Gipuzkoako enpresek baikor ekin diote aurtengo urteari, eta % 1,5era arteko hazkundea espero dute
Gipuzkoako enpresek "nolabaiteko baikortasunarekin" ekin diote aurtengo urteari, kudeatzeko zaila baina jarduerari eta emaitzei dagokienez "orokorrean positiboa" izan den 2022. urtearen ondoren. Halaber, Gipuzkoako ekonomia % 1 eta % 1,5 artean haztea aurreikusten da, batez ere, industriaren sektoreak hauspotuta.
Gipuzkoako Bazkundeak 2023ko Egoera Ekonomikoaren Txostena aurkeztu du gaur eguerdian, lurraldeko ehunka enpresak erantzun duten inkesta oinarri hartuta.
Industria alorreko enpresen % 28k negozio zifrak hobetzea espero dute aurten, eta % 54k, berriz, aurreko urteko emaitzak berdintzea. Gainerako sektoreen artean, txikizkako merkataritzak soilik espero ditu 2022an baino emaitza apalagoak: saltokien % 32k espero dute salmenta zifra txikiagoa izatea, eta % 21ek, berriz, handitzea.
Esportazioak konfiantza iturri dira Gipuzkoako ekonomiarentzat. 2022an esportazioek marka historikoa ezarri dute, 10.000 milioi euroko emaitzetara iritsi baitira lehen aldiz. Aurtengoari begira mundu mailan hazkunde ekonomikoaren aurreikuspenak apalagoak diren arren, Gipuzkoako Bazkundeak espero du esportazioek berriz ere markak haustea.
Enpleguari dagokionez, mantentzea edo igoera apala izatea aurreikusten dute Gipuzkoako enpresa gehienek. Enpresen % 84k uste dute mantendu edo handitu egingo dutela, eta gehiago dira lantaldeak handituko dituztela diotenak (% 18) murriztuko dituztela diotenak baino (% 14). Industriak aurreikusten ditu emaitzarik onenak, eta merkataritza da enplegua murriztuko dela iragartzen duen sektore bakarra.
Bestalde, Gipuzkoako enpresen erronka estrategiko nagusiak hauek dira: langile falta konpondu eta Europakoak ez diren merkatuetan salmentak handitzeko beharra eta marjinak berreskuratu eta lurralde lehiakorra izaten jarraitzeko beharra.
Zure interesekoa izan daiteke
Lekeitioko arrantzale bat hil da Senegalgo uretan
Bermeoko ATUNSA enpresako langilea zen. LAB sindikatuaren esanetan, "heriotza ez traumatiko" gisa sailkatu dute, eta enpresa horretan aurten izan den bigarren heriotza ez traumatikoa izan dela salatu du.
Pakistandarrak lanean esplotatzeagatik ikertutako hiru pertsonak aske utzi dituzte, Espainiatik irtetea galarazita
Ikertuek epailearen aurrean ez deklaratzeko eskubideari heldu diote, eta epaileak pasaportea kentzea eta hileko lehenengo egunean eta hamabosgarrenean epaitegian agertzea agindu du.
A-15 autobidea osorik zabalduko dute igandean, tunelak egokitzeko lanak guztiz amaitu ostean
Asteburuan behin-behineko seinaleak eta obrako gainerako elementuak kenduko dira eta, lanak bukatzeko, Andoain eta Berastegi artean itxita egongo da errepidea, ostiral gauetik igandera bitarte.
Iberdrolak 125. urteurrena ospatu du Bilbon, begirada "argindarraren aroan" jarrita
Iberdrolak bere 125. urteurrena ospatu du astearte honetan, Bilboko egoitzan. Erakundeetako eta enpresa munduko ordezkariak bildu ditu ekitaldiak, eta konpainiaren historia gogora ekarri dute. "Argindarraren aroa" deiturikoan jarri dute etorkizunerako begirada. Bere hitzartzean, Ignacio Sanchez Galan Iberdrolaren presidenteak esan du "euskal sustraiak" inoiz galdu ez dituen "proiektu integratzaile baten emaitza" dela gaur egungo konpainia.
Tubos Reunidosen interesa duten "inbertsore berriak" daudela dio Jauregi sailburuak, baina oraindik ez dago "proposamen zehatzik"
Mikel Jauregi Eusko Jaurlaritzako Industria, Trantsizio Energetiko eta Jasangarritasun sailburuaren hitzetan, Tubos Reunidosen zorra berregituratu eta langileak lanera itzuli izana funtsezko bi baldintza izan dira "inbertitzaile berriak erakartzeko".
Papresak erosteko eskaintza bakarra jaso du: CL Grupo Industrialek aurkeztu du proposamen loteslea
Papresa hartzekodunen konkurtsoan sartu eta lehen asteetan balizko iteresdun gehiago zeudela aditzera eman bazen ere, euskal talde bat barne, ez dira eskaintza gehiago aurkeztu ezarritako epearen barruan; CL Group enpresak (Cristian Layri lotutakoa) bakarrik egin du hura erosteko eskaintza loteslea.
Eusko Jaurlaritzak onetsi egin du Aiaran baterien biltegi bat eraikitzeko proiektua
Arena Green Assest 4, SLUren "PB Navegantes 31" proiektuak 23 milioi euroko aurrekontua du eta 30MW-ko potentzia instalatua, 20 oineko neurriko edukiontzietan dauden 18 biltegiratze unitaterekin, kontrol eta monitorizazio sistemak integratzeko.
Astigarraga, etxebizitza garestien dagoen Gipuzkoako hirugarren herria
Prezioa % 55 igo da 4 urtetan eta metro koadroa 5.228 eurotan saltzen da. Donostiaren eta Zarautzen atzetik, udalerririk garestiena da.
Monica Garciak uste du sindikatu mediku batzuek grebari eusteko aparteko interesa dutela
Espainiako Osasun ministroaren ustez, "mediku sindikatu batzuek pizgarriren bat dute gatazkari eusteko, eta Estatutu Markoak dakartzan hobekuntzak sektoreko profesionalengana iristea saihesteko edo atzeratzeko". Era berean, Aragoi, Nafarroa, Kantabria, Asturias eta Galiziako erkidegoek grebari amaiera ematea lortu dutela nabarmendu du, eta gainerako erkidegoei "euren lana egiteko" eskatu die, "profesionalen lan-baldintzak eskumen autonomikoen menpe daudelako".
Kalera atera dira berriro medikuak, protesta egitera, urteko laugarren greba astearen hasieran
Donostia Ospitaleko anestesista Elena del Valek kazetarien aurrean hitz egin du protestetako batean, eta ziurtatu du "itxaropentsuago" daudela, Euskadiko Medikuen Sindikatuaren bitartez, Osakidetzarekin bilerak hasi dituztelako, eta "badirudielako", aldarrikapenetako batzuk negoziatzen hasiko direla.