Nicolas Redondo Urbieta buruzagi sindikal historikoa hil da
Nicolas Redondo Urbieta bi hamarkadaz UGT sindikatuaren idazkari nagusi ohia zendu da bart Madrilen, sindikatuak jakinarazi duenez.
Ohar batean, heriotza deitoratu du UGTk eta urtez luzez "langileen eskubideen, enpleguaren eta Espainiako gizartearen berdintasunaren alde egindako borroka" nabarmendu. Haren hil-kapera sindikatuaren egoitza nagusian, Madrilen, paratuko dute, eta 14:00etatik aurrera bisitatu ahalko da.
Redondo Urbieta Barakaldon (Bizkaia) jaio zen 1927an. Jaioberria zela galdu zuen ama. Aitarengandik jaso zuen, bestalde, klase kontzientzia, baita politikoa ere. Izan ere, Nicolas Redondo Blanco Labe Garaietako langile, PSOEko kide eta UGTko militante izan zen. Gerra Zibilaren ostean heriotzera kondenatu zuten aita, baina azkenean 30 urteko kartzela zigorrarekin konmutatu zioten.
10 urte baino ez zituela, La Habana ontzian Frantziara eraman zuten Redondo Urbieta haurra, gerrako beste ehunka umerekin batera. Bordelen, espainiar jatorriko familia batek hartu zuen harreran, harik eta 1940an Euskadira itzuli zen arte. 1942an hasi zen Sestaoko Navalen lanean, eta hiru urte geroago afiliatu zen UGTn eta PSOEn.
UGTren arabera, Redondo "Espainiako sindikalgintzako ezinbesteko ikur izan zen frankismo garaian, trantsizioan eta baita demokrazian ere". Gogorarazi duenez, diktadura garaian 14 aldiz atxilotu eta auzipetu zuten, bere ekintza sindikal eta politikoak tarteko.
1976ko apirilaren 18an aukeratu zuten UGTko idazkari nagusi, eta ia 20 urtez eutsi zion Idazkaritzari. 1994an Candido Mendezi eman zion lekukoa.
UGTko buruzagi gisa, hainbat itun izenpetu zituen patronalarekin eta Espainiako Gobernuarekin. Aipatzekoak dira, besteak beste, Moncloako itunak (1977) edota 1984ko Akordio Ekonomiko eta Soziala.
Nicolas Redondo Terreros PSE-EEko buruzagiaren aita, Redondo Urbieta garaiko euskal sozialismoaren aurpegietako bat izan zen, eta PSOEren XXVI. Kongresuan (1974an Suresnes, Frantzian, egindakoa) artean gazte zen Felipe Gonzalez aupatu zuen Idazkaritza Nagusira. PSOEko diputatu gisa ere jardun zuen 1977an, 1979an, 1982an eta 1986an (1987an bere eserlekuari muzin egin zion, gobernu sozialistaren aurrekontuen kontra bozkatu ostean).
1986tik aurrera, baina, kaskartzen joan zen UGTren eta Felipe Gonzalezen gobernuaren arteko harremana. Urte horretan bertan, Espainia NATOn sartzearen kontra azaldu zen UGTko buruzagia. Hartu-emanen tenkatzearen gorena 1988an heldu zen, UGTk eta CCOOk elkarrekin deitutako greba orokorrarekin.
1994an UGTren Idazkaritza utzi zuen eta bizitza publikotik erretiratu zen.
Heriotza ezagututa, herrenkadan etorri dira dolumin eta esker oneko hitzak.
Hil-kapera
Redondoren hil-kapera 14:00etatik aurrera zabalduko dute Amerika etorbideko 25. zenbakian dagoen eraikineko ekitaldi-aretoan. Pedro Sanchez Espainiako Gobernuko presidentea gaur arratsaldean izango da bertan, 17:40 aldera.
Redondoren hileta bihar izango da, urtarrilak 5, Almudenako Hilerri Zibilean, 12:30ak aldera. Hileta-segizioa 12:00ak aldera abiatuko da UGTren egoitzatik hilerrira.
Zure interesekoa izan daiteke
Interinok Taldeak kalteordainen bidea ireki izana kritikatu du
Gorenak behin-behinekotasunaren abusua jasan duen langileek finkotasuna lortzeko oposizioa gaindituta izatea beharrezkotzat jo ondoren, Egoitz Markaida Interinok Taldeko bozeramaileak berretsi du langile horiek sarrera baldintzak bete zituztela eta finkatu behar direla uste du.
Espainiako Gobernuak Tubos Reunidosen bideragarritasuna bilatzeko "bide guztiak" aztertuko dituela ziurtatu du Cuerpok
Josu Estarrona EH Bilduren senatariak egindako galderari erantzunez, Carlos Cuerpo Gobernuko lehen presidenteorde eta Ekonomia ministroak adierazi du Gobernuak "datozen asteetan" aztertuko duela Tubos Reunidosen egoera. Izan ere, gaur egun hartzekodunen konkurtsoan dago, eta konpromisoa hartu du "bide legal guztiak" aztertzeko, "estrategikotzat" jotzen duen enpresaren bideragarritasuna bilatzeko asmoz.
Nola eska dezaket emantzipaziorako dirulaguntza?
23 eta 29 urte bitarteko gazteek Emantzipa dirulaguntza eska dezakete gaurtik aurrera.
Epaileak Tubos Reunidoseko konkurtso-administratzailea, enpresa eta sindikatuak deitu ditu hilaren 26rako
Tubos Reunidos taldeko zazpi sozietate borondatezko hartzekodunen konkurtsoan deklaratu ditu Gasteizko epaitegi batek, eta PKF Attest Concursal SL Profesional izendatu du konkurtso-administratzaile.
Gorenak ebatzi du behin-behinekotasunaren abusua jasan duen langileek oposizioa gaindituta izan beharko dutela plaza finkoa lortzeko
Gorenaren argudioa da oposizioa gainditu ez duten langileak finko egiteak Konstituzioa eta Langile Publikoen Estatutua urratuko lituzkeela.
Tubos Reunidosen zuzendaritzak autobusak jarri ditu, lanera itzuli nahi duten langileentzat
Greba mugagabearekin ez jarraitzea eta lanera itzultzea erabaki duten langileen eskariari erantzunez, langileak autobusez joan ahal izango dira Amurrioko lantegira. Pasa den ostegunean, 232 langilek greba amaitzearen eta berriro lan egitearen alde bozkatu zuten, ELA, LAB eta ESKk ordezkatutako gehiengoaren iritziaren aurka.
Langile bat larri zauritu da tren batek harrapatuta, Manzanosen (Araba)
Tren-zirkulazioa eten egin da, baina pixkanaka bere onera itzuli da 16:00ak alderako.
Murgan zabaldutako lantegi berriarekin hirukoiztu egingo dute Etorki eta Lana enpresek zur zerratuaren ekoizpena, eta 100 lanpostu sortuko dituzte
Etorki eta Lana kooperatibek aurten erabaki dute bat egite, guztira 300 langile baino gehiago dituzte eta 150 milioi euroko fakturazioa dute. Lantegiak 12,8 milioi euroko laguntza izan du Eusko Jaurlaritzarentzat, inbertsioaren % 20.
Euskal ekonomiaren "termometroa" hazkunde apaleko eremura jaitsi da, esportazioengatik
Eusko Jaurlaritzak zabaldutako datuen arabera, EAEko ekonomiaren termometroa 99,7an kokatu zen apirilean (150etik). Datu hori 2025eko urritik izandako txarrena da.
Abiadura handiko trena Abandotik iritsiko da Bilbora, behin-behinean, epeak aurreratzeko
Abiadura handiko trenaren Jarraipen Batzordeak erabaki du mantenimendu-basea Basaurira eramatea, eta erabaki horri esker, 40.000 bat metro karratu erabiliko dituzte Abando inguruan.