Interes tasak % 0,25 igo ditu Europako Banku Zentralak
Europako Banku Zentralak (EBZ) interes tasak igotzeko erritmoa moteldu du eta % 0,25 igo ditu tasak, % 3,75eraino.
Inflazio orokorrak azken hilabeteetan behera egin badu ere, EBZko Gobernu Kontseiluak ohar bidez adierazi du prezioen gaineko azpiko presioa "handia" dela eta inflazio aurreikuspenak "altuegiak" direla.
Aldi berean, azpimarratu du aurreko interes igoerak eragina izaten ari direla euroguneko finantzazio eta moneta baldintzetan eta ikusteke dagoela zer nolako ondorioak izango dituzten ekonomia errealean.
Halaber, Europako Banku Zentralak nabarmendu du prest dagoela bere tresna guztiak doitzeko epe ertainean inflazioa % 2ra jaisteko eta beharrezkoa den denboran maila horretan mantentzeko.
Bestalde, Gobernu Kontseiluak esan du azpiko inflazioaren eboluzioak eta moneta politikaren transmisioaren intentsitateak baldintzatuko dituztela etorkizuneko erabakiak.
Iazko uztailean hasi zen Europako Banku Zentrala interes tasak igotzen. Harrezkero, zazpi aldiz igo ditu jarraian tasak, % 0tik hasi eta % 3,75eraino.
Mugarik gabeko igoera
Christine Lagardek azaldu duenez, interes tasen igoerari buruzko erabakia "erabateko adostasunez" hartu da. Are gehiago, Europako Banku Zentraleko presidenteak dio igoeraren aurkako iritzirik entzun ez zuela.
Horrekin batera, Lagardek berretsi du honako hau ez dela azken igoera izango, eta, beraz, EBZk bere interes tasak igoko dituela datozen hilabeteetan. Hala eta guztiz ere, ez du baieztatu noraino handituko dituzten, ezta muga zein den.
"Interes tasa nahikoa murriztailea zein den jakingo dugu bertara iristen garenean", esan du diru-erakundeko presidenteak.
Zure interesekoa izan daiteke
Andoaingo garraiolari bat bero kolpe baten ondorioz hil dela salatu du LABek
Sindikatuak gogorarazi du muturreko beroaren aurrean enpresek protokoloak aktibatu behar dituztela, eta jarduera eten behar dutela egoerak hala eskatzen badu.
Eroskik bere 40 gasolindegiak saldu dizkio Petroprix "low cost" konpainiari
Taldeak eraldaketa testuinguru batean hartu du erabakia, "kontsumo-ohitura berriek eta operadoreen espezializazio gero eta handiagoak markatuta".
Volkswagen Taldeak 100.000 lanpostu murriztuko ditu 2030era arte, Alemaniako hedabideen arabera
Konpainiak adierazi duenez, "gaur egungo negozio-eredua ez dabil marka guztientzat".
Tubos Reunidosen enplegu erregulazioko espedientearen aurkako demanda artxibatu dute, ez dela aplikatuko iragarri ondoren
Enplegu erregulazioko espedientearen aurka sindikatuek aurkeztutako demandak zentzua galdu zuen konkurtso-administratzaileak iragarri zuenean ez zuela aplikatuko.
Espainiak gasolio-, gasolina- eta keroseno-erreserbak ditu ia 100 egunerako
Sara Aagesen hirugarren presidenteorde eta Trantsizio Ekologikorako eta Erronka Demografikorako ministroak berretsi du Espainiako gas- eta petrolio-merkatuak "lasai eta normal" funtzionatzen ari direla.
Espainiako Gobernuak 107 milioi inbertituko ditu Multiverse Computing enpresa donostiarrean
2025ean, Eraldaketa Teknologikorako Espainiako Sozietateak bere babesa eman zion konpainiari 59,2 milioi euroko inbertsioarekin, AAri lotuta aurrerapen teknologikoak sustatzeko helburuarekin.
Bizkaiko Aldundiak iragarritako aldaketa fiskalek langileen artean desberdintasunak sortzen dituztela salatu du ELAk
Aldundiak beherapen fiskalak eskaini nahi ditu enpresak bertan errotzeko eta langileak erakartzeko. ELAren arabera, "enpresarien zerbitzura" egindako neurriak dira, eta langileen artean ezberdintasunak sortuko dituzte.
Araban, AP-68a % 70 merkeago izango dute autoek, eta % 50, kamioiek
Foru Aldundiak azaroan hartuko du bere gain bide horren Arabako zatiaren kudeaketa. Tarifen helburua lurraldeko gaitasun handiko bideen "zaintzeko eta modernizatzeko baliabideak biltzea" izango dela adierazi du.
Osakidetzak deitutako EPEaren azterketak gainditu dutenen batez besteko tasa % 90 ingurukoa da
Epaimahaiek berehala zuzentzen dituzte azterketak, eta Osakidetzak egun berean edo hurrengo egunean argitaratzen ditu notak. Normaltasunez eta gorabeherarik gabe egin dituzte probak.
Osakidetzako EPEaren azken egun handia BECen
Guztira, 13.112 pertsonak eman dute izena Erizaintzako hautaprobak egiteko. Administrari laguntzaile (16.728 hautagai) eta administrari (9.821) lanpostuak betetzeko azterketak ere egin dituzte goizean.