Justiziako funtzionarioen grebak % 80ko jarraipena izan du sindikatuen arabera eta % 44koa Gobernuaren ustez
Euskal Autonomia Erkidegoko Justizia Administrazioko funtzionarioek bat egin dute Estatuan deituta zegoen greba orokorraren deialdiarekin. Jarraipenaren datuak oso ezberdinak dira: ELA eta LAB sindikatu deitzaileek % 80ren bueltakoa dela esan dute; Eusko Jaurlaritzaren datuen arabera, ordea, % 44koa izan da.
Estatu osoko Justizia Administrazioko 45.000 funtzionario inguru gaurtik aurrera greba mugagabea hastera deitu zituzten sindikatuek. ELA eta LAB sindikatuek deialdi horrekin bat egin zuten, eta Eusko Jaurlaritzaren menpe dauden EAEko Justizia Administrazioko 2.000 langileri zabaldu zieten geldialdia egiteko deia.
Josu Simal ELAko ordezkariak agentziei azaldu dienez, "jarraipena oso zabala" izan da, % 80ren ingurukoa. Gipuzkoan eta Bizkaian gehiago nabaritu dela azpimarratu du, eta Araban, berriz, apalagoa izan dela.
Bestetik, Eusko Jaurlaritzako Berdintasun, Justizia eta Gizarte Politiketarako Sailak honako datuak eman ditu: greba egin dute Bizkaiko 1.143 funtzionarioetatik 475ek, Gipuzkoako 587etatik 287k eta Arabako 312tik 141ek. Datu horien arabera, langileen % 44,2k egin dute bat mobilizazioarekin.
Grebaz gainera, informazioa zabaltzeko batzarrak egin dituzte langileek. Horietan adostu dutenez, manifestazioa egingo dute ostegunean, maiatzaren 25ean, Bilbon, Eusko Jaurlaritzaren egoitzan hasi eta EAEko Justizia Auzitegi Nagusiraino.
EAEko Justizia Administrazioko funtzionarioek "Administrazio Orokorreko taulekin bat egitea" eskatzen dute. Hain zuzen ere, "eskubide hori 2012an, Idoia Mendia Justizia sailburu zenean, onartu behar ziguten", zehaztu dute. Bat-egite horrek soldatak % 12 eta 13 artean igotzea ekarriko luke.
Horrez gainera, besteak beste, genero indarkeriako epaitegietan lan egiten dutenentzat "plus berezi bat" eskatzen dute, epaitegi horretan "prozesuek dituzten zailtasunak eta lan-jardunaldian dituen eraginak" direla eta.
Albiste gehiago ekonomia
Euskadiko etxebizitza berrien prezioa, maximo historikoetan: 3.450 euro metro koadroko
Nafarroa aurretik (% 6,4) dago etxebizitza berrien prezioaren urtebeteko igoerari erreparatuta. Hiriburuei banan-banan begiratuta, batez besteko preziorik altuena Donostian dago, gero, Bilbon, eta azkenik, Gasteizen.
Iazko datuekin alderatuta, 3.074 langabe gutxiago zenbatu dira Euskadin uztailean, eta 78.743 kontratu sinatu dira
Ekainean baino 1.600 langabe gehiago daude, 104.991 guztira. Nafarroan duela urtebete baino 801 langabe gutxiago zenbatu dira, eta Espainiako Estatuan, oro har, 1.357 langabe gutxiago daude, eta 21.865.503 kotizatzailera iritsi dira. Kotizatzaile-kopuruaren gaineko datua maximo historikoa da.
Kutxabank, Espainiako bankurik kaudimendunena Europako Banku Zentralaren arabera
Erakundeak aise gainditzen du Europako batezbestekoa erresistentzia-testetan, eta Espainiako finantza-sektoreko kapital- eta palanka-adierazle nagusien buru da.
Ardo-ekoizleek AEBko muga-zergen eragin handiaz ohartarazi dute: "Ardoa % 50 garestituko da"
Mariasun Saenz de Samaniegok (Ostatu) Europako ardoaren garestitzeaz ohartarazi du, eta merkatu berriak bilatzeko deia egin du, Estatu Batuetan salmentak galduko direlako.
BBVAk 5.447 milioi euro irabazi ditu ekainera arte, % 9,1 gehiago, Espainian eta Mexikon izandako negozioari esker
Entitateak merkatuaren aurreikuspenak gainditzeaz gain, datozen urteetarako aurreikuspenak hobetu ditu, Sabadell erosteko eskaintza publikoaren harpidetza irekitzeko atzerako kontaketa bete-betean murgilduta dagoela. Hala ere, erakundeak ez du baieztatzen abiaraziko dutenik eta atzera egiteko aukera zabalik uzten du.
Bruselak baieztatu du ardoak AEBn % 15eko muga-zerga izango duela ostiraletik aurrera
Arabako Errioxarentzat, Ameriketako Estatu Batuak oso garrantzitsuak dira, bigarren merkatua baita bolumenari dagokionez eta lehena balioari dagokionez. Horregatik, Amaia Barredo Nekazaritza sailburuak "bide diplomatikoa eta negoziazioa azken minutura arte agortzea" eskatu du, ardoa salbuespena izan dadin.
ArcelorMittalen mozkinak % 80 handitu dira mundu mailan, 2.268 milioi euroraino
Sestaon, Basaurin, Legution, Agurainen, Olaberrian, Bergaran, Berriobeitin, Legasan eta Lesakan fabrikak dituen taldeak 2025eko bigarren hiruhilekoari dagokion txostena argitaratu du.
Gorenak arrazoia eman dio Bizkaiko Ogasunari BEZaren auzian, eta Euskadik 700 milioi euro berreskuratuko ditu
Gorenak eman berri du Coca-Cola enpresaren BEZa dela eta Foru Ogasunak eta Estatukoak zuten desadostasunari buruzko epaia. Horrelako kasuetan BEZa nork bildu behar duen zegoen auzibidean, eta ebatzi du Bizkaiak egin behar duela.
Elkarretaratzea egingo dute ostegunean Gasteizko Mercedesen, bederatzi orduko lanaldien aurka
Enpresak bederatzi orduko bi lanaldi ezarri zituen martxoan. CCOOk salatu duenez, eredu horrek "kontziliazioa eta atsedena erabat bazter uzten ditu".
Gehiengo sindikalak 100.000 sinaduratik gora bildu ditu gutxiengo soldata propioaren alde, eta abuztuan eramango ditu Legebiltzarrera
ELA, LAB, ESK, Steilas, Hiru eta Etxalde sindikatuek "arrakasta ikaragarritzat" jo dute kanpaina, eta ezarritako epea agortu baino itxi dute lehen sinadura-bilketa, "Eusko Legebiltzarrak gutxiengo soldataren eskumena lehenbailehen eska dezan".