Hiru eguneko greba, gaurtik hasita, EAEko Justizia Administrazioan
Euskal Autonomia Erkidegoko (EAE) Justizia Administrazioko langileak hiru greba egun —gaur, bihar eta etzi— egitera deitu dituzte ELA eta LAB sindikatuek, euren baldintzak (bereziki soldata) Administrazio Orokorreko gainerako funtzionarioen baldintzen parekoak izatea eskatzeko.
Apirilean zehar, hainbat lanuzte partzial egin dituzte langileok, eta hilaren 19an egun osoko greba deitu zuten. Gaur, grebaz gain, elkarretaratzea egingo dute Bilboko Justizia Jauregiaren aurrean, 11:30ean.
Eusko Jaurlaritzari "beste alde batera begiratzeari uzteko" eskatu diote bi sindikatuek, eta 2012an Justizia sailburu zen Idoia Mendiak sinatutako akordioa (IV. Hitzarmen Arautzailea) betetzeko galdegin. Duela 10 urte luze hitzartutakoaren arabera, Justizia Administrazioko langileek gainerako funtzionarioen soldata bertsua eduki beharko lukete. Sindikatuen esanetan, ordutik "Eusko Jaurlaritzak sistematikoki urratzen du" akordioa.
Halaber, erretiro-baldintzak parekatzea eta "Emakumeen Kontrako Indarkeriaren Epaitegietako" langileentzat soldata plusa eskatzen dute.
Eusko Jaurlaritza Espainiako justizia alorrean gauzatzen ari den negoziazioaren zain omen dago. Korapilo hori askatu bitartean, lau urteko epean, Justizia Administrazioko langileen soldatak % 10 igotzea proposatu du Jaurlaritzak.
Bien bitartean, epaile eta fiskalen elkarteek eutsi egin diete maiatzaren 16tik aurrera iragarritako lanuzteei, akordiorik gabe amaitu baitzen atzo Justizia Ministerioko ordezkariekin egindako bigarren bilera.
Ministerioak hilean 350 eta 490 euro arteko soldata igoerak eskaini zizkien elkarteei, baina, nahikoa ez dela iritzita, negoziatzen jarraituko dute.
Zure interesekoa izan daiteke
Petronorreko greba bertan behera, enpresak bide judizialari uko egin ostean
Sindikatuek bertan behera utzi dute greba mugagabea, zuzendaritzarekin adostuta, 83 eguneko lanuztearen ondoren.
Europa osoko nekazariek Brusela hartu dute politika bateratuaren eta Mercosurrekiko akordioaren aurka protesta egiteko
Lehen ordutik, milaka traktorek eta nekazarik hiriko auzo europarra blokeatu dute, Europar Batasuneko erakundeen politiken aurka protesta egiteko. Poliziarekin ere istiluak izan dira. Europako nekazaritza-sektorea kontuan hartzeko eta kalterik ez egiteko eskatu dute.
EAEko ekonomiaren hazkundea % 2,1ekoa izango da datorren urtean, Confebasken arabera
Confebaskek aurreikusten du BPGa % 2,1 haziko dela 2026an Euskal Autonomia Erkidegoan, nahiz eta egun dauden "arriskuek" % 1,7 eta % 2,6 arteko tartean egotea eragin dezaketen. Inbertsioan eta enpleguan dinamismo txikiagoa izatea espero du Confebaskek.
Bizumen gaineko kontrol gehiago izango dira 2026an, baina profesionalei eta enpresaburuei eragingo die soilik
Zerga Agentziak ordainketa digitalei buruz jasotzen duen informazioa indartuko du 2026tik aurrera, Bizumekin egindako eragiketak barne, baina neurria jarduera ekonomikora mugatuko da eta ez du eraginik izango partikularren arteko trukeetan.
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarriz gero, haragiaren prezioan eragina izango duelakoan. Alabaina, kasu bakar bat agertuko balitz, etxaldeko abelburu guztiak sakrifikatzea eragingo luke.
Medikuen sindikatuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio gehiago egingo dituztela iragarri dute.
?fmt=webp-alpha&qlt=80)
Nekazarien protestek jarraitzen dute Ipar Euskal Herrian eta Frantzia osoan, dermatosi nodularraren auzia nola kudeatu den eta Mercosurren ituna salatzeko
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.
ELAk, LABek eta Steilasek sektore publikoan euskaraz lan egin eta zerbitzua euskaraz emateko eskubidea bermatzeko eskatu dute
Euskararen aurkako oldarraldi judizialaren aurrean, alderdiei zerbitzu publikoetan euskaraz lan egin eta arreta jasotzeko bermeak emango dituen lege bat exijitu diete. LABek EAJri eskatu dio ausarta izan dadin EH Bilduren proposamena babesteko. ELAk ere uste du EH Bilduren proposamena jeltzaleena baino hobea dela.
Nafarroak baimena eskatu dio EBri 120.000 abelbururi dermatosi nodularraren aurkako txertoa jartzeko
Aierdik azaldu duenez, azken egunotan gaitzaren bi foku atzeman ditu Frantziako Gobernuak, horietako bat, "Nafarroatik gertu dagoen eremu batean".
Martxoan hasiko dira Ertzaintzako lan-eskaintza publikoko azterketak, 150 plaza betetzeko
Probak plantilla indartzeko eta agenteen defizita estaltzeko planaren barruan sartzen dira.