SATSE, ELA, LAB, SME, CCOO eta UGT sindikatuek elkarretaratzeak deitu dituzte Osakidetzan ostegunerako
SATSE, ELA, LAB, SME, CCOO eta UGT sindikatuek mobilizazio dinamika abiatu dute Osakidetzan, eta abenduaren 22rako, ostegunerako, egin dute lehen deia. Elkarretaratzeak deitu dituzte Osakidetzako lantoki guztietan, "negoziazioa eskatzeko eta osasun publikoa babesteko".
Osakidetza demokratizatzeko "Mahai Sektorialaren blokeoa gainditu" behar dela azpimarratu dute sindikatuek, eta langileen ordezkariekin edukiak izango dituen benetako negoziazioa bultzatu behar dela horretarako.
Gogorarazi dutenez, sindikatuak Mahai Sektorialetik altxatu ziren urte hasieran, eta gauza bera egin zuten uda ostean. Era berean, eta egoera desblokeatzeko asmoz, "bi aldiz" deitu diote Osakidetzako Zuzendaritzari Lan Harremanen Kontseiluan bilera bat egitera, eta "Osakidetza ez da bilera bakarrera ere joan".
Azken aldian, abenduaren 7an, Osasun Saileko buruzagitzarekin bildu ziren, sailburua buru zela, eta salatu egin dituzte orduan ikusitako "Sailaren elkarrizketarako borondate eza eta inposizioaren aldeko apustu sendoa".
"Bertikaltasuna eta inposizioa Osakidetzako Zuzendaritzatik hasten dira, baina Euskal Osasun Zerbitzuaren barne egitura osora hedatzen dira", gaineratu dute.
Sindikatuek nabarmendu dute lan prekarietateak "gure osasun publikoaren arazo handienetakoa" izaten jarraitzen duela, "% 50etik gorako behin behinekotasun tasa, hamarkada batean erosteko ahalmenaren % 20tik gorako galera, lan gainkarga sistematikoa eta langileen eskasia" aipatuta. Bitartean, Deustuko, Zumarragako eta San Martingo PACetan, Santiago Ospitaleko larrialdietan eta Basurtuko bihotzeko kirurgia ixteko proiektuan "aplikatutako murrizketek indarrean jarraitzen dute".
Errealitate horren aurrean, ezinbestekotzat jo dute langileak eta herritarrak elkartuko dituen mobilizazio dinamikari ekitea. Lehenbiziko urrats gisa, elkarretaratzeak deitu dituzte Osakidetzako lantoki guztietan abenduaren 22rako, ostegunerako, 11:00etan ospitale guztietan eta 13:00etan Lehen Mailako Arretako zentro guztietan.
Gabonak igarota, mobilizazioekin jarraituko dute, langileek eta herritarrek "kaleak osasun publikoaren alde bete ditzaten".
Zure interesekoa izan daiteke
CAFek lortu egin du "mendeko kontratua": 1.700 milioi euro Belgikan trenak egiteko
Beasainen egoitza duen konpainiak kontratu horren inguruko ziurgabetasunarekin amaitu du; izan ere, polemika handia piztu zen han, Alstom enpresa frantziarrak dagoeneko hainbat lantegi baititu Belgikan, eta enpresa horrek kontratua ez lortzea kritikatu zuten.
Balenciaga ontziolako langileek atzera bota dute Abu Dhabi Ports talde arabiarraren azken eskaintza
Pasa den azaroaren 30ean, Balenciaga ontziolak salerosketa akordioa sinatu zuen aipaturiko inbertsio talde arabiarrarekin, 11,2 milioi euroren truke. Salerosketa ixteko, ordea, ezinbesteko baldintza da langileekin akordioa lortzea. Antza denez, langileen erosahalmena bermatuko luketen soldatak dira akordiorako korapilo nagusia.
Talgoren erosketaren ondoren, partzuergoko kideek Rivabellosako fabrika bisitatuko dute
Imanol Pradales lehendakaria eta Jose Antonio Jainaga enpresaria buru zirela, akziodun berriek Talgo enpresak Rivabellosan dituen instalazioak bisitatu dituzte. Denek uste dute operazioa funtsezkoa izan dela enpresaren jarduera eta enplegua sendotzeko, eta etorkizun oparoa iragartzen diote tren-enpresari.
Petronorreko greba bertan behera, enpresak bide judizialari uko egin ostean
Sindikatuek bertan behera utzi dute greba mugagabea, zuzendaritzarekin adostuta, 83 eguneko lanuztearen ondoren.
Europa osoko nekazariek Brusela hartu dute politika bateratuaren eta Mercosurrekiko akordioaren aurka protesta egiteko
Lehen ordutik, milaka traktorek eta nekazarik hiriko auzo europarra blokeatu dute, Europar Batasuneko erakundeen politiken aurka protesta egiteko. Poliziarekin ere istiluak izan dira. Europako nekazaritza-sektorea kontuan hartzeko eta kalterik ez egiteko eskatu dute.
EAEko ekonomiaren hazkundea % 2,1ekoa izango da datorren urtean, Confebasken arabera
Confebaskek aurreikusten du BPGa % 2,1 haziko dela 2026an Euskal Autonomia Erkidegoan, nahiz eta egun dauden "arriskuek" % 1,7 eta % 2,6 arteko tartean egotea eragin dezaketen. Inbertsioan eta enpleguan dinamismo txikiagoa izatea espero du Confebaskek.
Bizumen gaineko kontrol gehiago izango dira 2026an, baina profesionalei eta enpresaburuei eragingo die soilik
Zerga Agentziak ordainketa digitalei buruz jasotzen duen informazioa indartuko du 2026tik aurrera, Bizumekin egindako eragiketak barne, baina neurria jarduera ekonomikora mugatuko da eta ez du eraginik izango partikularren arteko trukeetan.
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarriz gero, haragiaren prezioan eragina izango duelakoan. Alabaina, kasu bakar bat agertuko balitz, etxaldeko abelburu guztiak sakrifikatzea eragingo luke.
Medikuen sindikatuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio gehiago egingo dituztela iragarri dute.
?fmt=webp-alpha&qlt=80)
Nekazarien protestek jarraitzen dute Ipar Euskal Herrian eta Frantzia osoan, dermatosi nodularraren auzia nola kudeatu den eta Mercosurren ituna salatzeko
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.