Arcelor Mittalek 7.000 lagunentzako lan erregulazioa aurkeztu du, tartean Etxebarri, Lesaka eta Legasakoentzat
ArcelorMittaleko zuzendaritzak Aldi Baterako Lan-Erregulazio Espedientea (ERTE) aurkeztu die sindikatuei ostiral honetan, halabeharrez, asteazkenean Xixongo lantegiko A labe garaian kalteak eragin zituen istripuaren ondoren.
Asturiasko klusterreko plantillako 7.000 langile ingururi eragingo lieke espedienteak. Kluster horrek barne hartzen ditu Etxabarriko (Bizkaia) lantegia, Lesakako eta Legasako Nafarroako lantegiak, Asturiasko guztiak eta Saguntoko lantegia. Ez dute zehaztu lantegi bakoitzeko zenbat langileri eragingo dien espedienteak.
Sindikatuek uste dute enpresak goizegi hartu duela erabakia, eta labean izandako kalteen benetako irismena ezagutu arte itxaroteko eskatu dute.
Siderurgiak espero du astebeteko epean jasoko duela kalteen txostena, berez 2025era arte irautea aurreikusita zeuden instalazioak konpontzeko aukera baloratzeko.
Sindikatuek bilera egingo dute zuzendaritzarekin datorren asteazkenean,eta, hasiera batean hitzarmenaren negoziazioekin jarraitzeko programatuta bazegoen ere, espedientea aztertzeko ere probestuko dute bilera, behin kalteak zenbaterainokoak diren jakinda.
Gertakariaren ondorioz, gutxienez bi hilabetez gelditu beharko dira Xixongo instalazioak, eta horregatik planteatu du enpresak ERTE bat aplikatzea bere plantillako langile guztientzat.
Zure interesekoa izan daiteke
Espainiako Gobernuak dio Europako Justiziaren epaiak ez duela behartzen langile interinoak zuzenean finko bihurtzera
Astearte honetan argitaratutako epai batean, Europar Batasuneko Justizia Auzitegiak adierazi du ez dela nahikoa Espainiak interinoak mugagabe ez-finko bihurtzea. Espainiako Gobernuak, bien bitartean, berretsi egin du langileen behin-behineko kontratuen kopurua murrizteko konpromisoa duela, eta nabarmendu du 419.756 plaza egonkortu dituela dagoeneko.
Inflazioa % 3,4koa izan da martxoan Euskadin, eta % 3,5ekoa Nafarroan, petrolioaren prezioaren ondorioz
Martxoko inflazioa Espainiako Estatuan uste baino hamarren bat altuagoa izan da, erregaien prezioen gorakadak eraginda.
Europar Batasuneko Justizia Auzitegiaren ustez, ez da nahikoa Espainiak interinoak mugagabe ez-finko bihurtzea
Europako Justiziaren ustez, egungo ereduak ez du bermatzen erantzun eraginkorrik, eta indartu egiten du 2024ko doktrina.
Fiskaltzak CAFen aurkako ikerketa abiatu du, Jerusalemgo tranbiaren eraikuntzan duen inplikazioagatik
Azpiegiturak Jerusalemen okupatutako lurraldeak eta Jerusalem mendebaldea lotzen ditu. Gizarte zibileko hainbat erakundek salaketa jarri dute Fiskaltzan, CAFeko administrazio kontseiluaren eta sei filialetako zuzendarien aurka, eta auzia Auzitegi Nazionalak ikertzea eskatu dute. LABek Jerusalemgo tren arinaren proiektua bertan behera uzteko eskatu dio CAF enpresari.
Iberiak Kubarako hegaldi zuzenak bertan behera utziko ditu ekainetik aurrera, energia krisia dela eta
Etenaldiak irauten duen bitartean, Kubara joan nahi dutenei Iberiak eskainiko die Panamara joatea, eta handik, uhartera. Habanan dituen bulegoak zabalik izango ditu Iberiak.
"Jo ta ke, hemen erabaki arte" lelopean, ELAk 1.500 euroko gutxieneko soldata propioa aldarrikatuko du Maiatzaren 1ean
Sindikatuak Confebasken jarrera kritikatu du, "euskal gizartetik gero eta urrunago" dagoelako, eta Pradalesi eskatu dio "gutxieneko soldata propioaren alde egiteko".
Bizkaiko Ogasunak 1.317 euro itzuliko ditu errenta aitorpenean, batez beste
Foru Ogasunak aurreratu du herritarren alde aterako dela errenta aitorpena, eta jakitera eman du zergadunen % 70i dirua itzuliko zaiela.
Energiaren prezioek, berriz ere gora: Brent petrolioa % 7 igo da, eta gas naturala, % 8,5
Estatu Batuek Iranen aurka egindako erasoaren aurretik, Brent upelaren prezioa 72 dolarrean zegoen; gaur, berriz, 102 dolarrera iristear dago.
Donostiako alkateak eskatu du turismo zerga uda honetarako ezarri ahal izatea
Donostiako alkate jeltzaleak, Jon Insaustik, turismo zerga uda honetan aplikatu ahal izatea galdegin du, eta alderdi politikoei eskatu die foru arauaren proiektuaren zuzenketen tramitea aprobetxa dezatela, hori posible izan dadin.
Gipuzkoarrek bizkaitarrek baino merkeago dute Bilbo-Donostia autobus zerbitzua, baina Facuak berdintasuna eskatu du
Zerbitzua ematen duten Avanza enpresak Mugi txartela onartzen du eta deskontuak aplikatzen ditu, baina ez du Barik txartela onartzen. Gipuzkoako Foru Aldundiak du linea horren gaineko eskumena.