2035ean gasolina eta diesel autoen salmenta debekatzea babestu du Europako Parlamentuak
Europako Parlamentuak gasolina eta diesel ibilgailuen salmenta 2035ean debekatzearen alde bozkatu du gaur, eta, aurreko urrats gisa, auto eta furgoneta berrietarako karbono dioxidoaren (CO2) emisioak 2030erako erdira murrizteko helburua ezarri du.
Zehazki, onartutako arau berriak, 2021ean erregistratutako mailetan oinarrituta, salmenta berriko turismoen emisioak 2030ean % 55 jaisteko helburua finkatzen du; furgoneten kasuan, berriz, ezarritako murrizketa % 50ekoa da.
Epe horren ondoren, 2035etik aurrera, legeak aurreikusten du Europar Batasunean saltzen diren ibilgailu guztiak zero emisiokoak izatea, nahiz eta, indarrean sartu aurretik, testua formalki onartu beharko duten EBko estatu kideek, Kontseiluan bilduta.
Aldeko 340 botorekin, kontrako 279rekin eta 21 abstentziorekin, Europako Parlamentuak legedi berri hori babestu du, baina hori bai, Europako Alderdi Popularrak, osoko bilkurako talde nagusiak, aurkako botoa eman du.
Besteak beste, testu berriak finkatu egiten du EBk ibilgailuen fabrikatzaileei eskatzen dien zero edo isuri txikiko ibilgailuen salmenten portzentajea, Europako Batzordearen pizgarri ekonomikoez baliatu ahal izateko.
2025etik 2029ra bitartean, salmenta guztiak kontuan hartuta, zero ala isuri murritzeko autoen % 25 saldu beharko da, fabrikatzailek sari horiek kobratzen jarraitzeko; furgonetei dagokienez, berriz, proportzioa % 17koa izango da. 2030etik aurrera, erregelamendu berriak pizgarriak kentzea aurreikusten du.
Frans Timmermans Europako Batzordeko presidenteorde eta Itun Berdearen arduradunak erreforma osoa goraipatu du eta, Euroganberan egindako eztabaidan, legeak "industriaren, klimaren eta langileen interesen arteko oreka perfektua" bilatzen duela adierazi du.
Kamioiak eta autobusak
Bestalde, Europako Batzordeak 2030ean berotegi-efektuko gasen emisioak % 45 murrizteko bidea proposatu du distantzia luzeko kamioi eta autobusentzat, eta ahalegin hori % 65era arte handitu beharko da 2035ean eta % 90era 2040an, 2019ko mailekin alderatuta.
Proposamena osatzeko, 2030etik aurrera EBn merkaturatutako autobus interubano guztiak zero emisiokoak izatea lortu nahi da, baina ez landa-eremuei zerbitzua ematen dietenak, kamioien tratamendu bera izango baitute.
Zure interesekoa izan daiteke
EAEko ekonomiaren hazkundea % 2,1ekoa izango da datorren urtean, Confebasken arabera
Confebaskek aurreikusten du BPGa % 2,1 haziko dela 2026an Euskal Autonomia Erkidegoan, nahiz eta egun dauden "arriskuek" % 1,7 eta % 2,6 arteko tartean egotea eragin dezaketen. Inbertsioan eta enpleguan dinamismo txikiagoa izatea espero du Confebaskek.
Bizumen gaineko kontrol gehiago izango dira 2026an, baina profesionalei eta enpresaburuei eragingo die soilik
Zerga Agentziak ordainketa digitalei buruz jasotzen duen informazioa indartuko du 2026tik aurrera, Bizumekin egindako eragiketak barne, baina neurria jarduera ekonomikora mugatuko da eta ez du eraginik izango partikularren arteko trukeetan.
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarriz gero, haragiaren prezioan eragina izango duelakoan. Alabaina, kasu bakar bat agertuko balitz, etxaldeko abelburu guztiak sakrifikatzea eragingo luke.
Medikuen sindikatuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio gehiago egingo dituztela iragarri dute.
?fmt=webp-alpha&qlt=80)
Nekazarien protestek jarraitzen dute Ipar Euskal Herrian eta Frantzia osoan, dermatosi nodularraren auzia nola kudeatu den eta Mercosurren ituna salatzeko
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.
ELAk, LABek eta Steilasek sektore publikoan euskaraz lan egin eta zerbitzua euskaraz emateko eskubidea bermatzeko eskatu dute
Euskararen aurkako oldarraldi judizialaren aurrean, alderdiei zerbitzu publikoetan euskaraz lan egin eta arreta jasotzeko bermeak emango dituen lege bat exijitu diete. LABek EAJri eskatu dio ausarta izan dadin EH Bilduren proposamena babesteko. ELAk ere uste du EH Bilduren proposamena jeltzaleena baino hobea dela.
Nafarroak baimena eskatu dio EBri 120.000 abelbururi dermatosi nodularraren aurkako txertoa jartzeko
Aierdik azaldu duenez, azken egunotan gaitzaren bi foku atzeman ditu Frantziako Gobernuak, horietako bat, "Nafarroatik gertu dagoen eremu batean".
Martxoan hasiko dira Ertzaintzako lan-eskaintza publikoko azterketak, 150 plaza betetzeko
Probak plantilla indartzeko eta agenteen defizita estaltzeko planaren barruan sartzen dira.
Talgoren egoitza soziala eta fiskala Gasteizera itzuli da
Euskal partzuergoak (Sidenor, Finkatuz —Eusko Jaurlaritza— eta Vital) eta Industria Partaidetzarako Espainiako Gobernuaren menpeko sozietate publikoak egin dute horren alde. Halaber, taldearen egoitza soziala eta fiskala Ribabellosara (Araba) itzuliko da.
Unai Rementeria, BBK Fundazioaren presidente berria, Xabier Sagredoren ordez
Erakundearen Patronatua asteazken honetan bildu da, Bilbon, erabakia berresteko, ohar bidez jakinarazi duenez.