Espainiako Gobernua zortzi bat milioi familiarentzako 200-300 euro arteko txekea aztertzen ari da
Espainiako Gobernua osatzen duten bi alderdiak, alegia, PSOE eta Unidas Podemos, hainbat neurri ekonomiko ari dira negoziatzen prezioen igoerari aurre egite aldera. Testuinguru horretan, Unidas Podemosek laguntza zuzen bat proposatu du, hain zuzen ere 200-300 euro arteko txeke bat, espainiar Estatuko zazpi edo zortzi milioi familiarentzat. Neurriaren helburua litzateke inflazioak erosketa saskian duen eragina leuntzea. Hala aurreratu du ostegunean Radio Euskadiko 'Boulevard' saioan, Pablo Iglesias Unidas Podemoseko agintari ohiak.
"Proposamena da 200-300 euro arteko txeke bat, zazpi edo zortzi milioi familientzat", zehaztu du Iglesiasek. PSOE eta Unidas Podemos negoziatzen ari diren neurrien gainean (aurreikuspena da urte amaierarako onartuta egotea), Iglesiasek gogora ekarri du "koalizio Gobernua" dela, eta, hortaz, haren iritziz, "batzuek ezkerrera joko dute gehiago, eta beste batzuek, aldiz, eskuinerantz gehiago".
Diazek "banatzaile handiak" izan ditu hizpide
Ildo horretan, Yolanda Diaz Espainiako bigarren presidenteordeak, Unidas Podemoseko kidea bera, azpimarratu du "oso eztabaidagarria" dela banatzaile handiek ez hartzea neurririk erosketa saskiaren prezioa murrizteko. Diazek, halaber, ziurtatu du espainiar Gobernuak neurriak hartzen dituenean, energiaren kasuan gertatu denez, "prezioek behera egiten dutela".
Diazen ustez, "alokatzeekin eta hipotekekin batera, Espainiaren arazo handiena da familiek ezin dutela bermatu elikadura osasungarria eta kalitatezkoa; izan ere, erosketaren prezioa ezinezkoa da". Gogora ekarri du nola irailetik daraman esaten neurriak hartu behar direla erosketa saskiko prezioa murrizteko: "Neurri horiek izan litezke banatzaile handiekin egindako akordioak, eta beste hainbat kontu ere".
"BEZak ez du zerikusirik neurriekin; neurriek lotura dute, hain zuzen, jendearen bizitzarekin", nabarmendu du, eta azpimarratu ere azpimarratu du "krisi hau gehien dutenen ekarpenaz ordaindu behar" dela. "Kasu honetan, banatzaile handiak dira gehien dutenak; boterea bildu egiten dute esku oso gutxitan", argudiatu du.
Diazen iritziz, "ez du zentzurik eskuin ekonomikoak eta PPk beti proposatzen dutenak, alegia, zergak jaisteak; ez luke konponduko erosketa saskiarekin dugun arazoa, eta bermatu behar duguna da, hainbat neurri baliatuz, erosketa saskietan askotariko produktuak egotea, kalitatekoak".
Albiste gehiago ekonomia
EAEko familiek inoiz baino gehiago gastatu dute ostalaritzan, 4.207 euro
Euskadiko etxeetako batez besteko gastua egonkor mantendu zen 2024an, baina aisiak eta jatetxeek pisua hartzen jarraitzen dute elikaduraren, garraioaren eta irakaskuntzaren aldean.
Auzitegiak artxibatu egin ditu 17 medikuren aurkako salaketak, Osakidetzako Lan Eskaintza Publikoko filtrazioengatik
Arabako Auzitegiak artxibatu egin ditu Osasun Zerbitzuaren 2016-2017ko Lan Eskaintza Publikoan ustez egindako filtrazioengatik ikertutako 17 medikuren aurkako salaketak, eta ikertutako 19 lagunetatik 2ren aurka irekita uztea erabaki du.
Jaurlaritza langabezia subsidioen transferentzia bereganatzen saiatuko da asteazken honetan Espainiako Gobernuarekin
Kontribuzio-prestazioen eta langabezia-subsidioaren arloko eskumenak eskualdatzeko akordioa posible izan dadin "nahikoa denbora" eduki izana espero du Autogobernuko sailburuak.
Eusko Jaurlaritzak 2026ko urtarriletik aurrera berrekingo dio telelanari
Langile publikoek astean bi egunetan jardun ahal izango dute lan-modalitate horretan. Gainera, telelanaren bitartez lan egin dezaketen langile guztiei ere aukera hori ematen die dekretuak, betiere zerbitzu publikoa behar bezala ematen dela bermatzen bada.
Euskadik % 40 handitu du bere egungo potentzia elektrikoa, eta 16.000 megawatteko edukiera gaindituko du
Hala, "70.000 langilerentzako lana bermatzen da", eta bultzada esanguratsua dakar enpleguarentzat eta egonkortasun ekonomikoarentzat. Eusko Jaurlaritzak 6.000 megawatteko edukiera gehigarria nahi zuen, 18.000 MWetara iristeko.
Zenbateko potentzia elektrikoa behar du Euskadik?
Industria, Trantsizio Energetiko eta Jasangarritasun Sailak 6.000 MW gehiago eskatu ditu bere sarean, helburu industrialak eta deskarbonizazioa betetzeko.
Eusko Jaurlaritzak eta banku-erakundeek gazteentzako lehen etxebizitza eskuratzeko abalen programa jarri dute abian
Kutxabankekin, Laboral Kutxarekin eta Abancarekin ekin zaio programari, oraingoz lankidetza-hitzarmena sinatu dutenekin; baina, zabalik da erakunde gehiagok bat egin ahal izango dutela aurreikusten da. Finantzatu beharreko etxebizitzen erosketa-prezioa ezin izango da 340.000 eurotik gorakoa izan.
Albiste izango dira: Ustelkeriaren aurkako txostena Nafarroan, sare elektrikoari buruzko bilera Madrilen eta Venezuelako ontzi bati erasoa
Gaurkoan Orain-en albiste izango direnen laburpena, bi hitzetan.
Euskal gehiengo sindikalak pentsiodunen mobilizazioarekin bat egin du Herri Ekimen Legegilea izapidetzea eskatzeko
ELA, LAB, ESK, Steilas, Hiru eta Etxalde ere mobilizatuko dira irailaren 20an EAJri eta PSE-EEri beren jarrera "zuzentzeko" eta gutxieneko pentsioa gutxieneko soldatarekin parekatzeko ekimena izapidetzea eskatzeko.
Euskadiko inbertsio elektrikoa aztertzeko bilera izan du Jauregik Espainiako Energia idazkariarekin
Joan Groizard Energiaren Estatu idazkariarekin batzartu da Jauregi, 2025-2030 aldirako elektrizitatea garraiatzeko sarea planifikatzeko proposamenaren barruan sare elektrikoetan egingo den inbertsioari buruz eta horrek Euskadin izango duen eraginaz mintzatzeko.