Arku Atlantikoko presidenteek makroeskualde bat sortzea aldarrikatu dute
Euskadik, Galiziak, Asturiasek eta Kantabriak Makroeskualde Atlantiko bat sortzea aldarrikatu dute. Urkullu lehendakariak azaldu duenez, helburua litzateke eztabaidarako eta lanerako foro bat eratzea, zeinetan Gobernuek berdintasunean erabakiak hartu ahal izango dituzten (Europar Batasuna, estatukideak, erkidegoak eta eskualdeak).
Horretarako, urteko bigarren seihilekoa baliatu nahi dute Espainiak Europako Kontseiluaren presidentetza izango duela kontuan hartuta.
Urkulluren iritziz, Europaren eragin ardatza ekialderantz mugitzen ari den honetan, eta ikuspegi estrategiko bateratu bat egikaritzen ez baldin bada, lau autonomia erkidego horiek "fokutik kanpo" gelditzeko arriskua daukate. "Europaren aldeko apustua egiten dugu, eta ez dugu eragiteko gaitasunik galdu nahi", adierazi du.
Halaber, erakundeak eta eragile sozioekonomikoak mugiaraziko dituen Atlantikoko "lobby" gisa lan egiteko beharra nabarmendu du. "Arku Atlantikoko Batzordeko Lehendakaritzak urtarrileko Frantziako eta Espainiako Goi Bileraren Adierazpenean aurreikusitako Mugako Lankidetzarako Batzordean parte hartzea eskatuko dugu. Foro hori urtero instituzionalizatu nahi dugu, autonomia erkidego atlantiko guztietako presidenteei zabalduz", azpimarratu du.
Ipar Mendebaldeko Atlantikoko Trenbide Korridoreari lotuta, lehendakariak Europako Batzordeari eta Espainiako Gobernuari eskatu die ahalegin guztiak egin ditzatela 2030eko data errealitate izan dadin, baita Frantzian ere. Izan ere, Frantziako Gobernuak berriki egindako iragarpenaren arabera, Abiadura Handiko Trenaren (AHT) Bordele eta Akize (Okzitania) arteko trenbidea ez dute 2042a baino lehen amaituko.
Hidrogenoaren korridoreari dagokionez, kezkatuta mintzatu da Europako interkonexioen mapak ez duelako aurreikusten 2030erako aurreikusten HiWest korridorearen interkonexio atlantikoa, eta, aldiz, Mediterraneokoa bai. Ildo horretan, korridorearen Atlantikoko aldea Pirinioen mugan ez geratzea eta 2030ean penintsulara mendebaldetik sartzea eskatu du, ekialdetik egingo duen bezala.
Klima aldaketari lotuta, berriz, Urkulluk esan du muturreko gertaera klimatikoei aurrea hartzeko eta erantzuteko sistema bat garatzeko lan egin litekeela, edo kostaldeko toki kalteberenetan hiri plangintza berriz diseinatu.
Iñigo Urkullu lehendakaria Galizia, Asturias eta Kantabriako presidenteekin bildu da gaur eguerdian Ajuria Enean, lurralde atlantikoen erronka komunei buruzko gogoetak eta ekimenak partekatzeko.
Bileran hizpide izan dituzte Iberiar Penintsularen eta Europako kontinentearen arteko eremu atlantikoaren bidezko trenbide konexioa, eta trantsizio desberdinekin lotutako beste gai batzuk ere, hala nola energia, digitala edo soziodemografikoa.
Urkulluk deitu zuen gaurko hitzordua Arku Atlantikoko presidente gisa, eta Alfonso Rueda Galiziako presidentea, Adrian Barbon Asturiasko presidentea eta Miguel Angel Revilla Kantabriako presidentea egon dira bertan.
Miguel Angel Revilla Kantabriako presidentearen ustez, Kantauri isurialdeko autonomiek bultzatu nahi duten "makroeskualdeak" Europar Batasuna "Frantzian itxi ez dadin" balio behar du. Irmo adierazi du "foku aldaketa" horren "arriskua" autonomia erkidego horietarik ekialdeko herrialdeetara "proiektuak desbideratzea" dela.
Europarekiko tren loturari dagokionez, Kantabriak azaldu du Bilbotik egitea nahi duela, "logika hutsa" delako, "helburua ezin baita izan Valladolidera edo Madrilera iristea eta gero berriro igotzea".
Bere hitzaldian, Adrian Barbon Asturiasko presidenteak Pedro Sanchez Espainiako Gobernuok presidenteari eskatu dio Espainiak Europar Batasunean duen presidentetza aprobetxa dezala lau autonomiek adostu duten Makroeskualdearen sorrera bultzatzeko. Gaineratu duenez, iparraldeko trenbide konexioarekin ez dute "Mediterraneo korridorearekin lehiatzen"; aitzitik, bi kasuetan "paraleloan" jarduteko eskatu dute.
Azkenik, Alfonso Rueda Galiziako presidenteak berretsi du Galizia, gaurko hitzorduan zeuden gainerako erkidegoak bezala, ezin dela isolatuta geratu. "Europarekiko trenbide lotura Frantziatik eta Euskaditik igarotzen da", bere ustez, eta argi utzi du erabateko adostasuna "hori lortzeko planteamendu bateratuak egiteko". Halaber, Portugal "Europarekiko lotura energetikoa eta trenbidekoa defendatzeko aliatu ona, interesgarria eta indartsua" dela esan du.
Zure interesekoa izan daiteke
Hernani, Tolosa eta Lezo etxebizitza-eremu tentsionatu izendatu dituzte
Izendapen horiekin, Euskadin dagoeneko 14 udalerri daude tentsionatuen zerrendan, eta litekeena da laster Arrasate, Zestoa, Pasaia eta Basauri ere gehitzea.
Bi greba egun deitu dituzte Amurrioko Tubos Reunidosen
Amurrioko eta Trapagarango lantegietako beharginen batzordeak Bizkaiko egoitzan bildu dira, otsailaren 9an zuzendaritzarekin egingo den lehen bileraren aurretik jarrera bateratua finkatzeko. Negoziazio mahaiko ordezkaritza adostu dute, baina, lanuzteei dagokienez, Amurrioko plantan bakarrik egingo dira. Trapagarango langileek ez dituzte babestu grebak.
Urrearen eta zilarraren prezioak behera, pasa den astean markak hautsi ostean
Pasa den urtarrilaren 29an ezarri zuen urreak bere azken marka (5595,47 dolar), eta zilarrak ere bai (121,65 dolar).
Tubos Reunidoseko Amurrioko eta Trapagarango batzordeek bilera egingo dute gaur, EEEaren inguruan zer jarrera hartu erabakitzeko
Enplegu-erregulazio espedienteak bi lantokiri eragiten dien arren, enpresak espediente bakar gisa negoziatu nahi du. Horregatik, jarrera komun bat ezarri nahi dute bi batzordeek.
Tubos Reunidos: Trumpen muga-zergek bultzatutako krisiaren gakoak
Konpainiak produkzioaren % 40 galdu du, bere merkatu nagusia (% 45eko kuota) AEB baita. Txerra Molinuevo Amurrioko alkatea zuhur bezain kezkatuta agertu da, "Tubos Reunidos motor ekonomikoa baita eskualde osoan".
Nafarroako Volkswagenek ohartarazi du 93 langile finko egiteak lan-erregulazioko espediente batean amaitu dezakeela
Enpresak "legezkotasuna zorrotz beteko" duela ziurtatu dio batzordeari bilera batean, Lan Ikuskaritzak behin-behineko 93 langile finko egitea agindu ostean. Sindikatuek akordiorako proposamena egin dute.
32 urteko langile bat hil da Zumaiako enpresa batean, pieza handi batek jota
Estaños Matiena enpresan jazo da ezbeharra, LAB sindikatuak jakinarazi duenez. Enpresa horrek hainbat salaketa zituen prebentzio-araudia ez betetzeagatik, sindikatuak salatu duenez.
UGT, CC. OO. eta USO sindikatuek akordioa sinatu dute Arabako garbiketa-hitzarmenerako
ELA eta LAB sindikatuek, aldiz, baztertu egin dute aurreakordioa, "amore ematea" delakoan, eta "atzerakada nabarmena" dakarrela iritzita. Uste dute "langileak erosteko ahalmena galtzeko arriskuan" egongo direla, "azken bost urteetan gertatu den bezala".
Tubos Reunidosek enplegu-erregulazioko espediente bat proposatuko du Amurrio eta Trapagarango lantegietan
Tubos Reunidoseko zuzendaritza bi lantegietako enpresa-batzordeekin bildu da gaur goizean, lan-erregulazioko espedientea iragarri ondoren. Sindikatuetako iturrien arabera, bileran, zuzendaritzak planteatuko dituzten neurriak aurkeztu ditu. Kontsulta aldiak, paraleloak eta bi lantegietarako, otsailaren 9an hasiko dira, eta asmoa da negoziazioa bi enpresa batzordeekin negoziazio mahai bakar batean garatzea.
EAEn batez besteko soldata % 3,6 haziko da 2026an, KPIaren gainetik beste urte batez
LKS Nextek egindako ikerketa baten arabera, profil profesional teknikoak, industrialak, digitalak eta AAri eta datuen analisiari lotutakoak dira gehien behar direnak.