Xabier Sagredo BBKko presidentea 'Urteko CEO' aukeratu dute 'CEO Today Europe' sarietan
Xabier Sagredo BBKko presidentea 'Urteko CEO' aukeratu dute Jasangarritasun Korporatiboaren kategorian, gai ekonomiko eta finantzierotan espezializatua den European CEO aldizkariak antolatutako 'European CEO Awards 2023' sarietan. Europa mailan hainbat sektore ekonomikotan lider diren zuzendari, enpresa eta kanpainak saritzen dituzte urtero.
Sari horrekin, "egun Europa den nazioarteko negozio gune oparoa izateko mugak gainditzen ari diren" zuzendarien lana aitortzen dute antolatzaileek.
Xabier Sagredo Jasangarritasun Korporatiboaren kategorian gailendu da, Yvon Chouinard Patagonia mendiko arropa markaren sortzaile eta CEO, Mads Nipper Orsted energia berriztagarriko Danimarkako konpainiaren CEO eta Velislava Ivanova Ernst & Young zerbitzu profesionalen multinazionalaren jasangarritasuneko zuzendaria gaindituz.
Aurreko edizioetan, 'European CEO Awards' sariek Espainiako Estatuko hainbat zuzendari aitortu dituzte, hala nola Maria Dolores Dancausa Bankinterreko CEO, Jose Luis Blanco Nordex-Accionako CEO edo Adolfo Orive Tetra Pakeko exekutibo nagusia.
Xabier Sagredo Portugaleten (Bizkaia) jaio zen duela 49 urte, eta Trapagaranen (Bizkaia) hazi zen.
Albiste gehiago ekonomia
Greba Bilboko Udaltzaingoaren telefono bidezko arreta-zerbitzuan, Aste Nagusian zehar
ELAk salatu du Udalak eta Lanalden azpikontratak ez dutela negoziatu nahi zerbitzua osatzen duten bost profesionalen lan-baldintzak hobetzea.
Jaurlaritzak onartu egin du Araban bi eguzki-parke eraikitzea, bata Agurainen eta bestea Arespalditzan
Euskal Herriko Agintaritzaren Aldizkariak ostegun honetan argitaratu du bi proiektuek ingurumen baimena lortu dutela. Instalazioek 32 hektareako azalera eta 20 megawatteko potentzia izango dute.
EHNE sindikatuak salatu du Nafarroako Gobernuak urratu egin duela suteei aurre egiteko hitzartutako protokoloa
Nafarroako Gobernuak suteak saihesteko lehen sektoreko hainbat jarduerei ezarri dien murrizketa-sortak hautsak harrotu ditu. Hala, EHNE laborarien sindikatuak protesta egin du astearte honetan, salatzeko Barne Departamentuak urratu egin duela hitzartua zuten suteen kontrako protokoloa.
Trumpen muga-zergek 400 milioi inguruko eragina izango lukete Euskadin, eta 73 milioi ingurukoa, Nafarroan
Bi lurraldeek dituzten esportazio-kopuruak direla eta, merkataritza-gerrak hainbat ondorio utziko lituzke Hego Euskal Herrian. Sektore kaltetuenak automobilgintza, makina-erremintagintza, altzairugintza eta ardogintza dira.
Udan egiten dira dendetako lapurreten % 26, eta ardoa, hestekiak eta aurpegiko kremak lapurtzen dira gehien-gehien
Jan-edatekoak daude Nielsenek egindako Estatu mailako rankingaren buruan. Horien atzetik zaintza pertsonalerako produktuak daude.
Debekatu egin dituzte zenbait nekazaritzako lan Nafarroan, sua dela eta
Nafarroako lurralde osoan debekatuta egongo da lurzoru urbanizaezinean nekazaritzako, basogintzako eta beste edozein motatako jarduerak egitea, baldin eta sua, makinak edo ekipoak erabiltzen badituzte eta horien funtzionamenduak baso-suteak eragin baditzake leherketen, txinparten edo deskarga elektrikoen bidez.
Etxebizitzen salerosketa-kopurua % 29 igo zen ekainean Euskadin
2.314 da eragiketen zenbatekoa. Interes-tasek behera egin dute, eta horrek finantzaketa merkatzea eragin du.
Euskadiko etxebizitza berrien prezioa, maximo historikoetan: 3.450 euro metro koadroko
Nafarroa aurretik (% 6,4) dago etxebizitza berrien prezioaren urtebeteko igoerari erreparatuta. Hiriburuei banan-banan begiratuta, batez besteko preziorik altuena Donostian dago, gero, Bilbon, eta azkenik, Gasteizen.
Iazko datuekin alderatuta, 3.074 langabe gutxiago zenbatu dira Euskadin uztailean, eta 78.743 kontratu sinatu dira
Ekainean baino 1.600 langabe gehiago daude, 104.991 guztira. Nafarroan duela urtebete baino 801 langabe gutxiago zenbatu dira, eta Espainiako Estatuan, oro har, 1.357 langabe gutxiago daude, eta 21.865.503 kotizatzailera iritsi dira. Kotizatzaile-kopuruaren gaineko datua maximo historikoa da.
Kutxabank, Espainiako bankurik kaudimendunena Europako Banku Zentralaren arabera
Erakundeak aise gainditzen du Europako batezbestekoa erresistentzia-testetan, eta Espainiako finantza-sektoreko kapital- eta palanka-adierazle nagusien buru da.