Langileen alde egindako borrokan Redondo Urbietaren garrantzia nabarmendu dute sindikatuek eta politikariek
Euskadiko zein Espainiako sindikalgintzak eta buruzagi politikoek Nicolas Redondo Urbieta buruzagi sindikal historikoaren garrantzia azpimarratu dute. UGTko idazkari nagusi izandakoa bart hil da, 95 urterekin.
Raul Arza UGT Euskadiko idazkari nagusiak Redondoren ibilbidea goretsi du eta ''balio demokratikoen borrokan erreferente'' izan zela azpimarratu. Radio Euskadiri eskainitako elkarrizketa batean esan duenez, Marcelino Camachorekin batera Trantsizioko sindikalgintzaren ikurretako bat izan zen Redondo, eta kontatu du adinez nagusi bazen ere, "gertutik" jarraitzen zuela EAEko langileen egunerokoa.
Madriletik, Pepe Alvarez UGTko idazkari nagusiak Redondoren "konpromisoa, koherentzia eta ausardia" goraipatu ditu, eta "antifrankismoaren, Trantsizioaren eta demokraziaren oinarrizko ikurra" izan zela erantsi.
Unai Sordok, CCOOren izenean, esan du UGTren idazkari nagusi ohia "Espainia demokratikoaren pertsonaia garrantzitsuenetako bat" izan zela. "Bere bizitza osoan langileen defentsan jardun zuen", laudatu du.
Confebaskek ere dolumin mezua helarazi du Redondoren heriotza dela eta, Raul Arzari bidali dion agiri batean. EAEko patronalaren aburuz, UGTko idazkari nagusi ohia "herri honen askatasun politiko eta sindikalen borrokan erreferente izan zen".
Arlo politikoan, talde guztiek izan dituzte dolumin eta esker oneko hitzak. Redondo PSOEko militante izan zen gaztetik, eta Alderdi Sozialistarena izan da sare sozialetan argitaratutako lehen mezuetakoa. "Bizi bat langileen, askatasunaren eta demokraziaren alde emana", nabarmendu dute sozialistek.
Eneko Andueza PSE-EEko idazkari nagusiaren ustez, "historiaren norabidea markatu eta guztiontzat hobea den gizartea eraikitzeko gai diren pertsonetako bat" zen Redondo.
Pedro Sanchez Espainiako Gobernuko presidenteak ere buruzagi sindikala goretsi du, "langileen eskubideek zein gure ongizate estatuak aurrera egin dezaten egindako borroka" nabarmenduta.
Yolanda Diaz Espainiako Gobernuko presidenteorde bigarren eta Lan ministroak "aparteko sindikalistatzat" jo du Redondo. "Bizia eskaini zion langileen, askatasunen eta demokraziaren defentsari", azpimarratu du.
Euskadin, Iñigo Urkullu lehendakariak dolumin mezua partekatu du sare sozialetan, eta esan du Redondok "sindikalgintzari eta langileen eskubideak defendatzeari" eskaini ziola "bere ahalegin eta indar guztia".
Bestalde, Alberto Nuñez Feijoo PPko buruzagiak Twitterren eskegi du bere mezua. Buruzagi popularraren esanetan, Redondo "askatasunaren, langileen eskubideen eta demokraziaren defentsan erreferentea" izan zen.
Albiste gehiago ekonomia
EAEko familiek inoiz baino gehiago gastatu dute ostalaritzan, 4.207 euro
Euskadiko etxeetako batez besteko gastua egonkor mantendu zen 2024an, baina aisiak eta jatetxeek pisua hartzen jarraitzen dute elikaduraren, garraioaren eta irakaskuntzaren aldean.
Auzitegiak artxibatu egin ditu 17 medikuren aurkako salaketak, Osakidetzako Lan Eskaintza Publikoko filtrazioengatik
Arabako Auzitegiak artxibatu egin ditu Osasun Zerbitzuaren 2016-2017ko Lan Eskaintza Publikoan ustez egindako filtrazioengatik ikertutako 17 medikuren aurkako salaketak, eta ikertutako 19 lagunetatik 2ren aurka irekita uztea erabaki du.
Jaurlaritza langabezia subsidioen transferentzia bereganatzen saiatuko da asteazken honetan Espainiako Gobernuarekin
Kontribuzio-prestazioen eta langabezia-subsidioaren arloko eskumenak eskualdatzeko akordioa posible izan dadin "nahikoa denbora" eduki izana espero du Autogobernuko sailburuak.
Eusko Jaurlaritzak 2026ko urtarriletik aurrera berrekingo dio telelanari
Langile publikoek astean bi egunetan jardun ahal izango dute lan-modalitate horretan. Gainera, telelanaren bitartez lan egin dezaketen langile guztiei ere aukera hori ematen die dekretuak, betiere zerbitzu publikoa behar bezala ematen dela bermatzen bada.
Euskadik % 40 handitu du bere egungo potentzia elektrikoa, eta 16.000 megawatteko edukiera gaindituko du
Hala, "70.000 langilerentzako lana bermatzen da", eta bultzada esanguratsua dakar enpleguarentzat eta egonkortasun ekonomikoarentzat. Eusko Jaurlaritzak 6.000 megawatteko edukiera gehigarria nahi zuen, 18.000 MWetara iristeko.
Zenbateko potentzia elektrikoa behar du Euskadik?
Industria, Trantsizio Energetiko eta Jasangarritasun Sailak 6.000 MW gehiago eskatu ditu bere sarean, helburu industrialak eta deskarbonizazioa betetzeko.
Eusko Jaurlaritzak eta banku-erakundeek gazteentzako lehen etxebizitza eskuratzeko abalen programa jarri dute abian
Kutxabankekin, Laboral Kutxarekin eta Abancarekin ekin zaio programari, oraingoz lankidetza-hitzarmena sinatu dutenekin; baina, zabalik da erakunde gehiagok bat egin ahal izango dutela aurreikusten da. Finantzatu beharreko etxebizitzen erosketa-prezioa ezin izango da 340.000 eurotik gorakoa izan.
Albiste izango dira: Ustelkeriaren aurkako txostena Nafarroan, sare elektrikoari buruzko bilera Madrilen eta Venezuelako ontzi bati erasoa
Gaurkoan Orain-en albiste izango direnen laburpena, bi hitzetan.
Euskal gehiengo sindikalak pentsiodunen mobilizazioarekin bat egin du Herri Ekimen Legegilea izapidetzea eskatzeko
ELA, LAB, ESK, Steilas, Hiru eta Etxalde ere mobilizatuko dira irailaren 20an EAJri eta PSE-EEri beren jarrera "zuzentzeko" eta gutxieneko pentsioa gutxieneko soldatarekin parekatzeko ekimena izapidetzea eskatzeko.
Euskadiko inbertsio elektrikoa aztertzeko bilera izan du Jauregik Espainiako Energia idazkariarekin
Joan Groizard Energiaren Estatu idazkariarekin batzartu da Jauregi, 2025-2030 aldirako elektrizitatea garraiatzeko sarea planifikatzeko proposamenaren barruan sare elektrikoetan egingo den inbertsioari buruz eta horrek Euskadin izango duen eraginaz mintzatzeko.