Martxoko azken greba eguna dute gaur Bizkaibuseko langileek Ezkerraldeko eta Enkarterriko zerbitzuetan
Bizkaibuseko beharginek greba eguna dute gaur, asteartearekin, Ezkerraldeko eta Enkarterriko zerbitzuetan, KPIaren araberako soldata igoera, hitzarmen "duin" bat eta gainerako zerbitzuetako langileen lan baldintza berberak aldarrikatzeko. "Eskubide horien defentsan", manifestazioa egin dute Bilbon, 08:00etatik aurrera.
Bizkaibusi zerbitzua ematen dioten bost enpresetatik lauk duela bost hilabete abiatu zituzten protestak, Durangaldeko lineako beharginek lortutako lan baldintza berberak eskatzeko.
"Onartezintzat" jotzen dute enpresen arteko "berdintasun eza". Izan ere, Durangaldeko Avanza enpresako langileek akordioa itundu zuten hitzarmena berritzeko. Orain arteko aldarrikapenetan, gogoan izan dute, halaber, Bilbobuseko lankideen egoera edo "negoziatzeko aukera izan duen ezein garraio enpresarena".
Apiriletik aurrera, negoziazioek "blokeatuta" jarraitzen badute, enpresa batzordeek aurreratu dute mobilizazioei eutsiko dietela. "Lehenengo eguneko maiztasun eta gogo berarekin egingo dugu protesta, gogor baikaude eta ez baitugu amore emango", esan dute.
Behin martxoa amaituta, greba deialdiek izandako eragina aztertu eta hurrengo mobilizazioen ibilbidea zehaztuko dute, alegia, protestak elkarrekin edo bakoitzak bere aldetik egingo dituzten zehaztuko dute, eta deialdi berriak noizko deituko dituzten erabaki.
Albiste gehiago ekonomia
Lan mahai bat osatu da Barrualde-Galdakao ESIko larrialdi zerbitzuaren egoera bideratzeko
Inplikatutako alderdi guztiek hartuko dute parte, “diskrezioz” lan eginda. Egoerak eztanda egin du, larrialdi zerbitzuetako langileen zati handi bat bajan dagoen garaian, zuzendari medikoak dimisioa eman duenean.
Eusko Jaurlaritzak hamarren bat apaldu du 2026rako hazkunde aurreikuspena eta % 1,7an kokatu du
Industria izango da ziurgabetasunak eta nazioarteko merkataritzaren moteltzeak gehien eragingo duen sektorea, kanpoko lehiak daukan eraginagatik.
Sindikatuek salatu dute Galdakaoko Ospitaleko zuzendaritza duela bi urtetik zela arazoaren jakitun
Galdakaoko larrialdi-zerbitzuetako langileek duela bi urte salatu zuten lan karga handiegia zutela, LAB sindikatuko Jesica Gondraren hitzetan. Adierazi duenez, zuzendaritzak urte biko epean ez du ezer egin baieztatu. Sindikatuen ustez, zuzendaritzak egoera baliatu nahi du langileen irudia zikintzeko, Gernikako larrialdi-zerbitzua gauez itxita.
Barrualde-Galdakao ESIaren zuzendari medikoak dimititu egin du, larrialdi-zerbitzuko langileen bajak direla eta sortutako krisi betean
Langileen batzordea eta zuzendaritza 13:00etan bilduko dira, Galdakao-Usansolo Ospitaleko Larrialdi Zerbitzuko egoera bideratzeko. Bertan, azken asteetan hainbat baja-mediko eta barne mugimenduak pilatu dira.
Auzitegi Gorenak atzera bota du ABRAren helegitea, eta 'Arabako Mahastiak' jatorri-deitura behin betiko baliogabetzea berretsi du
Uste du bederatzi urte hauetan "kalte larria" egin zaiela "Errioxa jatorri-deiturari, haren kideei, markari eta izen onari".
Gasteizko lorezainak lanera itzuli dira, gutxieneko zerbitzuak betetzeko
Gasteizko lorezainak lanera itzuli dira gutxieneko zerbitzuak betetzeko. Florida parkeko belarra mozten hasi dira. Belarra mozteko bost makina eta sasiak garbitzeko beste pare bat makinarekin ia hiru hilabetez ukitu gabe egon diren lorategiak zaintzen hasteko agindua jaso dute. Ezarritako zerbitzu minimoak gehiegizkoak eta justifikazio gabeak direla salatu dute lorezainek.
Hasi da hegaluzearen denboraldia: 8.000 kilo heldu dira Getariako portura
Datozen egunetan olatu handia espero da, euskal arrantzaleek hegaluze asko arrantzatu baitute kostaldetik gertu. Salneurria: 13 euro.
ELAk helegitea jarriko die Gasteizko lorezainei ezarritako gutxieneko zerbitzuei
Sindikatu abertzalearen ustez, "justifikaziorik gabekoak" dira eta "grebarako eskubidea urratzen dute". ELAk salatu duenez, "orain funtsezkotzat jotzen da baldintza prekarioak dituen lan bat".
Ekainaren 25etik eskatu ahal izango dira ibilgailu elektrikoak erosteko 7.000 eurorainoko dirulaguntzak
Eusko Jaurlaritzak Moves III 2025 plana martxan jarriko du, 14,9 milioi euroko partida bideratuta, mugikortasun elektrikoa sustatzeko eta autoak eta birkarga-puntuak erosteko dirulaguntzak emateko.
Euskadik Estatuko bigarren soldata-kosturik altuena izan du urteko lehen hiruhilekoan
Euskadin, soldaten kostua 2.543,50 eurokoa izan da lehen hiruhilekoan, eta Espainian, berriz, batez bestekoa 2.290,46 eurokoa.