EAEko Justizia Administrazioko greba bertan behera utzi dute ELAk eta LABek
ELAk eta LABek bertan behera utzi dute Euskal Autonomia Erkidegoko (EAE) Justizia Administrazioan duela hilabetetik egiten ari ziren greba. Izan ere, Eusko Jaurlaritzak eskaintza "oso interesgarria" helarazi zien atzo, eta gatazkari amaiera eman diezaiokeelakoan, langileei helaraztea erabaki dute.
Horren aurrean, asanbladak deituta zituzten asteazkeneko 14:00etarako eskaintza aztertu eta bozkatzeko. Gasteizko, Bilboko eta Donostiako justizia-jauregietan egindako batzar horietan, lortutako aurreakordioa berretsi dute. Horrrek % 13ko igoera ordaindua ekarriko du, eta kolektiboaren aldarrikapen historikoa ere jasotzen du; soldatak EAEko Administrazio Orokorreko langile homologatuen taulekin parekatzea, alegia.
Horrekin batera, ELA sindikatuak adierazi duenez, kolektiboak grebari emandako babesa "funtsezkoa" izan da lortutako helburuak bermatzeko. Loreto Cobo LABeko kidearen esanetan, "oso akordio ona lortu dugu sektoreko 2.400 langileen espektatibak gaindituko dituena. Auzitegi-medikuntzako langileak dira salbuespena, horientzat ez baitugu aurrerapen nabarmenik lortu".
ELAren eta LABen iragarpenaren ondoren, Eusko Jaurlaritzak bilera egin du CCOOrekin, eta, horren ostean, Javier Zamora Justiziako koordinatzaile sindikalak esan du "tamalez" Jaurlaritzak amaitutzat eman duela sindikatuekiko negoziazioa, "CCOOren Greba Batzordea kontuan hartu gabe", eta berariaz aipatu duenez, "sindikatuen ordezkaritzaren zati batekin bakarrik akordioa lortzeko aukera baliatu du, gainerakoei entzungor eginez".
CCOOk Administrazioari leporatu dio akordioaren behin betiko edukiaren berri emateari "uko" egitea. Sindikatuak grebari eutsiko dio, Justizia Ministerioaren aurrean, eta Estatu mailan aldarrikapenak lortu arte.
Akordioa
Onartutako akordioak puntu hauek jasotzen ditu:
- Euskal Administrazio Orokorreko ordainsari-taulak aplikatuz Eusko Jaurlaritzari transferitutako Justizia Administrazioko 2.500 langile baino gehiago parekatzea. Horrek esan nahi du langile guztien ordainsariak % 13 handituko direla.
- Era berean, Justiziako langileen lanaldiaren modalitatea errespetatuko litzateke, bere berezitasun guztiekin, gehiegizko lanalditik eratorritako egunak barne.
- Zenbatekoak % 50 ordainduko lirateke akordioa sinatzen denean, eta beste % 50, 2024ko urtarrilaren 1ean, orduan lortuko bailitzateke soldata parekatzea.
- Soldata plus bat aitortzen zaie emakumeen aurkako indarkeriaren epaitegietako langileei.
- Era berean, karrera profesionalaren osagarria negoziazio honetatik kanpo geratzen dela jasotzen da, eta geroago negoziatuko dela.
Nafarroan, grebari eutsi diote
Foru Erkidegoan bestelakoa da egoera, eta indarrean dago CCOO, STAJ, AFAPNA, CSIF eta LAB sindikatuek deitutako lanuztea. Sindikatuekin adostu ez den eta Nafarroako Parlamentuan tramitatzen ari den Antolakuntza Lege Organikoa geldiarazteko eta soldata igotzeko eskatu dute. Sindikatuon arabera, greba "jarraipen zabala" izaten ari da, eta zigor-epaitegietan du eraginik handiena: epaiketa gehienak bertan behera geratu dira.
Zure interesekoa izan daiteke
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarri ezkero, haragiaren balio ekonomikoan eragina izango lukeelakoan. Alabaina, kasu bakar bat agertzekotan, etxaldeko abelburu guztiak sakrifikatzea eragingo luke.
Sindikatu medikuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio berriak iragarri dituzte.
?fmt=webp-alpha&qlt=80)
Nekazarien protestek Ipar Euskal Herrian eta Frantzia osoan jarraitzen dute dermatitis nodularragatik eta Mercosurren itunaren aurka
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.
ELAk, LABek eta Steilasek sektore publikoan euskaraz lan egiteko eta zerbitzua eskaintzeko eskubidea bermatzeko eskatu dute
Euskararen aurkako oldarraldi judizialaren aurrean, alderdiei zerbitzu publikoetan euskaraz lan egin eta arreta jasotzeko bermeak emango dituen lege bat exijitu diete. LABek EAJri ausardia eskatu dio EH Bilduren proposamena babesteko. ELAk ere uste du EH Bilduren proposamena jeltzaleena baino hobea dela.
Nafarroak baimena eskatu dio EBri 120.000 abelbururi dermatosi nodularraren aurkako txertoa jartzeko
Aierdik azaldu duenez, azken egunotan gaitzaren bi foku atzeman ditu Frantziako Gobernuak, horietako bat, "Nafarroatik gertu dagoen eremu batean".
Martxoan hasiko dira Ertzaintzako lan-eskaintza publikoko azterketak, 150 plaza betetzeko
Probak plantilla indartzeko eta agenteen defizita estaltzeko planaren barruan sartzen dira.
Talgoren egoitza soziala eta fiskala Gasteizera itzuli da
Euskal partzuergoak (Sidenor, Finkatuz —Eusko Jaurlaritza— eta Vital) eta SEPI Industria Partaidetzarako Espainiako Gobernuaren menpeko sozietate publikoak egin dute horren alde. Halaber, taldearen egoitza soziala eta fiskala Ribabellosara (Araba) itzuliko da.
Unai Rementeria, BBK Fundazioaren presidente berria, Xabier Sagredoren ordez
Erakundearen Patronatua asteazken honetan bildu da, Bilbon, erabakia berresteko, ohar bidez jakinarazi duenez.
Aldundiak eta Eusko Jaurlaritzak eutsi egingo diote Urdaibain 300 milioi inbertitzeko planari
Aldundia, Jaurlaritzarekin batera eta "20 udalekin batera", uztailetik ari da "enpresen lehiakortasuna" bultzatzeko plana ezartzen, lurzoru industriala sortzeko, lanbide-heziketa indartzeko, eskualdean egon ohi diren sektore ekonomikoen indarguneei balioa emateko neurriak hartzeko eta horien inguruan jarduera berriak sortzen saiatzeko.
Pentsiodunen mugimendua 24 orduko itxialdi bat egiten ari da Gasteizen, ostegun honetako manifestazioen atarian
50 pentsiodun inguru 24 orduko itxialdi bat egiten ari dira Gasteizko Koroatzearen elizan. Bihar, itxialdia bukatuta, manifestazioa egingo dute Arabako hiriburuan, Lanbidearteko Gutxieneko Soldatarekin parekatutako gutxieneko pentsioen osagarri bat aldarrikatzeko. Iruñean ere deituta dago manifestazioa.