"Kalitatezko" osasun publikoa eta Sagarduiren dimisioa aldarrikatu dituzte sindikatuek
Goizeko lehen orduetan Osakidetzaren grebak izan duen eraginaz mintzatu dira sindikatuak, eta, horien hitzetan, jarraipen "ona" izan du orain arte, langileak "oso nekatuta" daudelako. Zehaztu dutenez, Lehen Arretan izan du jarraipen zabalena lanuzteak.
Satsek, ELAk, LABek, SMEk, CCOOk eta UGTk deitu dituzte grebara gaur eta bihar Osakidetzako 42.300 langileak, lan baldintza hobeak eskatzeko eta Euskal Osasun Zerbitzuaren "desegitea" eta lan baldintzen "prekarietatea" salatzeko.
Horren aurrean, horrelakorik gertatu ez dela iritzita, Eusko Jaurlaritzako Osasun sailburu Gotzone Sagarduik galdetu die ea zertan oinarritzen diren Osakidetzaren "desegiteaz" hitz egiteko.
Bilbon egin dituzte adierazpenok sindikatuetako ordezkariek, bertan manifestazioa egin baitute goizean, Basurtuko Ospitaletik abiatuta. Egunean zehar, mobilizazio gehiago egingo dituzte EAEko hiru hiriburuetan.
Hasiera bateko balorazioa bederen positiboa izan da, jarraipen "ona" eta "zabala" izan baitu lanuzteak, sindikatuen arabera.
"Langileak akituta eta aspertuta daude, euren eskubideak errespetatzen ez direlako". Horregatik, "negoziazioei" berriro ekiteko eskatu diete Osasun Sailari eta Osakidetzari.
Osasun publikoaren eta kalitatezko zerbitzuaren aldeko aldarriak entzun dira goizeko mobilizazioetan, eta Sagarduiren dimisioa ere eskatu dute.
Bizi duten gatazkari irtenbide bat emate aldera, "negoziazioei berriro heltzeko" eskatu diete sindikatuek Osasun Sailari eta Osakidetzari, osasun sistemaren "egiturazko arazoak" konpondu eta langileek dituzten lan baldintzak hobetze aldera.
"Duela urtebete grebara atera ginen, eta ordudanik sekulako blokeoa dago negoziazio mailan", aurpegiratu diote Osasun Sailari.
ELAko ordezkari Esther Saavedrak kritikatu du gehiegizko gutxieneko zerbitzuak ezarri dituztela, jaiegunetako zerbitzua jarri baitute ospitaleetan eta larunbatetakoa Lehen Arretan.
"Langileak nazkatuta daude", berretsi du Satseko Amaia Mayorrek. Ohartarazi duenez, "eskubideak bermatzen ez diren bitartean" mobilizatzen jarraituko dute.
%50eko jarraipena, sindikatuen arabera
% 50eko jarraipena izan du lehen lanuzte egunak, sindikatuen arabera. "Zentzu horretan, azpimarratzeko modukoa da arreta zerbitzuetako langileen artean arrakastatsua izan dela greba, eta erizainen artean ere nabarmen egin duela gora. Gasteizen, Zaramagako, Salburuko eta San Martingo osasun zentroak itxita egon dira. Gauza bera gertatu da Lasarten, Zaratamon, Gernika-Lumon eta Lemoan. Basaurin eta Hernanin, gutxieneko zerbitzuak izan dira, eta Galdakaon eta Arrigorriagan ere jarraipen zabala izan du", adierazi dute.
Eusko Jaurlaritzaren balorazioa
Goizeko txandan, % 9,9koa izan da eragina, Jaurlaritzaren esanetan. Datuak lurraldez lurralde bereizita, Gipuzkoan izan du jarraipen zabalena (% 10,6), Bizkaia (% 9,9) eta Araba (% 8,3) atzetik dituela.
Lan sailei dagokienez, sendagileen % 9,6k egin dute planto, eta erizainen % 9,2k. Gainerako sailetan, langileen % 10,82 batu dira gaurko mobilizazioetara, betiere Jaurlaritzak emandako datuen arabera.
Albiste gehiago ekonomia
Auzitegiak artxibatu egin ditu 17 medikuren aurkako salaketak, Osakidetzako Lan Eskaintza Publikoko filtrazioengatik
Arabako Auzitegiak artxibatu egin ditu Osasun Zerbitzuaren 2016-2017ko Lan Eskaintza Publikoan ustez egindako filtrazioengatik ikertutako 17 medikuren aurkako salaketak, eta ikertutako 19 lagunetatik 2ren aurka irekita uztea erabaki du.
Jaurlaritza langabezia subsidioen transferentzia bereganatzen saiatuko da asteazken honetan Espainiako Gobernuarekin
Kontribuzio-prestazioen eta langabezia-subsidioaren arloko eskumenak eskualdatzeko akordioa posible izan dadin "nahikoa denbora" eduki izana espero du Autogobernuko sailburuak.
Eusko Jaurlaritzak 2026ko urtarriletik aurrera berrekingo dio telelanari
Langile publikoek astean bi egunetan jardun ahal izango dute lan-modalitate horretan. Gainera, telelanaren bitartez lan egin dezaketen langile guztiei ere aukera hori ematen die dekretuak, betiere zerbitzu publikoa behar bezala ematen dela bermatzen bada.
Euskadik % 40 handitu du bere egungo potentzia elektrikoa, eta 16.000 megawatteko edukiera gaindituko du
Hala, "70.000 langilerentzako lana bermatzen da", eta bultzada esanguratsua dakar enpleguarentzat eta egonkortasun ekonomikoarentzat. Eusko Jaurlaritzak 6.000 megawatteko edukiera gehigarria nahi zuen, 18.000 MWetara iristeko.
Zenbateko potentzia elektrikoa behar du Euskadik?
Industria, Trantsizio Energetiko eta Jasangarritasun Sailak 6.000 MW gehiago eskatu ditu bere sarean, helburu industrialak eta deskarbonizazioa betetzeko.
Eusko Jaurlaritzak eta banku-erakundeek gazteentzako lehen etxebizitza eskuratzeko abalen programa jarri dute abian
Kutxabankekin, Laboral Kutxarekin eta Abancarekin ekin zaio programari, oraingoz lankidetza-hitzarmena sinatu dutenekin; baina, zabalik da erakunde gehiagok bat egin ahal izango dutela aurreikusten da. Finantzatu beharreko etxebizitzen erosketa-prezioa ezin izango da 340.000 eurotik gorakoa izan.
Albiste izango dira: Ustelkeriaren aurkako txostena Nafarroan, sare elektrikoari buruzko bilera Madrilen eta Venezuelako ontzi bati erasoa
Gaurkoan Orain-en albiste izango direnen laburpena, bi hitzetan.
Euskal gehiengo sindikalak pentsiodunen mobilizazioarekin bat egin du Herri Ekimen Legegilea izapidetzea eskatzeko
ELA, LAB, ESK, Steilas, Hiru eta Etxalde ere mobilizatuko dira irailaren 20an EAJri eta PSE-EEri beren jarrera "zuzentzeko" eta gutxieneko pentsioa gutxieneko soldatarekin parekatzeko ekimena izapidetzea eskatzeko.
Euskadiko inbertsio elektrikoa aztertzeko bilera izan du Jauregik Espainiako Energia idazkariarekin
Joan Groizard Energiaren Estatu idazkariarekin batzartu da Jauregi, 2025-2030 aldirako elektrizitatea garraiatzeko sarea planifikatzeko proposamenaren barruan sare elektrikoetan egingo den inbertsioari buruz eta horrek Euskadin izango duen eraginaz mintzatzeko.
Abian da siderurgiako mahai sektoriala, muga-zergen eraginaren diagnosi partekatua egin eta laguntza-bideak aztertzea xede dituela
Mahaiaren lehen bileran, Mikel Jauregi sailburuak sektore siderurgikoarekiko erakundeen konpromisoa nabarmendu du. Azaldu duenez, sektore horrek nazioarteko merkataritzarekiko esposizio handia du, eta funtsezkoa da Euskadiko egitura esportatzailean, eta Trumpek ezarritako % 50eko muga-zergek sektorearen lehiakortasuna kolokan jarri dute.