Bankuak suspertu dira UBSk Credit Suisse xurgatu ondoren
Espainiako burtsak % 1,31 egin du gora astelehen honetan, bankuen susperraldiari esker; izan ere, lehen orduko erorialdiak gorabehera, igoera nabarmenekin itxi dute, Suitzan Credit Suisseren konfiantza krisiari aurre egiteko akordioa lortu ostean. Suitzako bankuaren akzioek % 55,7 egin dute behera.
Espainiako adierazle nagusiak galerekin hasia zuen saioa, UBSk Credit Suisse erosiko zuela iragarri eta hurrengo egunean.
Bere indize nagusiak, IBEX 35ek, 113,8 puntu lortu ditu, aipatutako % 1,31, 8.833,1 punturaino, hau da, urtea hasi zenetik izandako irabaziak % 7,34ra igo dira, merkatuko datuen arabera.
Atzo iragarritako Credit Suisse eta UBSren integrazioak markatu du zalantzaz beteriko eta beheranzko joeradun saioaren hasiera. IBEXek 8.500 puntu inguru lortu ditu, baina joera aldatu du laster, eta eguerdirako positiboan zegoen. Wall Streeten goranzko irekierak irabaziak sendotzen lagundu du.
Indizeko sei bankuak, goizean merkatua zenbaki gorrietara eramaten zutenak, azkenean igo egin dira eta funtsezkoak izan dira burtsaren gorakadan (eguneko zortzi balore negoziatuenen artean daude), Inditex (% -0,42) ez beste balio handi guztiek ere aurrera egin duten egunean.
Hala, BBVAk, indizetik joera onena izan duen bigarrenak, % 3,23 egin du gora; CaixaBankek, % 3,19; eta Santanderrek, % 2,77. Sabadellek eta Bankinterrek % 1,71 eta % 1,48 egin dute gora, hurrenez hurren, eta Unicajak, % 0,91.
Europako Bankua, Ebazpen Batzordea eta Banku Agintaritza pozik agertu dira suitzar agintariek finantza jardueren egonkortasuna bermatzeko hartutako neurriekin, eta europar bankuetan likidezia arazorik ez dagoela berretsi dute guztiek.
Europako burtsa
Bestalde, Frankfurteko selektiboak % 1,12ko igoerarekin itxi du eguna, 14.933,38 punturaino iritsita, Credit Suisseren erreskatearen ondoren merkatuetan izandako baretzeagatik lehengoratu ondoren.
Bestalde, Milango burtsak ere gora egin du astelehen honetan, eta FTSE MIB indize selektiboa % 1,59 igo da, 25.899,57 puntutan kokatuz, Suitzako bankuaren krisiari emandako konponbideak arinduta.
Christine Lagarde Europako Banku Zentraleko presidenteak gaur arratsaldean Europako Parlamentuan esan duenez, euroguneko bankuek "kapital eta likidezia posizio sendoak" dituzte.
Albiste gehiago ekonomia
Espainiako Gobernuak baztertu du aireportuen kudeaketa osorik Euskadira transferitzea
Diario Vasco egunkariak argitaratu duenez, Eusko Jaurlaritzak erabaki estrategikoetan iritzia eman ahal izatea proposatu du Espainiako Gobernuak, baina eskualdatzea osorik egitea baztertu du, Estatuaren eskumen esklusiboa delako.
Azkoitiko Juaristi eta Aitek enpresetako langileek bizi duten "egoera jasanezina" salatu dute
Orain urtebete inguru lehertu zen lan-gatazkaren berri emateko, agerraldia egin dute bi enpresetako langileek. Uste dute zuzendaritzak "ezkutuko itxiera plan bat" duela. 130 lanpostu eta hainbat familia "arriskuan" daudela salatu dute.
Lodosako Karey Solanok konkurtsoa egingo du, eta lantegia itxi eta 36 beharginak kaleratuko ditu
Langile gehienak oso aspaldi hasi ziren lanean, eta batez beste 50 urtetik gorakoak dira. CCOOk salatu du oraindik ez dutela abuztuko nomina jaso.
Ostiralean sei hilabete beteko dira Gasteizko lorezainek grebari ekin ziotenetik, eta manifestazioa deitu dute egun horretarako
Gaur goizean Gasteizen egindako prentsaurreko batean, Enviser enpresako langileek "borrokarekin jarraitzeko" asmoa agertu dute, "soldata duinak lortu arte". Gainera, langileak akordiorako prest agertu dira, baina hori lortzeko "Gasteizko Udalaren benetako inplikazioa" beharrezkoa dela uste dute.
Zeintzuk dira BBVAren eskaintza berriaren gakoak?
Josu Ferreiro EHUko irakasleak Radio Euskadin egin duen elkarrizketa batean adierazi duenez, erakundeak Kataluniako bankuko akziodunen zati handi batek eskatzen zuenera egokitu du bere proposamena, lehen eskaintzari uko egin baitzioten, nahikoa ez zelakoan. Ferreirok zehaztu duenez, BBVAk ez du eskudirutan ordainduko, akzio propioetan baizik, eta horrek abantaila fiskala dakarkie akziodunei, zergak gutxiago ordaintzea dakarrelako. Mugimendu horrekin, Carlos Torres Vila buru duen bankuak Sabadellen akzioen merkatuko balioa berdindu du, eta horrek opak aurrera egiteko aukerak areagotu ditu, nahiz eta BBVAri berari kostu handiagoa ekarri. Hobekuntza berri bat egon litekeen galdetuta, ekonomialariak uste du zaila dela: "BBVAk argudiatu zuen Sabadellen akzioak gainbaloratuta zeudela. Orain, alde hori desagertu egin da. Beste eskaintza bat baztertu beharko litzateke, hau izango litzateke azkena", adierazi du. Elkarrizketa Boulevard saioan entzun daiteke, GUAUn, 02:50: 00etatik aurrera (jatorrizkoa, gaztelaniaz).
2026an jarriko da martxan Petronorren eta OCO Technologyren agregakin sintetikoen planta, Bilboko Portuan
Proiektua 2024an hasi zen eraikitzen, eta Europa kontinentalean agregakin sintetikoak fabrikatuko dituen lehen lantegi industriala izango da. Agregakin horiek CO2 gasa harrapatzen dute, bai ekoizpen prozesuan zehar, baita horien bizitza baliagarrian ere.
BBVAk % 10 igo du Sabadell bankua eskuratzeko eskaintza
Carlos Torres BBVAren presidenteak azpimarratu duenez, hobekuntza eginda "aparteko eskaintza" jarri dute Banco Sabadellen akziodunen esku, "balorazio eta prezio historikoarekin, eta bi bankuen batasunarekin sortutako aukera apartan parte hartzeko aukerarekin". Sabadellek, bere aldetik, erantzun du azken eskaintza "jatorrizkoa baino okerragoa" dela.
Maderas de Llodio, greba mugagabean
Langileen batzordeak salatu du enpresak produkzioaren % 40 beste lantegi batzuetara eramateko asmoa duela, eta deslokalizazioak Laudioko eta eskualdeko "lantegiaren etorkizuna arriskuan jartzen" duela.
Multiverse Computingek % 30 handituko du bere lantaldea Donostian
Software kuantikoan eta adimen artifizialean espezializatutako enpresa donostiarrak datorren urtean 60 pertsona kontratatzea aurreikusten du. 4 langile zituztela abiatu zuten konpainia 2019an, eta 260 izango dira laster.
Pentsiodunak Euskadiko hiriburuetan manifestatu dira gutxieneko pentsioak LGSarekin parekatzea eskatzeko
Ehunka pertsonak bat egin dute Gasteizen eta Donostian Euskal Herriko Pentsiodunen Mugimenduak deitutako manifestazioekin; hain zuzen ere, osteguneko Legebiltzarreko bozketan presioa egiteko, gutxieneko pentsioak Lanbide arteko Gutxieneko Soldatarekin (LGS) parekatzea eskatzeko.