafarroako Gobernuak suteak saihesteko lehen sektoreko hainbat jarduerei ezarri dien murrizketa-sortak hautsak harrotu ditu. Hala, EHNE laborarien sindikatuak protesta egin du astearte honetan, salatzeko Barne Departamentuak urratu egin duela hitzartua zuten suteen kontrako protokoloa.
Trumpen muga-zergek 400 milioi inguruko eragina izango lukete Euskadin, eta 73 milioi ingurukoa, Nafarroan
Bi lurraldeek dituzten esportazio-kopuruak direla eta, merkataritza-gerrak hainbat ondorio utziko lituzke Hego Euskal Herrian. Sektore kaltetuenak automobilgintza, makina-erremintagintza, altzairugintza eta ardogintza dira.
Udan egiten dira dendetako lapurreten % 26, eta ardoa, hestekiak eta aurpegiko kremak lapurtzen dira gehien-gehien
Jan-edatekoak daude Nielsenek egindako Estatu mailako rankingaren buruan. Horien atzetik zaintza pertsonalerako produktuak daude.
Debekatu egin dituzte zenbait nekazaritzako lan Nafarroan, sua dela eta
Nafarroako lurralde osoan debekatuta egongo da lurzoru urbanizaezinean nekazaritzako, basogintzako eta beste edozein motatako jarduerak egitea, baldin eta sua, makinak edo ekipoak erabiltzen badituzte eta horien funtzionamenduak baso-suteak eragin baditzake leherketen, txinparten edo deskarga elektrikoen bidez.
Etxebizitzen salerosketa-kopurua % 29 igo zen ekainean Euskadin
2.314 da eragiketen zenbatekoa. Interes-tasek behera egin dute, eta horrek finantzaketa merkatzea eragin du.
Euskadiko etxebizitza berrien prezioa, maximo historikoetan: 3.450 euro metro koadroko
Nafarroa aurretik (% 6,4) dago etxebizitza berrien prezioaren urtebeteko igoerari erreparatuta. Hiriburuei banan-banan begiratuta, batez besteko preziorik altuena Donostian dago, gero, Bilbon, eta azkenik, Gasteizen.
Iazko datuekin alderatuta, 3.074 langabe gutxiago zenbatu dira Euskadin uztailean, eta 78.743 kontratu sinatu dira
Ekainean baino 1.600 langabe gehiago daude, 104.991 guztira. Nafarroan duela urtebete baino 801 langabe gutxiago zenbatu dira, eta Espainiako Estatuan, oro har, 1.357 langabe gutxiago daude, eta 21.865.503 kotizatzailera iritsi dira. Kotizatzaile-kopuruaren gaineko datua maximo historikoa da.
Kutxabank, Espainiako bankurik kaudimendunena Europako Banku Zentralaren arabera
Erakundeak aise gainditzen du Europako batezbestekoa erresistentzia-testetan, eta Espainiako finantza-sektoreko kapital- eta palanka-adierazle nagusien buru da.
Ardo-ekoizleek AEBko muga-zergen eragin handiaz ohartarazi dute: "Ardoa % 50 garestituko da"
Mariasun Saenz de Samaniegok (Ostatu) Europako ardoaren garestitzeaz ohartarazi du, eta merkatu berriak bilatzeko deia egin du, Estatu Batuetan salmentak galduko direlako.