Auzitegiak absolbitu egin ditu Osakidetzaren lan eskaintza publikoan izandako ustezko filtrazioengatik auzipetutako bi lagunak
Akusatuetako bat, azterketaren zati bat prestatu zuena, Donostia Ospitaleko kirurgia plastikoko zerbitzuburua zen. Auzipetutako bigarren laguna, berriz, haren erraina da, eta hautaketa prozesuan parte hartu zuen. Epailearen ustez, ez dago azterketa filtratu izanaren froga argirik.
Arabako Lurralde Auzitegiak absolbitu egin ditu Osakidetzaren 2018ko lan eskaintza publikoan izandako ustezko filtrazioengatik berriki epaitu dituzten bi lagunak. Akusatuetako bat, azterketaren zati bat prestatu zuena, Donostia Ospitaleko kirurgia plastikoko zerbitzuburua zen. Auzipetutako bigarren laguna, berriz, haren erraina da, eta hautaketa prozesuan parte hartu zuen. Epailearen ustez, ez dago azterketa filtratu izanaren froga argirik.
Esan bezala, azterketa teorikoaren zati bat prestatu zuen Donostia Ospitaleko medikua zenak, bigarren akusatuaren aitaginarrebak. Errainak ere ospitale horretan egiten du lan, eta auzpietutako sendagilearen semearen bikotekidea zen.
Epaiketan, Fiskaltzak argudiatu zuen aitaginarrebak prestatutako azterketaren zatiko 50 galderetatik 48ren erantzuna asmatu zuela errainak. Hori horrela, bi urteko espetxe zigorra galdegin zuen aitaginarrebarentzat, eta urtebetekoa, errainarentzat. LAB eta ELA sindikatuek (akusazio partikularra), bestalde, hiru eta bi urteko kartzela zigorrak eskatu zituen, hurrenez hurren, auzipetu bakoitzarentzat.
Auzitegiak gaur bertan eman du behin-behineko epaiaren berri. Oraindik, baina, apelazio errekurtsoa aurkez dezakete Euskadiko Justizia Auzitegian.
Zure interesekoa izan daiteke
Hauek dira azaroaren 11ko grebarako gutxieneko zerbitzuak Nafarroan
Jaurlaritzak bertan behera utzi du angularen arrantza kanpaina, espeziearen egoerak okerrera egin duelako
Renferen zerbitzu ugari bertan behera, makinisten sindikatuak gaurko deitutako 24 orduko grebaren ondorioz
Vicinayren 60 kaleratzeei izena jarri die enpresak eta langileen batzordeak mobilizazio gehiago iragarri ditu
LABek Jaurlaritzaren gutxieneko zerbitzuak inpugnatu egin ditu, eta agindua bertan behera uzteko eskatu du
Oposizioak "oso zail" ikusten du aurrekontuen gaineko akordioa lortzea
Bi orduko lanuztea egin dute Sestaoko Vicinay enpresan, zuzendaritzak egin asmo dituen kaleratzeen eta murrizketen aurka
Eusko Jaurlaritzak % 30eko gutxieneko zerbitzuak ezarri ditu garraioan eta jaiegunetakoak ospitaleetan
