Espainiako Bankuak kritikatu egin ditu pentsioen erreforma eta Etxebizitza Legea
Inflazioari aurre egiteko hartutako neurriak apurka-apurka kentzen hasteko gomendioa eman du Espainiako Bankuak, eta azpimarratu du neurri horiek zaurgarrienei zuzenduta izan behar direla, ez orokorrak.
"Inflazio handiko testuinguruan, zerga politikaren maila ezin da diru politika gogortzearekin bateraezina izan", adierazi du Pablo Hernandez de Cos Espainiako Bankuko gobernadoreak gaur "2022ko urteko txostena" aurkezteko ekitaldian. Hori horrela, erakundeak uste du aurten bertan zerga kontsolidazioaren plan bat jarri behar duela martxan Gobernuak.
Krisiaren eraginak arintzeko neurri eta laguntzen harira, arautzaileak gogorarazi du behin-behinekoak izan behar direla, eta kolektibo zaurgarriei zuzenduak. Era berean, energia gutxiago kontsumitzeko laguntzak bere horretan utzi behar direla erantsi du.
Inflazioaren gorakadari aurre egiteko neurriak —besteak beste, produktu batzuei BEZa jaistea edo kentzea, familientzako edo enpresentzako dirulaguntzak— pixkanaka-pixkanaka erretiratzearen alde mintzatu da, nazioarteko prezioak jaisten doazen heinean.
Espainiako Bankuaren aburuz, 2022-2023. urteetan krisiaren kontra martxan jarritako neurriek inflazioari eusten lagundu zioten iaz, eta hala egingo dute 2023an ere. Hori bai, neurriak kenduta, prezioek, batez ere 2024an, gora egingo dutela aurreikusi du. Zehazki, KPIa 1,5 puntu haziko dela iragarri du.
Etxebizitza legearen ondorioak
Horrez gain, ohartarazi du Espainiako Gobernuak onartu berri duen Etxebizitza Eskubidearen aldeko Legean jasotako neurri batzuek, hala nola alokairuen prezioa mugatzeko erabakiak, epe ertainera "ondorio kaltegarriak" izan ditzaketela.
Horren arabera, literatura ekonomikoak jasota du prezioen kontrola eraginkorra izan daitekeela epe laburrean, baina epe luzera kontrako ondorioak izan ditzakeela eskaintzan eta higiezinen merkatua zatitu dezakeela.
Finantza erakundearen esanetan, alokairuaren eskaintza publikoa handitu behar da, baina eskaintza pribatuaren babesa ere beharrezkoa dela nabarmendu du.
Pentsioak
Azkenik, Hernandez de Cosek esan du pentsioen sistemaren jasangarritasun finantzarioa indartzeko "neurri gehiago" hartu beharko direla 2025etik aurrera. 2021etik pentsioen sisteman egindako erreformen ondorioz, "gastu betebehar handiagoei" egin beharko diete aurre, horren ustez, eta gastuok ez dira guztiz diru-sarrerekin konpentsatuko.
Horri guztiari, kotizazioen igoerek enpleguan, soldatetan eta lehiakortasunean eragin dezaketen "ziurgabetasuna" gehitu behar zaio, Hernandez de Cosen iritzian.
Zure interesekoa izan daiteke
Europa osoko nekazariek Brusela hartu dute politika bateratuaren eta Mercosurrekiko akordioaren aurka protesta egiteko
Lehen ordutik, milaka traktorek eta nekazarik hiriko auzo europarra blokeatu dute, Europar Batasuneko erakundeen politiken aurka protesta egiteko. Poliziarekin ere istiluak izan dira. Europako nekazaritza-sektorea kontuan hartzeko eta kalterik ez egiteko eskatu dute.
EAEko ekonomiaren hazkundea % 2,1ekoa izango da datorren urtean, Confebasken arabera
Confebaskek aurreikusten du BPGa % 2,1 haziko dela 2026an Euskal Autonomia Erkidegoan, nahiz eta egun dauden "arriskuek" % 1,7 eta % 2,6 arteko tartean egotea eragin dezaketen. Inbertsioan eta enpleguan dinamismo txikiagoa izatea espero du Confebaskek.
Bizumen gaineko kontrol gehiago izango dira 2026an, baina profesionalei eta enpresaburuei eragingo die soilik
Zerga Agentziak ordainketa digitalei buruz jasotzen duen informazioa indartuko du 2026tik aurrera, Bizumekin egindako eragiketak barne, baina neurria jarduera ekonomikora mugatuko da eta ez du eraginik izango partikularren arteko trukeetan.
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarriz gero, haragiaren prezioan eragina izango duelakoan. Alabaina, kasu bakar bat agertuko balitz, etxaldeko abelburu guztiak sakrifikatzea eragingo luke.
Medikuen sindikatuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio gehiago egingo dituztela iragarri dute.
?fmt=webp-alpha&qlt=80)
Nekazarien protestek jarraitzen dute Ipar Euskal Herrian eta Frantzia osoan, dermatosi nodularraren auzia nola kudeatu den eta Mercosurren ituna salatzeko
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.
ELAk, LABek eta Steilasek sektore publikoan euskaraz lan egin eta zerbitzua euskaraz emateko eskubidea bermatzeko eskatu dute
Euskararen aurkako oldarraldi judizialaren aurrean, alderdiei zerbitzu publikoetan euskaraz lan egin eta arreta jasotzeko bermeak emango dituen lege bat exijitu diete. LABek EAJri eskatu dio ausarta izan dadin EH Bilduren proposamena babesteko. ELAk ere uste du EH Bilduren proposamena jeltzaleena baino hobea dela.
Nafarroak baimena eskatu dio EBri 120.000 abelbururi dermatosi nodularraren aurkako txertoa jartzeko
Aierdik azaldu duenez, azken egunotan gaitzaren bi foku atzeman ditu Frantziako Gobernuak, horietako bat, "Nafarroatik gertu dagoen eremu batean".
Martxoan hasiko dira Ertzaintzako lan-eskaintza publikoko azterketak, 150 plaza betetzeko
Probak plantilla indartzeko eta agenteen defizita estaltzeko planaren barruan sartzen dira.
Talgoren egoitza soziala eta fiskala Gasteizera itzuli da
Euskal partzuergoak (Sidenor, Finkatuz —Eusko Jaurlaritza— eta Vital) eta Industria Partaidetzarako Espainiako Gobernuaren menpeko sozietate publikoak egin dute horren alde. Halaber, taldearen egoitza soziala eta fiskala Ribabellosara (Araba) itzuliko da.