Industria enpresen arteko energia-komunitate bat sortu dute Eibarren, Gipuzkoako lehena
Eibarko zortzi enpresak bat egin dute industria-enpresen energia-komunitate bat sortzeko, Gipuzkoan enpresen artean sortzen den lehen komunitate energetikoa da.
TEK Azitain (Tokiko Energia Komunitatea) izeneko ekimena DEBEGESA Eskualdeko Garapen Agentziak eta Azitain industrialdeko enpresek sustatu dute, eta, Energiaren Euskal Erakundearen (EEE), Gipuzkoako Foru Aldundiko Ingurumen Sailaren, Eibarko Udalaren eta Edinoren babesa du.
Erakunde juridiko propiodun energia-komunitatea osatu duten zortzi enpresak hauek dira: Acha Herramientas, Codesyntax, Hanna Instruments, Incubadora Eibargunea, Jose Maria Irazabal, Manufacturas Resort, Neurtek eta Teleapostuak.
Enpresa horiek energia berriztagarria sortu eta kontsumitu ahal izango dute Azitain 3K industrialdeko estalkian instalatuko diren 347 eguzki-plakei esker, eta urteko faktura elektrikoan % 25 inguru aurreztea lortuko dute.
Energia-komunitateak, gero eta ugariago
Azken hilabeteetan, gisa horretako ekimen ugari jarri dira abian, energia autohornikuntza bilatzen duten komunitate energetikoak, kanpoko iturriekiko mendekotasuna gutxitu eta energia berriztagarri jasangarriak bultzatzearekin batera.
Ekimen horietako bat Ekiola da, Energiaren Euskal Erakundearen eta Mondragon Korporazioan integratuta dagoen KREAN ingeniaritza sustatzailearen arteko lankidetza publiko pribatutik sortutako proiektua. Gero eta gehiago dira udaletatik eta herritarrengandik bultzatutako Ekiola kooperatibak, eta denek ere estrategia komun bati jarraitzen diote: kontsumo eta kudeaketa eredu autonomoagoa, parte-hartzaileagoa eta iraunkorragoa bultzatzea.
Albiste gehiago ekonomia
Udan egiten dira dendetako lapurreten % 26, eta ardoa, hestekiak eta aurpegiko kremak lapurtzen dira gehien-gehien
Jan-edatekoak daude Nielsenek egindako Estatu mailako rankingaren buruan. Horien atzetik zaintza pertsonalerako produktuak daude.
Debekatu egin dituzte zenbait nekazaritzako lan Nafarroan, sua dela eta
Nafarroako lurralde osoan debekatuta egongo da lurzoru urbanizaezinean nekazaritzako, basogintzako eta beste edozein motatako jarduerak egitea, baldin eta sua, makinak edo ekipoak erabiltzen badituzte eta horien funtzionamenduak baso-suteak eragin baditzake leherketen, txinparten edo deskarga elektrikoen bidez.
Etxebizitzen salerosketa-kopurua % 29 igo zen ekainean Euskadin
2.314 da eragiketen zenbatekoa. Interes-tasek behera egin dute, eta horrek finantzaketa merkatzea eragin du.
Euskadiko etxebizitza berrien prezioa, maximo historikoetan: 3.450 euro metro koadroko
Nafarroa aurretik (% 6,4) dago etxebizitza berrien prezioaren urtebeteko igoerari erreparatuta. Hiriburuei banan-banan begiratuta, batez besteko preziorik altuena Donostian dago, gero, Bilbon, eta azkenik, Gasteizen.
Iazko datuekin alderatuta, 3.074 langabe gutxiago zenbatu dira Euskadin uztailean, eta 78.743 kontratu sinatu dira
Ekainean baino 1.600 langabe gehiago daude, 104.991 guztira. Nafarroan duela urtebete baino 801 langabe gutxiago zenbatu dira, eta Espainiako Estatuan, oro har, 1.357 langabe gutxiago daude, eta 21.865.503 kotizatzailera iritsi dira. Kotizatzaile-kopuruaren gaineko datua maximo historikoa da.
Kutxabank, Espainiako bankurik kaudimendunena Europako Banku Zentralaren arabera
Erakundeak aise gainditzen du Europako batezbestekoa erresistentzia-testetan, eta Espainiako finantza-sektoreko kapital- eta palanka-adierazle nagusien buru da.
Ardo-ekoizleek AEBko muga-zergen eragin handiaz ohartarazi dute: "Ardoa % 50 garestituko da"
Mariasun Saenz de Samaniegok (Ostatu) Europako ardoaren garestitzeaz ohartarazi du, eta merkatu berriak bilatzeko deia egin du, Estatu Batuetan salmentak galduko direlako.
BBVAk 5.447 milioi euro irabazi ditu ekainera arte, % 9,1 gehiago, Espainian eta Mexikon izandako negozioari esker
Entitateak merkatuaren aurreikuspenak gainditzeaz gain, datozen urteetarako aurreikuspenak hobetu ditu, Sabadell erosteko eskaintza publikoaren harpidetza irekitzeko atzerako kontaketa bete-betean murgilduta dagoela. Hala ere, erakundeak ez du baieztatzen abiaraziko dutenik eta atzera egiteko aukera zabalik uzten du.
Bruselak baieztatu du ardoak AEBn % 15eko muga-zerga izango duela ostiraletik aurrera
Arabako Errioxarentzat, Ameriketako Estatu Batuak oso garrantzitsuak dira, bigarren merkatua baita bolumenari dagokionez eta lehena balioari dagokionez. Horregatik, Amaia Barredo Nekazaritza sailburuak "bide diplomatikoa eta negoziazioa azken minutura arte agortzea" eskatu du, ardoa salbuespena izan dadin.
ArcelorMittalen mozkinak % 80 handitu dira mundu mailan, 2.268 milioi euroraino
Sestaon, Basaurin, Legution, Agurainen, Olaberrian, Bergaran, Berriobeitin, Legasan eta Lesakan fabrikak dituen taldeak 2025eko bigarren hiruhilekoari dagokion txostena argitaratu du.