EAEko ekonomia aurreikusitakoa baino hamarren bat gehiago hazi da lehen hiruhilekoan, % 2,3raino
Euskal Autonomia Erkidegoko ekonomia % 2,3 hazi zen 2023ko lehen hiru hilabeteetan, aurreko urteko aldi beraren aldean, aurreikusitakoa baino hamarren bat gehiago eta 2022ko azken hiruhilekoarekin alderatuta % 0,5. Beraz, ondoz ondoko hamaika hiruhileko daramatza Euskadik hiruhilekoen arteko tasa positiboekin, Eustat Euskal Estatistika Erakundearen behin betiko datuen arabera.
Enpleguari dagokionez, urtarriletik martxora % 1,5 hazi zen 2022ko lehen hiruhilekoarekin alderatuta, eta % 0,3 aurreko hiru hilabeteekin alderatuta, duela hilabete eta erdi aurreratutako ehuneko berak.
Datu horiek berresten dute jarduera ekonomikoaren urte arteko dezelerazio txiki bat egon dela aurreko hiruhilekoetako hazkundeekin alderatuta, baita 2022ko BPGren igoerarekin alderatuta ere, % 4,4koa izan baitzen.
Euskadiko BPGren urte arteko hazkundea Europar Batasunekoa (% 1,2), Eurogunekoa (% 1,3) eta Estatu Batuetakoa (% 1,6) baino handiagoa da. Espainiako ekonomiari dagokionez, hiruhileko arteko hazkundearen zenbatespena EAEko batez bestekoaren berdina da (% 0,5), eta, aldiz, handiagoa da urte arteko konparazioan (% 3,8).
BPGren bilakaera lurraldez lurralde
Arabak % 2,5eko urte arteko hazkundea izan du, Gipuzkoak % 2,4koa eta Bizkaiak % 2,2koa. 2022ko azken hiruhilekoaren aldean, Arabako BPG da portaera onena duena, % 1,0ko hazkundearekin. Gipuzkoan eta Bizkaian hiruhileko arteko hazkundea % 0,5 eta % 0,4 izan da, hurrenez hurren.
Zure interesekoa izan daiteke
Guardian eta Glavista berpizteko akordioa “lortzear”, Eusko Jaurlaritzaren arabera
Akordioak 80 eta 85 milioi euro arteko inbertsioa ekarriko luke, eta 400 lanpostu inguru berreskuratzea eskualdean. Hala ere, Eusko Jaurlaritzak "zuhurtzia" eskatu du, akordioa oraindik ez baitago itxita.
Abian da errenta kanpaina Araban eta Gipuzkoan, eta gaurdanik autolikidazio proposamena onartu daiteke
Astearte honetatik, apirilak 7, Arabako eta Gipuzkoako ogasunek egindako autolikidazio proposamenak onartu edo aldatu ditzakete zergadunek. Ostegunean, apirilak 9, hasiko da errenta aitorpenaren kanpaina Nafarroan, eta apirilaren 15ean, berriz, Bizkaian.
Gaur hasiko da errentaren kanpaina Araban eta autolikidazio proposamenak onartu ahal izango dira
Arabako Foru Aldundiaren aurreikuspenen arabera, aurten 202.576 lagunek inguru egingo dute errenta aitorpena Araban, eta horietatik % 70 inguru herritarrei dirua itzultzeko izango dira. Kanpaina ekainaren 25ean amaituko da eta gehien erabiliko den modalitatea Rentafacil izango da.
Tubos Reunidoseko enpresa batzordeak "inplikazioa" eskatuko dio Jaurlaritzari, asteazkenean egingo duten bileran
Gorka Abascal ESK sindikatuko ordezkari eta enpresa batzordeko kideak adierazi duenez, bilerara jarrera positibo eta arduratsuarekin joango dira, Eusko Jaurlaritzaren eta Espainiako Gobernuaren arteko negoziazioak nola doazen ezagutzeko asmoz. Enpresak bere zorraren erdia Espainiako Gobernuarekin dauka, zehazki, SEPI Industria Partaidetzarako Espainiako Sozietatearekin.
1.033.410 kotizatzaile zeuden martxoan Euskadin, otsailean baino 5.003 gehiago eta 2025eko martxoan baino 10.971 gehiago
Langabeziari dagokionez, martxoan 107.173 pertsona zeuden Lanbiden erregistratuta, otsailean baino 179 gehiago eta duela urtebete baino 1.141 gutxiago. Nafarroan ere igo egin da afiliazioa, eta langabezia, berriz, jaitsi, eta 2008tik izandako daturik onenak izan dira Foru Erkidegoan.
"Handling" zerbitzuko langileek beste greba egun bat dute gaur, eta 175 hegaldi daude programatuta Loiun
Lanuzteak egingo dituzte txanda guztietan. Joan den astelehenean 90 minuturainoko atzerapenak izan ziren, eta hegaldiren bat bertan behera geratu zen.
Gasteizko Aireportuko aparkalekuak doakoa izateari utziko dio 2027tik aurrera
Aenaren arabera, aireportuaren jarduera "nabarmen" hazi da, eta horren ondorioa izan da erabakia. Ramiro Gonzalez Arabako diputatu nagusiak esan du hedabideen bidez izan duela erabakiaren berri.
Tubos Reunidoseko langileek enplegu-erregulazioko espedientea bertan behera uztea eta erakundeen inplikazioa eskatu dute
Amurrioko lantegiko Tubos Reunidoseko langileek manifestazioa egin dute asteazken honetan, 242 kaleratze proposatzen dituen enplegu-erregulazioko espedientearen aurka. Bilbon egindako mobilizazio batean, sindikatuen ordezkariek gutun bat aurkeztu dute enpresaren bulegoetan, espedientea bertan behera uzteko eskatuz.
Nafarroako Gobernuak Irango gerraren ondorio ekonomikoak arintzeko laguntzak iragarri ditu
Hasiera batean, harmonizazio-dekretu bat onartu dute, estatuko neurriak foru-araudira egokitzeko, baina aurreratu du neurri fiskal propioak lantzen ari dela, hala nola, PFEZren ordainketak atzeratzea.
Etxeko hegaztien ustiategietan ezarritako konfinamendua kendu dute, partzialki
Arrisku eta zaintza bereziko eremuetan mantendu egingo da neurria: Nafarroan, 12 udalerritan jarraituko dute etxaldeetako hegaztiek konfinatuta, eta EAEn, sei herritan.